موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ مشاركة واحده ] 
الكاتب رسالة
 عنوان المشاركة: القرآن الكريم..ما بين المؤامرة والإحتكار
مشاركة غير مقروءةمرسل: الاثنين أغسطس 21, 2017 1:18 pm 
غير متصل

اشترك في: الجمعة يناير 25, 2013 10:11 pm
مشاركات: 1308
بسم الله الرحمن الرحيم
اللهم صل على سيدنا محمد وآله وسلم
السلام عليكم ورحمة الله وبركاته


هذا موضوع منقول من أخ اسمه رحيم سامى على صفحته احببت نقله..رأيت فيه فائدة والله اعلم ولكم الحكم فى النهاية اتمنى تعقيبكم على المقال لاستفاد فلابد له نقاط قوة ونقاط ضعف..

..........................


تفسير القرآن الكريم , ما بين العامة و ما بين العلماء
--------------------------------------------------
حضرتك عارف الدستور المصري ؟ مش ده خاص بكل المصريين ؟ ... طيب ينفع حضرتك تروح تمسك الدستور المصري الخاص بكل المصريين ده و تقول أنا هتدبره " أو أنا من حقي أتدبره " , و أنت متعرفش حاجة عن سن و تشريع القوانين ولا عن معانيها و ما درستش قانون ولا عندك أي خلفية عن القانون أصلاً ؟!

لو قولت آه , هتبقى ساعتها زي Hany Ramzy - هاني رمزي في فيلم عايز حقي , و أنا أقصد أنك هتبقى زيه بالضبط " يعني أفعالك و تصرفاتك ممكن تخليك تبيع وطنك و تدمره من غير ما تبقى حاسس أو حتى عارف أو مدرك لــ ده , و هتتلاقي الناس الــ بتفهم - الـ غالباً بيبقوا بسطاء - بتديك فوق راسك " ... نفس الحكاية بالنسبة للقرآن , بس بدل ما أفعالك و تصرفاتك ممكن تخليك تبيع وطنك و تدمره هتخليك تبيع ( دينك ) و تدمره من غير ما تبقى حاسس أو حتى عارف أو مدرك لــ ده

التفسير مش علم بسيط زي ما أنت فاكر و مش سهل أن أي حد يدخل فيه أو يدرسه , و إسأل بتوع أزهر لو مش مصدق و أنت هتعرف المعاناة الـ بتقابلهم في دراسة العلم ده , ناهيك عن مدى خطورته و حساسيته , و ناهيك عن أنه مش مجرد علم واحد ! , ده غير أن فيه علوم تانية بتكمله زي علوم الحديث الشريف و علوم اللغة العربية مثلاً و لو معرفتهاش عمرك ما هتعرف تفسر القرآن الكريم و لو وقفت على راسك 500 سنة
أنا مش هقولك لازم تروح تدرس علوم التفسير من #الأزهر بس على الأقل " أو زي ما بيقولوا أضعف الإيمان أنك " لما تيجي تمسك آية قرآنية عشان تفسرها يا ريـــــــــــــــــــت :

تكمل قرآتها للآخر و أوعى تقص جزء منها و تسيب الباقي , و لازم سيادتك تربطها بالآيات الــ قبلها و الــ بعدها , و تعرف سبب و وقت نزولها , و تعرف إسم السورة و رقم الآية و الآيات المشابهة أو المتعلقة بالآية الـ أنت عايز تفسرها , و تعربها , و تعرف معاني كل كلمة فيها في المعاجم , و تشوف كل التفسيرات الــ أتذكرت فيها , و بعد ده كله أبقى روح إقرأ التاريخ ( الحقيقي ) كويس " سواء كان التاريخ ده مرتبط بالسيرة النبوية الشريفة أو بالتاريخ الإسلامي عامةً أو بأي فترة تاريخية تانية بتتعلق بالآية دي " , و أوعى تنسى تشوف باقي العلوم المرتبطة بالآية دي " زي مثلاً الأحاديث المرتبطة بيها " و تتطلع عليها , و من ثم أبقى أعطي رأيك فيها براحتك

ملحوظة : أنت تقريباً هتبقى محتاج تعمل معظم الحجات دي تاني مع الآيات المشابهة أو المتعلقة بالآية الـ أنت عايز تفسرها


تفسير القرآن الكريم , ما بين المؤامرة و ما بين الإحتكار
------------------------------------------------------
منشوري الفات كان واضح و مع ذلك هيزعل ناس وسخة كتير , ليه بقى ؟ عشان الناس دي تفكيرها و إنتمائها مشابه لتفكير و إنتماء إسلام البحيري , و كل الــ يهمهم أنهم يدمروا كل كتب العلماء المسلمين القديمة " الــ بيسموها كتب التراث " و يشككوا الناس فيها و في أصحابها , و في الأحاديث النبوية و في كتب و رواه الأحاديث النبوية " لغاية ما يخلوك تنكر السنة " , و في الصحابة , و في كتب التفسير و في المفسرين .. إلخ

و هيفضلوا واحدة واحدة كده لغاية ما هتيجي في لحظة و هتتلاقيهم بيشككوك في القرآن و في طريقة تجميعه و في الـ جمعوه و في الــ كتبوه أثناء الوحي , بل و هيشككوك في نبوة سيدنا محمد صل الله عليه و سلم أصلاً . واحدة واحدة هتتلاقي نفسك بقيت ملحد " و اللحظة دي بقى مش هتبقى النهاية إنما بداية النهاية :) " .... و كل ده هتتلاقيه حصل بسبب كام جملة بيرددها الناس دي و هتكتشف ساعتها أن #الشيطان_يكمن_في_التفاصيل فعلاً :)
طيب إيه الجمل الــ الناس دي بترددها و عايزيين يعملوا كل ده من خلالها ! خاصةً في موضوع التفسير ده ؟ هقولك يا سيدي , هتتلاقي واحد طول بعرض كده جاي يقولك هو القرآن نازل لكل الناس ولا للشيوخ و بس ! هو يعني محدش بيفهم غير الشيوخ ! طب هو مش ربنا قال لكل الناس يتدبروا القرآن ! و المفروض أن ربنا يسره للذكر ..إلخ

كل كلامه ده معظمه حق أًريد به باطل :) يعني إيه ؟ يعني كلامه ده صح بس هدفه الــ هو عايز يحققه من وراه هدف وسخ و باطل ... و باقي كلامه هيبقى ناقص :) يعني إيه ؟ يعني آه الناس كلها بتفهم مش الشيوخ بس لكن العلماء و الشيوخ دول درسوا الكلام ده إنما عامة الناس لأ و المفروض أنك تروح تدرسه قبل ما تدخل في موضوع تفسير القرآن و يا سيدي هنخليك تسبق الشيوخ دي براحتك لغاية ما تبقى أحسن منهم , و تدبر القرآن يعني فكر في الـ ربنا عايز يقولهولك من خلاله مش تمسكه و تقعد تأوله على مزاجك ! , و آه القرآن ربنا يسره للذكر لكن ربنا برده قال في سورة آل عمران الآية 7 :

هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ و َأُخَرُ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَ ابْتِغَاءَ تَأْوِيلِهِ ۗ وَ مَا يَعْلَمُ تَأْوِيلَهُ إِلَّا اللَّهُ ۗ و َالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا ۗ وَ مَا يَذَّكَّرُ إِلَّا أُولُو الْأَلْبَابِ


و عشان كل الناس تبقى مطمئنة , الإسلام ضد إحتكار العلوم و المعرفة و ضد الكهنوت الديني و ضد مصطلح الكهنة لأنه كان مدرك لخطر الكهنة من أول لحظة خاصةً و أنهم ليهم تاريخ أسود مع النصارى و اليهود , و عشان كده إحنا معندناش كهنة إنما علماء " و ده بغض النظر عن الناس الـ عملت من بعض العلماء و الشيوخ كهنة " ... طيب إيه الـ يثبت أن فيه مخطط لتدمير كل قواعد تفسير القرآن ؟ كالعادة التاريخ هو خير دليل :)

اليهود لهم مصدرين يوحيان إليهم بأهداف وجودهم و منهج وصولهم إلى تحقيق أهدافهم , و هما التوراة و التلمود :

التوراة هي التي أنزلت على سيدنا موسى عليه السلام " و معتقدش أن فيه مسلم مسمعش عنها قبل كده " . و التلمود هو كتاب مؤلف يجمع أقوال ما يُسمى بــ ( حكماء ) اليهود - الشيطانية - و وصايا قادتهم - القتله - , و هو كتاب عقائدي يفسر معارف اليهود و تعاليمهم و ما يخططون للعالم من فتن و مصائب ، و فيه تهجُم كبير على السيد المسيح و على أمه عليهما السلام و على الديانة المسيحية ، لذلك هوجم التلمود بشــدة في العصور الوســطى بعد أن إنكشف أمره و ما يحتويه من خطط شــيطانية ضد العالم

مما جعل الجميع حينذاك على يقين من أن الحاخامات إرهابيون و مخربون , هذا و قد شن ملوك أوروبا و باباواتها حينذاك أيضاً حملات شديدة ضد التلمود و مخططاته الجهنمية ، فتم طرد اليهود من معظم البلدان الأوروبية ، و كان الطرد كالآتي :

من إنجلترا عام 1275م , و فرنسـا , و سكسونيا عام 1348م , و هنغاريا عام 1360م و 1582م , و بلجيكا عام 1370م و 1442م . و ســلوفاكيا عام 1380م , و النمسا عام 1420م , و هولندا عام 1444م , و أسبانيا عام 1492م , و لتوانيا عام 1495م , و البرتغال عام 1498م , و إيطاليا عام 1540م , و بافاريا عام 1551م

و من هنا أدرك اليهود أنه لابد من تدمير الكنسية المسيحية و سلطة الباباوات الذين يقفون حائلاً دون تحقيق أهدافهم ، و قد تم لهم ذلك في ألمانيا في القرن السادس عشر ، من خلال ما عُرف بالحركة الإصلاحية التي تزعمها مارتن لوثر و الذي سميّ مذهبة بــ : " #البروتستانتية " ، و إنتقل هذا المذهب بعد ذلك إلى معظم دول أوروبا و أمريكا

إعتمدت الحركة الإصلاحية على تدمير الكنيسة من الداخل و القضاء على سلطة البابا من خلال عدم ربط تفسير الكتاب المقدس بـ البابا فقط ، و إعطاء الحق لكل مسيحي بأن يفسر نصوص الكتاب المقدس حسب الفهم الشخصي له . و هذه القضية أحدثت تغييرات لاهوتية كبيرة في الكنيسة المسيحية حيث أصبح كل بروتستانتي حر في دراسة الكتاب المقدس و تفسيره ، و حر في إستنتاج النصوص منه بشكل فردي مع عدم الإعتراف بأن فهم الكتاب المقدس مرهون على رجال الكنيسة وحدهم

و هذا الوضع أدى إلى فتح الباب الإجتهاد و التحريف على مصراعيه أمام #اليهود , فإعتنق كثيراً من مفكري اليهود و حاخاماتهم هذا المذهب ظاهرياً لوضع البدع و الأضاليل التي تخدم مخططاتهم الشيطانية نفسها ، حتى وصل عدد فرق هذا المذهب إلى أكثر من ( 200 ) فرقة في مذهب لم يتعدى وجوده أكثر من أربعة قرون !

المصدر: https://www.facebook.com/RahemSamy/post ... 26695833:0


_________________
أشهد أن لا اله الا الله وحده لا شريك له وأشهد أن سيدنا محمد عبده ورسوله


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ مشاركة واحده ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 83 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط