خلف الظلال كتب:
بسم الله الرحمن الرحيم
السلام عليكم يا أهل المنتدى الطبيبين
والسلام عليكم يا دكتور محمود أرجو من حضرتك رأيك فيما رأيت
رأيت أني ذهبت لزيارة سيدنا الحسين وما أن دخلت من البوابة الخارجية إلا وكانت الساحة كلها حجارة كبيرة وعمال بيكسروا وبيهدموا وحفر لدرجة انك تدخل المسجد بصعوبة وأنا اتخضيت جدا فرحت لمسجد السيدة زينب وكأنه على نفس الخط في الشارع المقابل ووجدت نفس الموضوع ومافيش ناس غير العمال اللي بتكسر وفي النص ما بين المسجدين مبني قصير من غير أدوار وبلا سقف كأنه مصلحة حكوميه ومقر للإخوان كأن بيتعمل فيه اجراءات زي استخراج أوراق رسميه
فدخلت علشان أسأل تقريبا عن الهدم ده
فلقيتهم بيبيعوا قهوة وشاي ومرطبات وكده بدل ما بيعملوا الاوراق الرسميه
وعلى الحيطان لافتات وقرارات بس مكتوب عليها كلام تافه جدا بلا معنى فقلت في نفسي وباستياء شديد ايه التهريج ده
ورحت أشتري منهم كوب كريماCReam MIlk
لكن الشخص المسءول عن البيع غبي جدا ما بيفمش وملامحه غبية ومتبلد الفهم
فرحت تاني عند السيده زينب وطول الحلم بين المسجدين وسط الهدم وبعيط وبقول لأاي حد يمر من المكان شوفتوا اللي حصل هنزور ازاي بعد كده كان زمان أحسن كنا على الأقل بنعرف نزور والناس بتهز راسها موافقه على كلامي
وقضيت باقي الحلم عياط بحرقه وصحيت على كده وكان قلبي بيوجعني من الحزن
ربنا يكفي شر هده الرؤيا وقلقي انهوة ده ممكن يحصل؟
الحمد لله الهدم لم يمس المساجد نفسها ولا الأضرحة الشريفه لكن كان هدم شديد طبقات الأرض متصدعه وخارجة لبره
ولا الحلم ده بيعبر عن حالي الشخصي رغم عمري ما فكرت في أسوء أفكاري ان يحصل كده....
ربنا يستر
الاخ الكريم وبعد الاستئذان من السادة الافاضل ارجو ان تسمحوا لي بهذا التاويل
بعد الصلاة والسلام على سيدنا محمد واله وعباد الله الصالحين فان شهادة سيدنا الحسين عليه السلام كانت بداية عصر الظلم والسكوت عنه والسيدة زينب عيها السلام انصفت من اهل مصر بعد ذلك وبين هذا وذاك كان الطغاة الذين غيروا وبدلوا ولكنهم بلا سقف مرفوع والناس لوجودهم منكرون وباطنهم فارغ تافه وظاهرهم كما رايت في المنام وانشاء الله ان القادم افضل وبكاءك تفريج كرب بعون الله المنجي من الشر والسوء
ان اصبت فبتوفيق الله وان اخطات فمن نفسي ان النفس لامارة بالسوء