موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 9 مشاركة ] 
الكاتب رسالة
 عنوان المشاركة: عاجل : شهود عيان عمر سليمان ما زال علي قيد الحياه : ولم يمت
مشاركة غير مقروءةمرسل: الاثنين إبريل 08, 2013 12:53 am 
غير متصل

اشترك في: السبت ديسمبر 08, 2012 3:18 am
مشاركات: 415
نقلا من
جريده : صوت الشعب


قال شهود عيان ان الجنرال عمر سلمان ما زال حيا علي حد قولهم حيت قال الشهود اننا رئينا اللواء عمر سليمان وهو

يتجول في مول تجاري في ولايه نيويورك الامريكيه للتسوق وشراء بعض الاغراض الحياتيه

المصدر: ايجى نيوز http://www.s-medan.com/2013/04/blog-pos ... z2PoxKT6ve


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الاثنين إبريل 08, 2013 1:21 am 
غير متصل

اشترك في: الخميس مارس 29, 2012 9:53 pm
مشاركات: 45691

صورة

يفعل
الله
ما يشاااااااااااااااااااء
لما يشاااااااااااااااااء
ويقدر


_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الاثنين إبريل 08, 2013 4:06 am 
غير متصل

اشترك في: الأربعاء فبراير 03, 2010 12:20 am
مشاركات: 7603
وقالوا أيضا :
صدام حي
والقذافي حي
وخالد الاسلامبولي حي
وحسني مات والمسجون حاليا مستنسخ
كفاهم لعبا بعقول البسطاء
اللهم ارحم أمة سيدنا محمد صلى الله عليه وآله وسلم

_________________
صلوات الله تعالى تترى دوما تتوالى ترضي طه والآلا مع صحب رسول الله


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الاثنين إبريل 08, 2013 8:00 am 
غير متصل

اشترك في: الجمعة يناير 01, 2010 1:16 am
مشاركات: 951
عبدالله ابن عبدالله كتب:
نقلا من
جريده : صوت الشعب

قال شهود عيان ان الجنرال عمر سلمان ما زال حيا علي حد قولهم حيت قال الشهود اننا رئينا اللواء عمر سليمان وهو
يتجول في مول تجاري في ولايه نيويورك الامريكيه للتسوق وشراء بعض الاغراض الحياتيه
المصدر: ايجى نيوز http://www.s-medan.com/2013/04/blog-pos ... z2PoxKT6ve



حامد الديب كتب:


يفعل
الله
ما يشاااااااااااااااااااء
لما يشاااااااااااااااااء
ويقدر






رحم الله السيد عمر سليمان رحمة واسعة







عندما توفى فضيلة الشيخ سيد طنطاوى كنت قلق جدا على الشيخ القادم للازهر .. وبصراحة سالت الله ودعوت كثيرا ان يكون د على جمعة او د/احمد الطيب .. وكنت قلق من د احمد عمر هاشم او زقزوق او الدفتار او مجهول آخر.. لكن الله وفق الرئيس مبارك فى الاختيار السديد باختيار الشيخ الطيب .
يومها فرحت فرحة شديدة يعلم الله انه مرت سنوات طويلة دون ان افرحها سواء فيم يخص الشأن العام للبلد أو شأنى الخاص .. كان أختيار احمد الطيب بالنسبة لى معناها ان الله اراد خيرا بالازهر .. وتابعت الدكتور الطيب عن كثب ولم يخيب ظنى فى اى قرار اتخذه منذ تولى المشيخة .. ورتبت امور لى على اقتراحات كثيرة سوف اعدها واقدمها للمشيخة تحت عنوان الازهر كيف احب ان اراه... وليس مجرد اقتراحات بل خطط واضحة المعالم وممكنة التطبيق.. تجمع بين عمق الازهر ودوره التراثى والمعلومة السريعة التى يتطلبها هذا الجيل .. ثم قامت الثورة واتلخبطت الدنيا وعاد القلق على الازهر خاصة عندما بدأت جموع المصريين فى تقديم الطلبات للمجلس العسكرى وكان من بينها طلب السلفيين- قبل ان يكونوا حزب - ان يفتح باب الترشح لمشيخة الازهر وان علماء الامة ليسوا قاصرين على علماء الازهر فقط .. يومها صعقت عندما شعرت ان جرأتهم وصلت الى هذه الدرجة وبدأت مناوشات وحملات الاخوان السرية على الشيخ الطيب .. وكانت الاحداث مقلقة جدا بالنسبة لى .. وكانت الخريطة امامى ان عقلاء الازهر قلة والصوفية التى قد تدعم الشيخ الطيب فى ضياع .. فى احد الايام سمحت الظروف لى ان ازور صديق وكان غائب فى عمله وسوف يعود بعد ساعة فاستقبلنى جاره واصر على استضافتى لحين حضور صديقى وبدأ منه النقاش فى الاحداث الجارية .. طريقة اسئلته شعرت انه من الاخوان المسلمين .. وليس فرد عادى بل اسئلة لطلب معلومات دقيقة فى بلد هو ضيف فيها يريد ان يعرف اعماقها .. سألته سؤال مباشر هل انت من الاخوان فانكر واخذ يلف ويدور وانه متعاطف معهم فقط لانهم مظلومين .. وسار الحوار حتى وصل الى شيخ الازهر د/ احمد الطيب .. جاءت لى فكرة مجنونة يومها .. هو يدردش معى لياخذ معلومات ليعطيها لقياداته.. ما المانع ان اوصل لهم رسالة غير مباشرة عن طريقه فيم يخص الأزهر .. وتكلمت عن دور الازهر العظيم ... وكنت قبلها حكيت له عن جماعته من تاريخ تأسيسها واخطاء حسن البنا .. وافهمته ان جماعة الاخوان فى احسن صورها مجرد مدرسة اجتهادية تصيب وتخطئ بينما الازهر مؤسسة علمية ضخمة ولا يليق ابدا ان يتبع الاصل الفرع وان هناك محاولتين الان لضياع الازهر الاولى من الاخوان يرغبون فى القرضاوى شيخا للازهر والسلفيون يرغبون فى محمد حسان شيخا للازهر .. وان هذا مستحيل ان يرضى به الازهريون مهما كان الثمن .. لن يكون شيخ الازهر ابدا اخوانيا او سلفيا .. وان الازهر سيظل اشعريا ويدرس جميع المذاهب .. واخذ الحديث يتطور منى ويتصاعد الصوت وفيه كل طاقات الغضب :evil: حتى اقسمت له بالله .. ان هذا الامر لو سعى فيه الاخوان .. ان يكون الثمن التصفية الجسدية لكل عضاء مكتب الارشاد وعلى رأسهم المرشد :evil: .. وان الذى سيقوم بهذه المهمة هو انا وأبناء الأزهر المخلصين :evil: .. واننى اسعى الآن للاتصال بمجموعة من الصعايدة المؤمنين بالأزهر ومؤمنين أن المقعد خاص بالصعيد وما حدش ياخده منهم حتى لو بالدم :evil: .. كل هذا حسبة لوجه الله .. حتتم التصفية الجسدية بالكامل وسنسلم انفسنا للاعدام احتسابا لوجه الله الكريم وللازهر .. وطبعا كان صاحبى جاء فوجد هذا الحديث العاصف المشبع بالدم والموت .. واخذ الاخوانى يهدأ فى ويحضننى ويقول ياأخى اهدأ نحن نحب الازهر ولن نضره ويهمنا عزة الاسلام وانا مش فاهم موضوع الاشاعرة دا ايه معناه.. قلت له القرضاوى سألوه عن عقيدة الازهر قال الازهر اشعرى والامة كلها اشعرية .. قال لى خلاص ما دام القرضاوى قال كده خلاص احنا معاه والازهر يبقى اشعرى بس اهدأ :mrgreen: .. ارجوك موضوع الدم دا لا .. نحن نحب الخير لمصر والازهر واخذ يهدأ فى روعى ويحضننى حتى خرجت من عنده الى بيت صديقى .. صاحبى عارفنى كويس لا بتاع دم ولا باعرف اتخانق .. صحيح عصبى حبتين او ثلاثة بس لو حد محترم زعق معاى ممكن عينى تدمع وابكى وما اعرفش ارد :oops: .. قال لي ايه دا اللى بتقوله وبتعمله .. قلت له صاحبك دا اخوانى كبير .. ضحك وقال لى ايوة بس ما بيقولش .. قلت له حاسس انه على اتصال بالقيادات العليا بتاعتهم .. ومش عضو عادى .. قال لى دا صحيح على اتصال مباشر ب "........." قلت له تمام .. الشبورة اللى انت شفتها دى عبارة عن رسالة كنت عايز اوصلها لقياداتهم علشان يخفوا على د/احمد الطيب.. عايزين يشيلوه هم والسلفيين ... اكيد حيعمل تقرير ويرفعه .. هو دا المطلوب ولو سالك عنى قل له متعصب على الازهر وممكن يقتل قتيل بالفعل .. اخدت قعدتى مع صاحبى ومبطلناش ضحك :mrgreen: .. اكتشفنا انا وهو .. انى شرير مش هين :mrgreen: .. المهم بعد اسبوع رحت لصاحبى وحرص هذا الاخ على مقابلتى واكد لى بلغة واثقة ان موضوع الدكتور الطيب فيه اختلاف فى وجهات النظر فيه .. لكن الاتفاق حيبقى ومش حيتشال وحيترك تشكيل هيئة كبار العلماء دون تدخل كما اعتمده المجلس االعسكرى ومش حيغيروه فى مجلس الشعب .. قلت له كده نبقى حبايب

***


طبعا مابزعمش انه بسببى بس انا باحكى الموقف علشان التراكم واللى جاى

***


بعد اكتساح الاخوان والسلفيين فى انتخابات مجلس الشعب كنت حاسس انه لازم يتعمل حاجة الأزهر حيضيع والعقلاء قلة والصوفية مفيش امل فيهم .. حتى الشيخ علاء ابوالعزايم اللى بيفهم شوية مابتاجيش من وراه للصوفية الا المصائب.. الحاجات الكبيرة دايما عنده تتحول لحاجات صغيرة ربنا مش رازقه التوفيق ابد .. كنت اتشمم الاخبار من الصوفية وهم دائما اساتذة كتمان ... فكانت طريقتى الاستفزاز بالهزار مع احبابى فيهم .. يعنى مثلا بعد اكتساح السلفيين فى الانتخابات ..اقول لهم .. هاه مستعدين ولا لا.... يقولوا مستعدين لايه... اقول لهم .. السلفيين حيعلقوا كم من رجليكم ياترى فيه مدد وكرامات ولا حتصالحوهم ولا حتدفعوا الجزية .. توجعهم الكلمة يردوا على بانفعال ... تفلت كلمة فى الرد افهم ماوراءها ... أو مثلا اخترع فرية على شيخهم اقول مثلا سمعت انه جاء وارد للشيخ انه فلان حينجح فى الانتخابات .. يقول المريد ما حصلش .. اقول له كده احلف والله ماحصل يقول والله العظيم ماحصل الكلام دا... اروح اساله السؤال التانى -اللى هو اصلا انا عايزه- طيب كده قول والله ماقال الشيخ ان اللى حيمسك مصر واحد من الاشراف ... ان كان مفيهاش مشكلة بيحلف ان كان فيه سر يخاف ويقول لا ياعم دى اسرار او يتهرب تعرف انه حقيقة ... المريدين فى الصوفية طيبيبن .. المصيبة فى المشايخ ... من دا ..على دا.. على دا.. عرفت ان الصوفية عندهم معلومة روحية ان اللى حيمسك البلد واحد من الاشراف بس ما وصلتش .. هو مين

***


انا متابع الوضع السياسى جيدا من زمان .. متابعة على البعد من خلال صحف المعارضة ومواقع النت .. ومتابعة عن قرب احيانا بحضور فعاليات المعارضة الاحتجاجية وبعض المظاهرات وبعض فعاليات التضامن مع النشطاء المعارضين لمبارك ...والرؤية اللى تكونت عندى من كل دا.. ومن سنة 2005 ان عمر سليمان هو الشخص المناسب لاسباب كتيرة ليس وقتها الآن ... بعد احداث الثورة زاد اقتناعى بضرورته ... احنا الثورات بنقرأعنها فى الكتب لكن اول مرة فى تاريخنا نشهدها ونتابع كيف تجرى الاحداث دقيقة بدقيقة وكيف يدير كل طرف معركته وحركته .. سواء كان هذا الطرف .. ناشط سياسى ..حزب سياسى .. مفكر .. رجل دين .. عسكرى .. مواطن صادق .. مواطن افاق وضلالى .. كل دا بتشوفه مباشرة غير القراءة من الكتب .. ومش فقط بتشوفه مباشرة انت لديك تصور ذهنى كامل عن كل واحد كان بيقول ايه وعند الحدث الكبير عمل ايه ... كل دا كوم .. واحساسك بدور اجهزة المخابرات سواء الجهاز الوطنى او الاجهزة المعادية اوحتى اجهزة الدول الصديقة فى ادارة حدث مثل هذا كوم تانى ... كل هذا كان يؤكد قناعاتى ان المرحوم عمر سليمان هو الرجل المناسب .

***


بطبيعتى اميل الى العزلة ولا احب التعارف على احد سواء ادخل حياته واهتماماته او يدخل حياتى واهتماماتى ومن النادر جدا كل عدة سنوات حتى اتعارف على احد جديد وغالبا تدفعنى الاقدار دفعا فلا اجد مفر فيحدث التعارف ومن هؤلاء كان شخصين "أ" و"ب" عرفت "أ" بسبب موضوع فى زيارة الى آل البيت وكانت معرفة طيبة اما "ب" فهو يعرف "أ" وكان يرانى معه فقط ولا تعامل بيننا .. وفجأة اختفى "أ" فلا اراه ولا يرانى .. ولم يسأل اى منا عن الآخر لمدة 3 سنوات ... وجائنى "ب" يسأل عنه فاخبرته انى لا اعرف عنه شيئا ..وتكرر سؤاله على فترات حتى ادركت انه يشك فى انى اخبئه عنه فاقسمت له انى لا اعرف اين هو ولم يصدقنى وان تظاهر بالتصديق حتى كان يوم وكنت فى زيارة لآل البيت وقابلت "أ" بالصدفة كنت فى هذه الزيارة مشغول بموضوعين دخلت الى صاحب المقام.. ان يبصرنى الطريق فيهما.. الثانى فيهما موضوع انضمامى لحملة عمر سليمان ... قابلت "أ" وبعد الاحضان بدأنا نحكى فإذا به يجاوب على سؤالى الأول لصاحب المقام .. دون ان اساله او هو يدرى بموضوعى .. ودى نفحات اتعودت عليها من الكرام .. التقطت الخيط وفهمت الاجابة واستمريت فى الحكى معاه عادى.. ولم اقل له انك جاوبت على حيرتى فى موضوعى وخرجنا نستكمل الحديث على قهوة .. فاذا بالاخ "ب" يجئ وارى فى عينيه اتهام لى .. كانه بيقول لى اهو انت بتقابله .. فبسرعة سألت صاحبى "أ" بالله عليك لتحكى احنا ماتقابلناش من امتى .. حكى الاخ "أ" بس مش فاهم ليه.. واخذت اساله وهو يجيب .. ثم وجهت سؤالى ل "ب" قائلا هل صدقتنى الآن قال قال لى خلاص صدقت .. ولم اكن اعرف بلد "ب".. دردشنا من باب تخيف جو الظنون فى انى اخبأ عنه "أ" خاصة وان "أ" صحفى .. بينما "ب" متواضع الحال .. قال لى انه من الصعيد من محافظة قنا .. سألته هل صحيح عمر سليمان من عندكم قال نعم واعرف عائلته .. سالته عن نسبه فى الصعيد فاخبرنى انه من الهوارة وايضا من الاشراف حيث ليس كل الهوارة اشراف ... قلت فى نفسى هل معقول يكون هو الذى يلمح له اهل المعرفة من الصوفية ..كنت قلق من شئ واحد فيه .. بدأت حملة عليه ان عمر سليمان دموى .. وبرغم انى متابع مصادرها حيث بدأت من الغرب وامريكا تحديدا .. وتلقفها النشطاء السياسين المصريين .. الا انى كنت خائف ان يكون هذا حقيقى ولو بنسبة واحد فى المائة .. فاتحمل ذنب انى دعمت مجرم ويقع على كل وزر يرتكبه بعد ان يحكم .. فى هذه الاثناء دخلت المنتدى المبارك فاذا بكلمة موجزة معبرة للدكتور صبيح عن عمر سليمان .. فقط قال الحبيب عمر سليمان .. قلت فى نفسى مش معقول لو عمر سليمان مجرم او دموى ان يقول الدكتور صبيح كلمة مثل هذه .. بل شعرت ان الدكتور صبيح يخبئ شئ هو الخير عن عمر سليمان ... قلت اذن على بركة الله سوف انضم الى الحملة الرئاسية لعمر سليمان

***


اشتريت خط مخصوص للموضوع دا .. علشان انا كنت على اتصالات سابقة بنشطاء سياسيين ضد موضوع التوريث و كانت تليفوناتهم تحت المراقبة .. وكنت اخشى ان تظن فى حملة عمر سليمان انى مدسوس عليهم من الثوريين ..
الو سلام عليكم عليكم السلام .. وبعد التعارف سألت هو حيرشح نفسه بنسبة كام فى المية قالوا نسبة 85% قلت بس دى نسبة بسيطة .. قالوا حنضغط عليه خاصة لو وصلنا عدد التوكيلات الى 30 الف توكيل .. كان الكلام دا قبل فتح باب الترشيح بحوالى سنة .. وكانت المحافظة الوحيدة اللى لسه مالهمش حد فيها هى الوادى الجديد وبقيت المحافظات كانت وصلت للنسبة القانونية .. ودا يؤكد لى ان استبعاده كان قرارأو خيانة.. وان ساعد فيه اخطاء من حملته .. المهم قلت له طب والبرنامج قالوا احنا لسه ما تكلمناش فى هذا الامر احنا بنجمع نفسنا .. قلت لهم بصراحة انا ماليش فى الحشد والتعبئة انضمامى للحملة له هدف وحيد وهو المحافظة على الازهر من الضياع .. وانا عايز اشارك فى البرنامج الانتخابى بتاعه باقتراحات مهمة بالنسبة لادارة الموقف فى الشأن الدينى بين المدارس المختلفة سواء الاخوان المسلمين او السلفيين او الصوفية والأهم الازهر وعدم ضياعه .. وانا اثق ان السيد عمر سليمان الوحيد اللى حيفهم كلامى رايح فين.. لان المعلومات كلها تحت يده .. لكن هو صعب ان يوجد الحل .. الحل لازم يكون من واحد فاهم المدارس دى جاية من فين ورايحة فين .. وانا مش عالم من علماء الأزهر انا ازهرى متخرج من كلية علمية فيه ... بس انا ادرك جزء الصراع فى المدارس الفكرية وعندى تصور ان الحل بأن نوفق بين حق الانسان فى اختيار المدرسة اللى يثق فيها .. وحق الدولة ..فى السلام الاجتماعى لشعبها .. دولة ماتتحولش الى فتن .. ثم حق جيراننا من الدول العربية اللى بتمول مدارس معينة بحيث نصل لاهدافنا دون صدام مع اى دولة شقيقة .. انا حاعرض تصورى والنقاط المركزية فيه .. ولكن الاخراج النهائى حيكون لاساتذة الشريعة واصول الدين بجامعة الازهر .. مش انا .. انا مهمتى الوحيدة ابراز كل مسألة رايحة فين وجاية من فين .. قال لى تعالى معانا وان شاء الله نصف البرنامج حنقدمه احنا اعضاء الحملة والنصف الآخر عليه هو .. واتفقنا على لقاء
***







للحديث بقية .. بس يارب اتوفق واكمل علشان مواضيعى كلها ناقصة تكملة... وشكلى وحش امام نفسى وامام الافاضل فى المنتدى


_________________

يانور الأنوارِ أَغثنى
أدْرِكنى يا نور "محمد"
مِن أَرْضى..مِنْ طينةِ جِسْمى
وارفعنى لجوارِ" محمد"
***
خذنى إليك ..ونـقنى
مِن كل عيـبٍ زَكِّـنى
و بـنظرة منك اكـفنى
و إلى رحابك ضُمنى
من شعر عبد الله صلاح الدين القوصى


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الجمعة إبريل 12, 2013 10:55 pm 
غير متصل

اشترك في: الجمعة يناير 01, 2010 1:16 am
مشاركات: 951

رحم الله السيد عمر سليمان رحمة واسعة( 2 )



عندما اتفقت على لقاء طلبت من الاخ اللى تواصل معى فى الحملة ان يكون اول لقاء شخصى معه على قهوة حتى اعرض ما لدى فاذا وجد قبول منه يكون اللقاء الثانى مع الشخص المناسب لما اطرحه .. لكن مايكونش اول لقاء لى معهم جماعى مع المجموعة فى احد اجتماعاتها كما عرض على .. وافق الرجل مشكورا .. حددنا الموعد وكان بعد صلاة الجمعة واستمر اللقاء لآذان العصر ..

***


اسوأ شئ عندى ان اتكلم مع احد لا اعرفه .. أفضل دوما وجود صورة ذهنية للشخص حتى اتعامل معه على اساسها .. الحديث بين الناس ليس مجرد كلمات بل رؤية للعالم فى كل شئ.. ونفس الكلمات بل نفس الجمل تحمل معانى متناقضة او متوافقة بناء على رؤية المتكلم للعالم .. نفس الجملة ممكن تكون مدح وذم هى هى .. الفارق فى الشخص المتكلم ورؤيته للعالم ..وكذلك فى المتلقى .. وكنت عايز اعرف ياترى الاخ اللى معاى فى حملة عمر سليمان فاهم سياسة ولا واحد بيحب عمر سليمان ومدربينه على حاجات حافظها من نوعية وطنية عمر سليمان وكفاءته الخ .. بناء على فهمه أنا حاعرض ماعندى .. ومن معرفتى الجيدة بمصرنا العزيزة ممكن تلاقى فيها استاذ جامعى أو مستشار فى القضاء او لواء شرطة او جيش او وكيل وزارة أو شيخ ازهرى أو شيخ طريقة .. يعنى اعلى رتبة فى مجاله مع ذلك تكلمه ومايفهمش .. عقله مدرب على الصورالذهنية اللى فى مجاله فقط اى حاجة تانى تشعر انك بتتكلم مع واحد "....." يمكن ابن واحد من هؤلاء يفهم اكتر من والده .. فانا عايز اشوف الاخ اللى من حملة عمر سليمان مساحة الفهم بينا حتكون ازاى .. كان هو سائق العربية الملاكى وماخدنى لقهوة هو عارفها .. كان البرادعى اعلن عدم دخوله فى انتخابات الرئاسة .. قلت له مبروك البرادعى خرج .. قال لى ومين قال لك احنا خايفين من البرادعى .. دا وجوده احسن لينا.. ففهمت انه ماخد باله من مهمة تفتيت الاصوات اللى كان حيعملها البرادعى مع حمدين صباحى .. قلت له خرج علشان يخربها .. ضحك وقال لى عليك نور .. هو خرج علشان يخربها .. قلت له شوف مصر حاليا فى عدة عقول بتحكمها اولا المشايخ ورجال الدين واتباعهم .. ودول هدفهم تطبيق النصوص قرآن وسنة زى ما هم فاهمين .. وماعندهمش اى استعداد يفهموا اى فهم جديد .. ومفيش اى مانع عندهم من اى خراب يأتى طالما طبقوا اللى فاهمينه لان المسألة عندهم لوفشلنا فى الدنيا حناخد الثواب فى الاخرة .. العقل الثانى عقل البزنس والمصالح ورجال الأعمال ماتفرقش معاهم أحمد من الحاج أحمد .. المهم المصلحة تمشى اشتراكى ليبرالى اسلامى مش مشكلة فى اى اسم المهم النتيجة .. والعقل الثالث عقل المثقفين .. أحلام وأمانى عريضة وواسعة بس مشكلتهم بيتعاملوا مع القيم بصورة مجردة خيالية .. لا تتناسب مع حقائق الحياة ... العقل الرابع العسكريين .. عقل يفهم جيدا اولا معنى القوة .. ويسعى اليها ويمتلكها .. ويعرف جيدا اكثر من اى احد غيره الشر والشيطان .. ولديه القدرة على التعامل مع كل لانواع الشر ببساطة وهدوء .. لم اكمل الجملة فاذا بالأخ يقول لى عليك نووور .. يعرف الشر جيدا ويتعامل معاه .. قلت له ايوة .. بس هوه عيبه يقدر يبنى الدولة ويحافظ عليها ما توقعش بالقهر.. بس مايعرفش يبنى الحضارة ..لو كان يقدر كان حسنى مبارك نجح .. ومايقدرش يمنع الفتنة .. صنع الحضارة مهمة المثقفين .. والفتنة يعملها المشايخ ويمنعها المشايخ .. احنا وفى العربية وقفنا فى اشارة ومظاهرات حاشدة كانت لانصار ........ وحدفوا الينا منشورات .. اطلعنا عليها .. كان نجم ....... بازغ ويعلو ويعلو كل يوم .. قلت له.. الراجل دا مش خطر على عمر سليمان .. نجمه بيعلى ويعلى كل يوم .. ضحك الاخ بجوارى هازئا منه قال لى سيبه يعلى ويعلى ويعلى .. وهب فجأة حيلقى نفسه شلوت... برة اللعبة .. قلت له معقولة .... ازاى ... قال لى فضيحة كبيرة ...

***


يوجد شئ انا اسميه ثقافة الاستار .. ذلك ان الاشياء امامنا مجهولة ..وموقفنا المعرفى منها اننا دوما فى محاولات لاكتشافها .. وهى طبقات معرفية فوق طبقات .. فانت اذا حاولت ان تكتشف جسدك الانسانى اول مستوى فى التعامل معه الشكل الظاهرى لبنية جسمك ثم المستوى الثانى اعضاء الجسم والاجهزة الداخلية .. ثم اذا اردت ان تعمق معرفتك اذا به مجموعات من الانسجة المختلفة .. فاذا زاد التعمق دخلت على الخلايا وانواعها .. حتى تنتهى بك الحقيقة الى ذرات الكيمياء المكونة للجسم .. هذه الحقائق بمستوياتها المختلفة لا تتكشف لك الا بطرح الاسئلة التفصيلية والبحث عن اجابات لها .. لكن يوجد ثلاثة اشياء طرح الاسئلة بتفاصيل يغيبها ولا يظهرها .. ان اردت ان تعرف حقائقها لازم تلف حول الاسئلة من بعيد... ماينفعش مباشر وبالتفصيل .. واذا حاولت تضيع الحقيقة .. لان طبيعة هذه الأشياء الأستار والخفاء.. لا الإعلان ولا الوضوح .. يكفى فيها فقط الاشارة.. أو التلميح .. وهذه الاشياء هى ما يخص ثلاثة .. أهل الله ..و المرأة .. والسياسة .. من يتعامل معهم بمنطق الصريح والدوغرى.. وواحد زائد واحد يساوى اثنين .. ما يوصلش للحقيقة.. حافصلهم فى مشاركة تعقيبا على الفاضل ابو بكر فى أحد تعقيباته على استاذنا الدكتور صبيح الموجودة فى هذا الرابط ..
http://www.msobieh.com/akhtaa/viewtopic.php?f=9&t=10950&p=70287#p70287
فيما يخص السياسة انا مستوعب تماما ان احد ادواتها ان يرسل مرشح رئاسى او فى مجلس الشعب الى خصمه احد من طرفه على اساس انه بيأيده ويكون عين له ينقل له اخبار خصمه السياسى وتحركاته.. وهذا الجاسوس الانتخابى بتكون مهمته معرفة كل التفاصيل والسؤال عن كل شئ حتى ينقله .. وكنت اتحسب انه ربما تتعامل معى حملة عمر سليمان على هذا الاساس .. فوضعت لنفسى قاعدة معهم الا اسال عن اى شئ طبيعته فيه فائده لأى مرشح خصم .. والا اسال فى إكمال اى معلومة هم قالوا نصفها فقط .. والا أسال فى توضيح اى شئ هم لمحوا به ... والا أطلب حضور اى اجتماع من نفسى الا اذا هم طلبوا منى .. باستثناء التعارف الأول ومتابعة ما أقدمه من مقترحات .. القواعد دى وضعتها لنفسى قبل ما اذهب .. لما قال لى على ....... منتظراه فضيحة كبيرة .. عايز اسال فضيحة ايه لكن مسكت نفسى ... حتى كان ما كان .

***


وصلنا القهوة وبدأت ادردش معه فى رأيه فى كتلة تصويت الاخوان والجماعات والسلفية فى مجلس الشعب انت كداعم لمرشح رئاسى فاهمها ازاى .. حاسس منها بأى خوف والكتلة دى ليها مرشحها الرئاسى .. بدأنا نقاش فى تحليل الأصوات وجدته فاهم تماما ودماغه صاحية للتفاصيل الدقيقة ودلالاتها وكنا متقاربين تمام فى التحليل الفرق بينى وبينه انى معتمد على المنطق المجرد واحساسى الخاص الناتج عن خبراتى الشخصية ومتابعة الدقيقة للاشياء... بينما هو يستند الى المعلومات الدقيقة والمنطق التحليلى العالى لديه للنتائج .. استريحت نفسيا انه بيفهم ومش موظف مدربينه لهذه المهمة .. اخرجت خريطة - للاسف بحثت عنها على النت لم اجدها - هى كانت موزعة مع مجلة العربى الكويتية فى هذا العدد عدد اول يناير عام 2010 ومع ذلك الهدية دى الوحيدة مش موجودة على موقعهم .
هدايا مجلة العربى الكويتية ما عدا الخريطة المطلوبة
الخريطة دى مهمة جدا لاى فرد يحاول يدخل عالم السياسة او لاى فرد عايز يدرس الفكر والفقه الاسلامى .. الخريطة دى عبارة عن وصف تفصيلى لنظم الحكم لجميع دول العالم الاسلامى فيها.. من أيام الخلافة الراشدة حتى عام 2010 .. سبحان الله وكأن الخريطة فى هذا العام تعلن من بدايته انها تودع المراحل الثلاث راشدة - وعضود - وجبرية - استعدادا لخريطة أخرى هى الأخيرة !!!
فردت الخريطة على القهوة وشرحت له هى مقسمه ازاى .. هى كل دولة سياسية زى الخلافة الراشدة او الاموية او العباسية مرسومة بلون مختلف على الدولة الجغرافية الحديثة مثل مصر او السودان او ليبيا وهكذا وعلى الجانبين مكتوب التاريخ الميلادى والهجرى لقيام وسقوط كل دولة سياسية ...
قلت له عمر سليمان راجل وطنى على راسى من فوق ..و كذا أو كذا - من الحاجات اللى قالها عنه فى العربية - كلها على راسى من فوق وموافق عليها ... لكن احنا المفروض الخطوة اللى داخلين عليها هى تاسيس جمهورية جديدة ... ايه رؤية السيد عمر سليمان للجمهورية دى ؟ دا راجل يعرف كل الماضى والحاضر بتاع البلد .. عارف العدو من الصديق وعارف الحقيقة كلها .. عمر سليمان عمره 76 سنة يعنى داخل على الثمانين .. يعنى مش فاضل من العمر تانى خلاص.. لو نجح ياكمل مدته ياماكملش طب وبعدين ؟؟ انا جاى علشان وبعدين.. الحل الوحيد ان يركز عمر سليمان فى فكرة تاسيس الجمهورية الثانية .. مش مجرد فترة رئاسية .. كل دولة من الدول السياسية دى اللى انت شايفها على الخريطة قامت على فكرة .. فكرة حق او باطل اخذت تكبر شوية شوية انتهت بدولة .. ومفيش دولة سقطت من الدول دى الا بفكرة هزمت فكرتها الاساسية وهكذا .. حسنى مبارك اتهزم علشان مفيش عنده فكرة الا اكل العيش ولما عجز عنه اتهزم ... قلت له الصراع فى مصر حاليا بين عقل المشايخ وعقل المثقفين وعقل العسكريين .. واحنا محتاجين للثلاثة ... والمؤسسة الوحيدة القادرة على ضبط الموضوع دا هى الازهر ... والازهر حاليا حيضيع .. علشان كده انا جاى لعمر سليمان ... الازهر الوحيد القادر على وضع مسارات للمدارس دى سواء اخوان او سلفية او صوفية او مثقفين بما يضمن الدولة لاتقع .. وبمايضمن الا تدخل البلد فى فتن مذهبية.. وفى نفس الوقت الصوفى صوفى والاخوانى اخوانى والسلفى سلفى .. وتكلمت فى هذه الجزئية من الظهر حتى العصر ... واوضحت وجهت نظرى بعدة صيغ وطرق علشان لو مفهمش دى او نسى يفهم او يتذكر بالطريقة التانية .. وفى آخر اللقاء عرضت عليه ان يعرض هذا الكلام على السيد اللواء عمر سليمان .. ان كان يقبل ان نشارك فى برنامجه الانتخابى فى الشأن الدينى ويدعم الأزهر فله وقتى وجهدى وفكرى وصوتى .. وان كان هو خلاص عارف طريقه فى هذا الموضوع وجهز برنامجه .. خلاص بالتوفيق.. وله صوتى فقط.. دون جهدى او فكرى .. وانا جاى للحملة علشان الأزهر والشأن الدينى فقط.. خاصة وانا اتكلمت فى اشياء اخرى غير الشأن الدينى .. قال لى خلاص دى امانة انا حانقلها وابلغك الرد .. قلت له خلاص انا منتظر منك رد بس معلش فى شرطين الأول اذا جاءت الاجابة بالموافقة ان يكون اللقاء الأول معاكم فى الحملة موجود حد من اسرة السيد عمر سليمان .. معلش انا اثق فى سيادتك تماما .. بس البلد هايصة وماحدش عارف مين مع مين ومين على مين .. الشرط الثانى انه اذا تمت الموافقة يكون وسيط واحد بينى وبين السيد عمر سليمان مايبقوش اثنين .. يعنى لو انت حتسلموا الورق حاسلمه لك .. لو حد تانى هو اللى حيسلمه الورق انا اسلم الشخص التانى وفى وجودك .. وآخذ الرد بعدين من الوسيط مباشرة وفى وجودك .. قال لى لا تقلق فى هذا الموضوع .. حاقعدك مع ناس من اسرة عمر سليمان علشان تطمئن .. وحيكون وسيط واحد .. سلمت عليه ومشيت .. ودا كان اللقاء الاول والأخير مع هذا الاخ الفاضل ..

***


طبعا انا مش مغرور لدرجة انى حأسس للجمهورية الجديدة لدولة عظيمة مثل مصر .. الفكرة ببساطة ان لديك ميراث من القرآن والسنة .. ولديك مناهج معرفية متعددة لتفسيرهما .. ولديك شيطان وعقل وروح ولدينا نفس امارة بالسوء.. وواقع مزر لا يسمح باكتمال شئ.. واجيال من الشيوخ -فى الثقافة والفكر والدين - منفصلة فى احساسها عن الاجيال الجديدة .. والظروف المحيطة بكل فرد.. سواء الفرد دا شيخ او متلقى .. هى مسرح الاحداث .. والحروب والطحن شغالة على البنى آدم المسكين .. الحل افصل دا من دا عن دا يرتاح دا من دا من دا .. دا الحل اللى عندى لكن مين اللى حيفصل .. مش انا طبعا .. اللى حيفصل على حسب نوع "دا" .. مرة حيفصل عارف بالله ومرة حيفصل مفكر ومثقف كبير ومرة حيفصل فقيه ... دى خلاصة الحدوتة

***


بعد فترة اتصل بى وقال لى مبروك عرضنا الكلام عليه وهو وافق اكتب ورقك وجهز اللى قلت عليه

***




وللحديث بقية .. و الخلاصة ماحصلش حاجة من اللى فوق ..لانه خرج من الانتخابات ثم مات رحمه الله رحمة واسعة .


_________________

يانور الأنوارِ أَغثنى
أدْرِكنى يا نور "محمد"
مِن أَرْضى..مِنْ طينةِ جِسْمى
وارفعنى لجوارِ" محمد"
***
خذنى إليك ..ونـقنى
مِن كل عيـبٍ زَكِّـنى
و بـنظرة منك اكـفنى
و إلى رحابك ضُمنى
من شعر عبد الله صلاح الدين القوصى


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: السبت إبريل 13, 2013 11:35 am 
غير متصل

اشترك في: الأربعاء فبراير 03, 2010 12:20 am
مشاركات: 7603
اقتباس :
(لكن مين اللى حيفصل .. مش انا طبعا .. اللى حيفصل على حسب نوع "دا" .. مرة حيفصل عارف بالله ومرة حيفصل مفكر ومثقف كبير ومرة حيفصل فقيه ... دى خلاصة الحدوتة)



***

االاختيار الأفضل :مع عارف بالله تعالى .. ودي خلاصة الحدوتة ...وكده :خلصت الحدوتة :"وكونوا مع الصادقين "
اللهم انظمنا في عقد معية الصادق المصدوق صلى الله عليه وآله وسلم

_________________
صلوات الله تعالى تترى دوما تتوالى ترضي طه والآلا مع صحب رسول الله


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الأحد نوفمبر 04, 2018 2:21 am 
غير متصل

اشترك في: الأحد سبتمبر 18, 2005 12:40 am
مشاركات: 14302
مكان: مصـــــر المحروسة

التضامن مع النشطاء !!!!!!!!!!!!!



ابن أميرة كتب:
انا متابع الوضع السياسى جيدا من زمان .. متابعة على البعد من خلال صحف المعارضة ومواقع النت .. ومتابعة عن قرب احيانا بحضور فعاليات المعارضة الاحتجاجية وبعض المظاهرات وبعض فعاليات التضامن مع النشطاء المعارضين لمبارك ...

اشتريت خط مخصوص للموضوع دا .. علشان انا كنت على اتصالات سابقة بنشطاء سياسيين ضد موضوع التوريث و كانت تليفوناتهم تحت المراقبة .. وكنت اخشى ان تظن فى حملة عمر سليمان انى مدسوس عليهم من الثوريين ..
[/size]

[/color]

_________________
رضينا يا بني الزهرا رضينا
بحبٍ فيكمو يرضي نبينــــا



يا رب

إِن كَانَ لاَ يَرجُوكَ إِلاَّ مُحسِــــنٌ
فَمَن الَّذِى يَدعُو وَيرجو المُجرِمُ


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الأحد نوفمبر 04, 2018 12:18 pm 
غير متصل

اشترك في: الثلاثاء أغسطس 21, 2012 8:40 pm
مشاركات: 6500
سهم النور كتب:

التضامن مع النشطاء !!!!!!!!!!!!!



ابن أميرة كتب:
انا متابع الوضع السياسى جيدا من زمان .. متابعة على البعد من خلال صحف المعارضة ومواقع النت .. ومتابعة عن قرب احيانا بحضور فعاليات المعارضة الاحتجاجية وبعض المظاهرات وبعض فعاليات التضامن مع النشطاء المعارضين لمبارك ...

اشتريت خط مخصوص للموضوع دا .. علشان انا كنت على اتصالات سابقة بنشطاء سياسيين ضد موضوع التوريث و كانت تليفوناتهم تحت المراقبة .. وكنت اخشى ان تظن فى حملة عمر سليمان انى مدسوس عليهم من الثوريين ..
[/size]

[/color]

صورة

_________________
صورة
ياباب المدينه ياصهر المختار
فارسنا المظفر حيدر الكرار
تخشاك الفوارس انت ذوالفقار
هادم حصن خيبر فيها الباب طار
سلام يا جدي حيدر الكرار


أعلى
 يشاهد الملف الشخصي  
 
 عنوان المشاركة: Re: عاجل : شهود عيان عمر سليمان ما زال علي قيد الحياه : ولم
مشاركة غير مقروءةمرسل: الأحد نوفمبر 04, 2018 2:18 pm 
غير متصل

اشترك في: الأحد سبتمبر 18, 2005 12:40 am
مشاركات: 14302
مكان: مصـــــر المحروسة
الكرار كتب:
سهم النور كتب:

التضامن مع النشطاء !!!!!!!!!!!!!



ابن أميرة كتب:
انا متابع الوضع السياسى جيدا من زمان .. متابعة على البعد من خلال صحف المعارضة ومواقع النت .. ومتابعة عن قرب احيانا بحضور فعاليات المعارضة الاحتجاجية وبعض المظاهرات وبعض فعاليات التضامن مع النشطاء المعارضين لمبارك ...

اشتريت خط مخصوص للموضوع دا .. علشان انا كنت على اتصالات سابقة بنشطاء سياسيين ضد موضوع التوريث و كانت تليفوناتهم تحت المراقبة .. وكنت اخشى ان تظن فى حملة عمر سليمان انى مدسوس عليهم من الثوريين ..
[/size]

[/color]

صورة


أنتم الأروع أخي الفاضل الكرار بارك الله فيك.


_________________
رضينا يا بني الزهرا رضينا
بحبٍ فيكمو يرضي نبينــــا



يا رب

إِن كَانَ لاَ يَرجُوكَ إِلاَّ مُحسِــــنٌ
فَمَن الَّذِى يَدعُو وَيرجو المُجرِمُ


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 9 مشاركة ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 99 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط