دعاء يوسف كتب:
إيه الفرق بين الأب و الزوج... .؟؟
مع بابا.. دخلتى المطبخ ما دخلتيش .. كله واحد وممكن باباكى يساعدك
إنما مع الزوج ..مش بمزاجك .. ها تدخلى .. هاتدخلى
مع بابا .. فى العيد بيديلك العيديّه وفوقيها بوسه ..
لكن مع زوجك.. بيقول إنت خلاص كبرتى على الحاجات دى
مع بابا.. بتنامى وتصحى وقت ما انتى عايزه ..
مع الزوج.. وقت ماهو عايز .. أو مع مواعيد شغلُه.
مع بابا.. بتشترى لبسك وكل اللى انتى عايزاه .. ويقولك حلو قوى عليكى
مع الزوج.. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
مع بابا لو حصل حاجه مثلا و زعلتي .. بيزعل عشانك ..
مع زوجك .. بيزعل منك .. ويلومك ازاى تزعلى أصلا
باباكى .. كلمة حلوه ترضيه ..
و زوجك.. طول الليل تِحَايلى فيه
باباكى وانتى تعبانه .. بيفضل سهران جنبك طول الليل
إنما زوجك بيروح ينام فى الأوضه التانيه.
بابا .. لما تِدّلّعى عليه .. بيفرح بيكى
إنما زوجك.. بيقولك ..أكيد عايزه حاجه
باباكى.. لما تقولى له .. ده حصل كذا وكذا .. بيهتم ويصَدّقك
إنما زوجك .. بيقولك .. الموضوع دا وراه إنّ .. ويشك فى كلامك
بابا .. لو شافك بتعيّطى ها يمسح دِمعتك
إنما زوجك .. ها يقولك يادى النكد
مع بابا .. لو حاطه ماكياج فاقع شويه.. ها يقول لك الهادى عليكى أحلى .. وانت أحلى من غيره خالص
لكن زوجك .. ها يقولك شكلك زى عروسة المولد
مع بابا .. لو طلبتى دوا من الصيدليه . جَرى ها ينزل يجيبه
لكن زوجك ها يسالك بكام الأول؟
بابا .. لو طلب منك كُوبّاية مَيّه .. بيقولك لو سمحتى عايز مَيّه
إنما الباشا يقولك قومى هاتى مَيّه
لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن زوجك .. مافيش قدامك غير يا الاخبار يا الكوره .. يا( ميلودى)
بابا لو نازل مشوار .. بيعمل ليكى اعتبار ويديكى خبر
لكن زوجك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه
لو محتاجه فلوس فى حاله طارئه .. بابا ها يديكى من عينيه
لكن زوجك .. ها يقولك خدى من بابا
لو جالِك مكالمه غلط على موبايلك.. بابا ها يقولك حصل خير
لكن زوجك .. ها يقولك بتكلمي مين يا هانم ...
لو ما فيش فى التلاجه غير إزازة بيبسى واحده ..بابا ها يسيبها لك بنفس راضيه
لكن زوجك ها يقول معلش انا لازم ابلّع أو ها يقسمها معاكى
لو اتزحلقتى على الأرض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده ..باباكى ها يقولك عنك دى تقيله عليكى
لكن زوجك ها يقولك مش ضرورى وجع القلب دَه
لو العربيه عطلت بيكى .. بابا.. ها يقولك إقفليها وتعالى وانا ها اتصرف
زوجك .. ها يقولك متركبيش العربيه تانى
لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميلة
إنما زوجك .. ها يقولك معلش اصله ما بيشوفش
لو مقدمه على شغل ..باباكى.. ها يوصى عليكى طوب الارض
لكن زوجك .. مش ها يتعب نفسه ولا يهمه أصلا وها يقولك يعنى انتى ها تشتغلى وزيره
باباكى لو لاحظ
إنك متخانقه مع أختك .. ها يصالحكوا على بعض
لكن زوجك هيقولك خليهم يولَعوا دول عيله عجب
مهما باباكى كان متضايق .. لا يمكن تكلّميه وتلاقيه مكشر
لكن زوجك .. لو متضايق .. البلد كُلّها هتنكد عليكي.. إستحملى بقى
هههههههإيه الفرق بين باباكى وجوزك ... .؟؟
أم خديجه كتب:
علي فكرة يا دعاء مش كل الأزواج كده حتي شوفي
مره واحد بلديتنا أتخنق من مراته ولع فى نفسه وحضنها
المنتدى
التسجيل
الأسئلة المتكررة
بحث
