موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 3 مشاركة ] 
الكاتب رسالة
 عنوان المشاركة: وفاة ستيفين هوكينج يشعل العالم
مشاركة غير مقروءةمرسل: الجمعة مارس 16, 2018 11:35 pm 
غير متصل

اشترك في: الثلاثاء مارس 22, 2011 2:18 am
مشاركات: 2031

ستيفين هوكنج ايقونة الالحاد في العالم والفيزيائي المشهور متحدي المرض توفى منذ يومين تقريبا
ومع وفاته اشتعلت السوشيال ميديا بين الملحدين واللادينين من جهة وعلماء الدين من جهة في مسألة جواز الترحم عليه

وبعيدا عن التنظير وعن الكلام الخاص بجواز الترحم عليه من عدمه


خيلوا معايا كدة
راجل قعيد مشلول مش بينطق حتى
بمجرد موته تتقلب الدنيا وتقوم معارك كلامية حول جواز الترحم عليه
ونجد علماء كبار يحررون وينظرون ويقررون

طيب يامولانا
مش بدل ماتفند حاله وهو ميت كنت تبعت له ايميل تطلب فيها مناقشته والحوار معاه وهو عايش معانا
ولا احنا مابنجيدش الحوار غير عن الاموات لعدم قدرتهم على الرد

ستيفن هوكنج عمل كتاب اسمه التصميم الكبير ونشره سنة 2010
ووضع فيه خلاصة نظرياته اللي بيحاول الربط فيها بين النظرية النسبية وفيزياء الكم
وفي داخل كتابه قال ان الكون لايحتاج الى اله وان الافضل للانسان انه يعيش الحاضر المشاهد ومايضيعش لحظة علشان وهم ومن قبله نشر كتاب عن الزمن الحقيقي لتفسير الزمن الذي نعيشه والزمن الكوني وهو مختلف

هل ياحضرات الائمة الاعلام عملتم لجنة علمية لدراسة ومناقشة كتابه ده ومناقشة اطروحاته العلمية ورؤيته الفلسفية وبعدين تردوا عليه؟؟؟؟
ماحصلش على حد علمي
يعني لابتدعوا جوة وسايبين الخوارج والشيعة ينتشروا ولابتدعوا برة وسايبين الالحاد ينتشر وبدأ يعود ثانية لساحتنا
طيب بتدعوا فين علشان نروح لكم؟؟؟؟

والعجيب ان بعض الافاضل بيعتبروا الفيزياء علم لاينفع
يعني حضرته بيكتب على اللاب او الموبيل وبيتابع الكورة وبيأذن في الميكروفون وبيركب العربية والطيارة وكلها انجازات فيزيائية وفي الاخر يقولك علم لاينفع
انا متأكد ان صاحب الجملة دية كان ادبي وحول من علمي علشان الفيزياء تقيلة عليه

يعني احنا مش عارفين نفرق بين العلوم وفلسفة العلوم

تخيلوا لحد دلوقتي دعاة وملحدين بيناقشوا القانون الاول للديناميكة الحرارية وهم اصلا مش فاهمينها
قانون اللي مشهور بأن المادة لاتفنى ولاتستحدث من العدم
ولافاهمين نظرية التطور

طيب هانفضل كدة كتيير

ياسادة كان الحبيب صلى الله عليه وسلم يبكي ان مات مشرك ويقول نفس تفلتت مني الى النار

وليس معنى قولي انني اقول نترحم عليه او نعتبره مؤمن
هو نفسه يقول لكم انا ملحد
بس ماحدش برضه طلب مننا نترحم عليه ولا نصلي عليه
فارحموا اهلنا وبطلوا عك

وحاولوا تسدوا الخلل اللي عندكم

رحم الله الامام الكوثري والشيخ مصطفى صبري وغيرهما
رصدهم وردهم كان افضل واسرع من كدة







_________________
صورة

الفقير(AHMED SALEM)


أعلى
 يشاهد الملف الشخصي  
 
 عنوان المشاركة: Re: وفاة ستيفين هوكينج يشعل العالم
مشاركة غير مقروءةمرسل: السبت مارس 17, 2018 12:02 am 
غير متصل

اشترك في: الخميس مارس 29, 2012 9:53 pm
مشاركات: 45682
والله عندك حق اخى الفاضل

مرحله التوهان اللى فيها الأمه زادت عن حدها الى حد ان التوهان نفسه "تاه"


_________________
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه
أستغفر الله العلى العظيم الذى لا اله الاّ هو الحى القيوم وأتوب اليه


أعلى
 يشاهد الملف الشخصي  
 
 عنوان المشاركة: Re: وفاة ستيفين هوكينج يشعل العالم
مشاركة غير مقروءةمرسل: السبت مارس 17, 2018 12:41 am 
غير متصل

اشترك في: الثلاثاء مارس 22, 2011 2:18 am
مشاركات: 2031
حامد الديب كتب:
والله عندك حق اخى الفاضل

مرحله التوهان اللى فيها الأمه زادت عن حدها الى حد ان التوهان نفسه "تاه"




والله ياسيدنا حالنا يحزن
شكرا على مروركم الكريم
دايما بتجبر بخاطرنا


_________________
صورة

الفقير(AHMED SALEM)


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 3 مشاركة ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 44 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط