موقع د. محمود صبيح
http://www.msobieh.com/akhtaa/

لكى يا سيدتى
http://www.msobieh.com/akhtaa/viewtopic.php?f=40&t=22318
صفحة 1 من 30

الكاتب:  molhma [ السبت مايو 02, 2015 5:30 pm ]
عنوان المشاركة:  لكى يا سيدتى

السلام عليكم ورحمة الله و بركاته

بعض التكات ممكن تغير و تفيد فى المطبخ أو البيت أو حتى مظهرك هو باب ياريت نضع به بعض التجارب التى ممكن نفيدك بها سيدتى و نستفيد منها


1. لو بتقلى بتنجان او سمبوسة او اي اكلة لما بتتحمر بتشرب زيت كتير .. حطي في الزيت اللي هتقلى فيه معلقة صغيرة خل .. و قلبيها في الزيت كويس .. هتقلل شوية من شرب الاكل للزيت اثناء القلى

2 . لو بتعملى كيك .. او عجة .. او اي اكلة في صنيه و حابة انك تقطعيها او تخرجيها ولازقة .. هتجيبي فوطة مبلولة بماية سخنه .. و تفرديها على الرخامة و تحطي فوقيها الصنية الي فيها الاكل الملتصق .. و استني دقايق و جربي هتلاقي الاكل خرج معاكي بسهولة

3 . لو مستعجلة على سلق البطاطس و انها بتاخد و قت كبير .. غزيها بالسكينة
هتاخد وقت اقل في السلق

4 . لو مستعجلة على سلق البيض حطي في ماية السلق ملح

5 . لو مستعجلة على فراخ مطلعاها من الفريزر وعاوزاها تفك بسرعة . هاتى حلة و حطي فيها ماية عادية من الخنفيه و دوبي في الماية معلقتين كبار ملح .. و حطي الفرخة بكيسها او من غيره كيسها فيها شوية هتلاقيها فكت بسرعة اكبر من المعتاد


6 .لو بتقطعي بتنجان للمسقعة او بتقوري بتنجان للمحشي .. الفترة ما بين تجهيز البتنجان و طبخه او حشوه .. انقعية في ماية متدوب فيها معلقة ملح كبير . عشان ميسودش وممكن عصر ليمونة

7 . لو بتسلقى لحمة و مش عاوزة تستوي .. حطي معلقة خل . هتسهل من عمليه السلق و السوا

8 . لو ضاربة في الخلاط فراولة ولا اي عصير بيسيب رواسب كتيرة و صعبة التنضيف .. هتجيبي الخلاط و تملى نصة مايه .. و تحطي نقطتين سائل غسيل الصحون .. و تديها ضربتين تلاتة كده بالكهربا .. وبعدين خدي الخلاط اغسلية هتلاقيه هينضف بسهوله شديدة



الكاتب:  خد يجة [ السبت مايو 02, 2015 7:30 pm ]
عنوان المشاركة:  Re: لكى يا سيدتى

اختي الغالية الفاضلة ملهمة
كم انتي متميزة جدا في مشركاتك وجميل جدا ما تكتبي
جزاكي الله خيرا كثيرا وفيرا والله
وربنا يحفظك

الكاتب:  molhma [ السبت مايو 02, 2015 9:50 pm ]
عنوان المشاركة:  Re: لكى يا سيدتى

السلام عليكم و رحمة الله و بركاته

خد يجة كتب:
[size=200]اختي الغالية الفاضلة ملهمة
كم انتي متميزة جدا في مشركاتك وجميل جدا ما تكتبي
جزاكي الله خيرا كثيرا وفيرا والله
وربنا يحفظك


الله يكرمك و يحفظك و يعزك أختى الغالية الكريمة خديجة أنتى إنسانة رقيقة و جميلة فترين كل شيء جميل مثلك ربنا يجبر بخاطرك أختى الحبيبة و أسعدنى مرورك و فى انتظار تكاتك أنت شخصيا فى مطبخك أو بيتك أو أى شيء يفيد الأخوات و نستفيد منه
[/size]

الكاتب:  خلف الظلال [ السبت مايو 02, 2015 9:51 pm ]
عنوان المشاركة:  Re: لكى يا سيدتى

نصائح جميلة سلمت يداكي

الكاتب:  molhma [ السبت مايو 02, 2015 10:03 pm ]
عنوان المشاركة:  Re: لكى يا سيدتى

خلف الظلال كتب:
نصائح جميلة سلمت يداكي


خلف الظلال كتب:
نصائح جميلة سلمت يداكي


السلام عليكم ورحمة الله و بركاته

تسلمى حبيبتى الغالية و كلمة الغالية دى انتى عارفة دى شهادة و الله لكى من أغلى الناس ربنا يعزك و يكرمك و عايزين نشوف الشطارة و أنا عارفة إنك ما شاء الله لا قوة إلا بالله ذكية و أكيد شطورة

الكاتب:  خد يجة [ السبت مايو 02, 2015 10:14 pm ]
عنوان المشاركة:  Re: لكى يا سيدتى

اختي الغالية ملهمة والله كلامك اسعدني ودي شهادة انا اعتز بها
وجزيل الشكر لكي اختي الفاضلة
وبعدين انا اجي فين في مشاركاتك المتميزة وابداعك اختي الفاضلة
لكن هاعمل اللي ربنا يقدرني عليه يمكن اوصل لربع مشاركاتك
وجزاكم الله خيرا
( اللهم احفظ سيدي الشريف )

الكاتب:  molhma [ السبت مايو 02, 2015 10:21 pm ]
عنوان المشاركة:  Re: لكى يا سيدتى

خد يجة كتب:
[size=200]اختي الغالية ملهمة والله كلامك اسعدني ودي شهادة انا اعتز بها
وجزيل الشكر لكي اختي الفاضلة
وبعدين انا اجي فين في مشاركاتك المتميزة وابداعك اختي الفاضلة
لكن هاعمل اللي ربنا يقدرني عليه يمكن اوصل لربع مشاركاتك
وجزاكم الله خيرا
( اللهم احفظ سيدي الشريف )


السلام عليكم ورحمة الله و بركاته
الله يعزك أختى الكريمة كلك ذوق و فى انتظار المشاركات جزاك الله خيرا
[/size]

الكاتب:  حبيبة1 [ السبت مايو 02, 2015 10:28 pm ]
عنوان المشاركة:  Re: لكى يا سيدتى

ايه الجمال ده ...ماشاء الله تبارك الله

الكاتب:  molhma [ السبت مايو 02, 2015 10:47 pm ]
عنوان المشاركة:  Re: لكى يا سيدتى

حبيبة1 كتب:
[size=150]ايه الجمال ده ...ماشاء الله تبارك الله


السلام عليكم ورحمة الله و بركاته

الله يجبر بخاطرك و يعزك و يكرمك أختى الحبيبة حبيبة1
[/size]

الكاتب:  حامد الديب [ السبت مايو 02, 2015 10:59 pm ]
عنوان المشاركة:  Re: لكى يا سيدتى

ولو بتطبخى طبخه والملح دفق منك فى الحله ضعى فى الحله طمطمايه منزوع قشرها

سوف تمص الملح الزائد وتظبط الأكل :D :D

الكاتب:  molhma [ السبت مايو 02, 2015 11:03 pm ]
عنوان المشاركة:  Re: لكى يا سيدتى

حامد الديب كتب:
[b][size=150]ولو بتطبخى طبخه والملح دفق منك فى الحله ضعى فى الحله طمطمايه منزوع قشرها

سوف تمص الملح الزائد وتظبط الأكل :D :D


السلام عليكم ورحمة الله و بركاته

مشاركة قيمة من الأخ الكريم الفاضل الدكتور حامد الديب ماشاء الله جزاكم الله خيرا و شرفنى مروركم الكريم
[/b][/size]

الكاتب:  النيل الخالد [ السبت مايو 02, 2015 11:05 pm ]
عنوان المشاركة:  Re: لكى يا سيدتى

نصائح مفيدة جدا يا اختي الفاضلة ملهمة
تسلم إيديكي

الكاتب:  حامد الديب [ السبت مايو 02, 2015 11:08 pm ]
عنوان المشاركة:  Re: لكى يا سيدتى

عذرا على تطفلى فى هذا الركن

لكنى اعرف بعضا من فنون الطبخ وحيله ,كما تعلمت من امى

من اجل هذا ستجدينى باذن الله متابع لكم

جزاكم الله خيرا

الكاتب:  نور الدين [ الأحد مايو 03, 2015 12:55 am ]
عنوان المشاركة:  Re: لكى يا سيدتى

خلف الظلال كتب:
نصائح جميلة سلمت يداكي

الكاتب:  molhma [ الأحد مايو 03, 2015 4:34 pm ]
عنوان المشاركة:  Re: لكى يا سيدتى

السلام عليكم ورحمة الله و بركاته

أخى الكريم الفاضل الدكتور حامد الديب حضرتك تشرف هذا الباب و مرحبا بحضرتك و مشاركتكم القيمة و بالذات إنها من السيدة الفاضلة والدة سيادتكم حفظها الله و بارك فيها لحضرتك جزاكم الله خيرا

أختى الكريمة الغالية النيل الخالد جزاك الله خيرا و فى انتظار مشاركتك ربنا يكرمك

أخى الكريم الفاضل نور الدين جزاك الله خيرا

وشرفنى مرور الأخوة و الأخوات الكريم العطر


بسم الله الرحمن الرحيم
التكات النهاردة و الله عن تجربة شخصية يعني ليست منقولة و هي خاصة بمظهرك و صحتك و بيتك

1_ عن تجربة واقعية بس داومي ولن تندمي بعد تجربة لأجود أنواع كريمات البشرة و الله لم أجد أجود و لاأقيم من زيت الزيتون ولاتندهشي وتذكري قول الحبيب صل الله عليه و على آله وسلم امر بأكله و الدهان به وعن نفسي بعد الوضوء والبشرة مازالت رطبة بضع نقط خفيفة جدا علي الوجه واليد و تذكري الصلاة علي النبي و الله بالمداومة سوف تجدي فرق كببر نصحت بها اختي و ابنتي و حتي زوجي لم يعد يستعمل بعد الحلاقة اللوشن وانا ارجو ثوابها من الله

2_التلبينة و دي أفادت ابنتي جدا هي ماشاء الله كبيرة عندها 23 سنة وكانت بتعاني من عدم النوم والأرق والله بعد اعتيادها علي التلببنة بقليل من اللبن عن لسانها قالت ياماما دي مهدأ بتساعدني علي النوم وصلوات ربي و سلامه علي سيدنا محمد وعلى آله وسلم

3_هذه النصيحة أهدي ثواب من يعمل بها لروح أمي رحمها الله لأنها من نصحتني بها وهي هامة و الله لبيوت المسلمين أي خلاف لاقدر الله أو مشكلة بينك و بين زوجكك لا تحكي و لا تشتكي لأي مخلوق وأمتصي غضب من أمامك بعدم الرد أثناء الغضب والله هو بعد قليل سيشعر بغلطه إذا كان غلطان ولن تكبر المشكلة و تتفاقم وربنا يسعد الجميع

4_اثناء طهوك للطعام علي قد ما تقدري لا تكوني غضبانة او منفعلة لأنك للأسف كل الطاقة السلبية التي تشعرين بها سوف توضع في هذا الطعام و لاتستغربي لأنه كلام علمي و اذا كنتي زعلانة اذكري الله و لابد من انك تسمي الله (بسم الله الرحمن الرحيم) قبل البدأ لو نسيتي قوليها اول لما تفتكري وعلمنا الناس الغالين نقول قبل الطهي يد النبي قبل ايدينا صل الله عليه و على آله و سلم والله الاكل حايكون جميل جدا اكتر من اي مرة عملتيه فيها وهذه ثوابها اهديه لمن علمها لي.

صفحة 1 من 30 جميع الأوقات تستخدم GMT + ساعتين
Powered by phpBB © 2000, 2002, 2005, 2007 phpBB Group
http://www.phpbb.com/