موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ مشاركة واحده ] 
الكاتب رسالة
 عنوان المشاركة: دولة نزلة السمان!!! حقيقة مظاهرات اليوم
مشاركة غير مقروءةمرسل: الاثنين يناير 21, 2019 10:22 pm 
غير متصل

اشترك في: الخميس مايو 30, 2013 5:51 am
مشاركات: 26844

دولة نزلة السمان
قصة كبيرة وموال كبير..فيه عالم الآثار والتاجر الأجنبى والمسئول الكبير المصرى الفاسد وبتوع الموانى والتجار والمعلمين الكبار وآلاف من العمال الصعايدة لزوم الحفر ..قصة كبيرة وموال لا له أول ولا آخر...

قصة نزلة السمان وإزالة الدولة للعشوائيات فيها :-

من فترة مات واحد اسمه / أسامة الجابرى واكتر من شخص تحت أنقاض حفرة فى بيت فى الهضبة الوسطى فى نزلة السمان والحفرة دى كانت بتتحفر للتنقيب عن الآثار ..

والموضوع ده منتشر جوة النزلة بقاله سنتين والشرطة قبضت على ناس كتير جوة بيوت بتحفر للتنقيب عن الآثار و تهريبها بمعرفة معلمين فى النزلة وتحت رعايتهم .. وكل اهالى النزلة عارفين الكلام ده وخلى حد ينكر .

ومؤخرا بيقوموا ببناء منازل حديثة اخر سنتين تحديدا على أرض الدولة عبارة عن بيت ارضى شوية حيطان وتعريشة فى السقف للتغطية على غرض التنقيب عن الاثار .. ودى اللى الدولة بتهدها النهاردة

وكثير من عائلات نزلة السمان القديمة ساكنين خارج المنطقة لأنها أصبحت عشوائية .. يعنى محدش من اهل النزلة الاصليين ساكن فيها .

والدولة النهاردة بتواجه المنقبين عن الآثار داخل النزلة وفى منطقة الهضبة المعروفة ب ( سن العجوز ) لايقاف مهزلة التنقيب عن الاثار اللى بتطلع بغرض انها تتباع للسياح .. وزى ما احنا عارفين ان نزلة السمان لو حفرت 10 متر هتطلع منها آثار .

عائلات الجابرى وخطاب والشاعر الموجودين فى شارع ابو الهول السياحى اللى بتقولوا دى بيوت اجدادنا وعايشين فيها والدولة بتطلعنا .. عايشين فيها ازاى وانتم مأجرينها كافيهات وقاعات افراح من اولها لاخرها ؟
وعايشين برا النزلة من سنين ومحدش منكم ساكن فى النزلة
وعاملين وقفة ومظاهرة وجايبين صبيانكم العيال بتوع الفيوم وبنى سويف حطينهم قدام الشرطة عشان يدعوا ان الدولة بتهد بيوتهم ويشتبكوا معاهم وتقولوا حقوق الانسان والحقونا .

والحقيقة ان 80 % من اهالى نزلة السمان عمال وشماشرجية مغتربين جايين من بنى سويف والفيوم ومحدش من اهل النزلة قاعد فيها الا القليل اللى ما يتعدش على الصوابع ..
" وعايز حد يكدبنى "

لما الدولة جت النهاردة تواجه المهزلة دى وتهد العشوائيات عشان تطور منطقة الهرم وابوالهول وقفوا قصادها واشتبكوا مع الشرطة وردت الشرطة عليهم وفضت المظاهرة

https://m.facebook.com/story.php?story_ ... 1184809578

https://m.facebook.com/story.php?story_ ... 1184809578



عايز أقولك
إن نزلة السمان عمرها ماكانت بقوة وسطوة معلمين وأباطرة سوق روض الفرج إللى كانوا بيشيلوا وزراء ومديرين أمن بتليفون ويرموا أى ظابط شايف نفسه فى مجاهل الصعيد..
الدنيا إتغيرت ..ثم الحكومة عرضت مساكن بديلة فى ٦ أكتوبر من غير ماتكلف المواطن جنيه..إيه بقى لزوم العند والاحتكاك مع عسكرى الشرطة الغلبان..









_________________



مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم




أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ مشاركة واحده ] 

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط