ابن أميرة كتب:
شريف عليان كتب:
...........................................................................
اخوانى اولا انا شاب صعيدى ...
هو دا جوهر المشكلة يا جميل .. الحدة والطبع السخن .. مع حماسة الشباب تنتج الفاضل شريف عليان...
أخى الفاضل
1 - انا كان لى تعقيب معك سابق على الأخطاء وحضرتك جاوبت .. لكن ما كنتش الأخطاء اللى كتبتها هى الأخطاء الجوهرية .. ولكنى وجدت ان اخوانك اللى كانوا زعلانين منك .. تجاوزوا وتعاملوا معك تعامل ودود .. فاعتبرت انه لا داعى لتقليب أخطاء الماضى علشان الامور ما تتوترش تانى .. واكتفيت باللى حضرتك كتبته ولم اعلق بما كنت أقصده .. ومع ذلك برضه زعلت لسبب آخر ومشيت .
2 - عندما عدت مرة ثالثة سعدت بك .. لكن هالنى التجارب الصعبة التى مررت بها والمعارف المتداخلة الصحيح والمغلوط .. وكنت أقرأ كل مشاركاتك باهتمام كامل .. عايز أفهم المشكل والخطأ فين فى تجربة حضرتك .
3 - باختصار شديد عندك مشكلة فى مصادر المعرفة الاساسية وأدواتها ومجالها .. كل العلوم والمعارف اللى حضرتك شايفها مصدرها اما النصوص الدينية عن طريق الانبياء والرسل .. أو بوسائل عقلية منطقية وهى كل ما يخضع للحواس الخاصة بنا وينتج عنها معرفة عقلية قابلة للاختبار وللتأكيد والنفى طبقا للمناهج العقلية العديدة الناتجة من كل المدارس الفلسفية والعقلية .. والمصدر الثالث المصدر الروحى وهو يشمل من أقصى اليسار السحر والجن .. الى أقصى اليمين معارف أهل الله وتجليات الله عليهم بالمعارف بكل أنواع التجليات الصحيحة المختلفة بدءا من الاشارة .. أو طريقة غراب قابيل الذى علمه الدفن .. الى أن يصير عبدا ربانيا يصفه الحديث القدسى كنت سمعه الذى يسمع به .. وبصره الذى يبصر به .. ما حدود هذا السمع للعبد أو البصر أو العلم إن تجلى الله عليه بالسميع أو البصير أو العليم أو الخبير أو البارئ أو الشافى .. الى آخر الاسماء والصفات ماعلمنا منها ومالا نعلم .
4 - ماسبق هو الخريطة الاجمالية لكل مصادر المعرفة الانسانية وكل العلوم والمعارف ثمرة لها .
5 - لو انك اخى الفاضل شريف ابن المدرسة النصوصية والتى تقدس النص دون محاولة الخروج عن الفهم الأولى له .. كان زمانك راجل سلفى وماعندكش اى مشكلة فكرية بغض النظر عن افكارك صح أو غلط .. لو انت ابن المدرسة الروحية فى شقها الايجابى اى أهل الله كان برضه ما عندكش مشاكل لأن الطرق الصوفية لا يقبلون الا اللى يقول حااااااااااااضر .. وأكيد حضرتك عارف المثل اللى عنديهم ان كان شيخك حمار امسك فى ديله .. ولو كان حضرتك مثقف فقط من المدرسة العقلية كان برضه مفيش مشكلة عندك .. لأن المثقف لديه القدرة على قلب الحق باطل والباطل حق .. لأن المدرسة العقلية بتعتمد على المقدمات والنتائج .. المثقف بناء الى النتيجة اللى عايزها بيختار المقدمات المناسبة .. ولو عايز نتيجة عكسية يترك المقدمات دى ويشوف مقدمات أخرى وشطارته فى حبك النتائج وضبطها ما حدش يجاريه فيها .. مشكلتك أخى الفاضل شريف .. انك ليس واحد فقط منهم .. انت تسبح فى الثلاثة فيهم دون ان تتقن فن العوم .. كأصول وقواعد ومجال عمل هذه المناهج المعرفية..وهذا ناتج لصغر سنك ولتعجلك وللوضع الثقافى العام فى بلادنا بالإضافة الى حدة طبعك .
6 - هل فى حل ؟ بالطبع فى حل .. وهو كالتالى :-
أولا :- ان تحدد كينونتك فى هذا السن انت طالب علم ومعرفة ولا أكتر من كده ... طالب العلم والمعرفة اساتذته بيطلبوا منه جدول الضرب بتاع 4 بيستمر السنة كلها فى جدول الضرب بتاع اربعة والسنة اللى بعدها بيدرس جدول 5 أو 6 كده يخلص الابتدائى وهو يتقن كل جداول الضرب اتقانا تاما .. يدرس بعدين فيثاغورث وأرشيميدس وهو رايق .. اللى مش ملتزم هو مطلوب منه جدول 5 يذاكر جدول 5 وجدول 6 وجدول 7 بلا اتقان .. عندما يصل فى الاعدادى الى فيثاغورث يكون مشكلته بيغلط فى جدول الضرب حتى لو فهم نظرية فيثاغورث صح .. أخى الكريم المعارف متراكمة وحضرتك بتقفز قفازات فى مناطق طبيعتها وعرة وللاسف دفعت ثمن فادح ..
ثانيا :- هل عندك استعداد تتقن مناهج المعرفة الثلاثة أو واحد فيهم بشرط أن يكون لديك تصور جيد عن الثلاثة حتى تعرف تتنقل بينهم بسلاسة .. اذا كان عندك استعداد حدد الآن هويتك فى علاقتك بالدكتور صبيح .. هل علاقة مريد بعارف بالله ولا علاقة شريف المثقف الحاصل على جائزة من معهد اعداد القادة .. بالباحث والعالم الدكتور محمود صبيح .. دا ممكن ودا ممكن وحأقول لك الفرق بينهم .
أ) علاقة المريد لا أقصد بها ان الدكتور صبيح شيخك اختر ماتشاء من الطرق والشيوخ مفيش مشكلة .. ولكن عندما ينصحك أو يقول لك شئ الحد الأدنى حسن الظن المعرفى به ..وأدب الإبن مع ابيه فقط لا اكثر ولا أقل .. حسن الظن المعرفى ليس معناه عصمة سيادته ولكن ان رأى سيادته الذى يبذله لك هو أفضل مافتح الله عليه به وأنه لا يغشك فى دين الله .. وأنه مسؤل امام الله ورسوله عن كل كلمة يقولها لك .. فإن كانت صحيحة لك وله الأجر والثواب وإن كانت غير ذلك فحسابه على الله ولا عقاب عليك .. أكرر لا عقاب عليك .. لأن الله كلفك بأن تسأل أهل العلم وهو منهم فيسقط عنك اى عقاب شرعى وأن تعتقد أن نصحه لك هو أجمل ما هو متاح لديه لك .. ان قبلت بهذه العلاقة وهو قبل بك هو مسؤل امام الله عنك ظاهرا وباطنا .. ظاهرا يعنى أى سؤال متاح حيجاوب لك عليه .. باطنا أقل حاجة فيها أن يدعو لك بظهر الغيب فى لحظات صفاء .. ربما تكون محتاج باب علم ليس عند الدكتور صبيح فيدعو لك فيوفقك الله لمن عنده هذا الباب ببركة دعائه ..
ب) علاقة المثقف بالعالم .. يعنى حضرتك راجل مثقف وبتقرأ للدكتور صبيح كتبه .. ومشترك فى المنتدى علشان تناقشه فيها .. مفيش مشكلة أهلا بك .. ولكن عليك ان تلتزم بقواعد الثقافة .. من حيث الاحترام العام للمكان ولشخصه .. ومن حيث يجب الفهم الجيد لما نسأل عنه .. وأن تقترب ثقافيا من مستواه لا أن ينزل هو الى مستواك الا إن تسامح هو فى ذلك .. وأن تأخذ دورك طبقا لأولوياته .. يعنى خليك اخى شريف مكان سيادته لو حضرتك بتكتب مقالات كويسة وفيه ناس جايه تتعلم منك فن كتابة المقال .. ووجدت ناس تعلمها القليل فتنجز الكثير ووجدتها آنية طيبة للمعرفة والتطبيق والإلتزام .. ووجدت آخرين متكعبلين تقول لهم يمين يمشوا شمال .. بما يرضى الله حتشتغل مع اى مجموعة ؟.. حتعطى كل ما عندك لمن ؟ .. هذه بديهيات أخى الكريم .
ج) علاقة مؤجلة .. انك مش قادر تحسم قرارك بين الخيارين السابقين .. فى هذه الحالة كن ذكيا وأجل القرار .. ولا تختار القرار الخاطئ .. والقرار الخاطئ هنا أن تمشى زعلان لثالث مرة .. أما تأجيل العلاقة .. ان تنسحب بتدريج بدون ما حد يشعر بك .. يعنى بدل 7 مواضيع فى الاسبوع مثلا تخففهم الى 5 لمدة اسبوعين ثم ثلاثة ثم اثنين ثم موضوع فى الاسبوع حتى تصل الى موضوع فى الشهر .. وتختار الموضوعات اللى مفيهاش خلافات.. هنا اخوانك بفتقدوك وتوحشهم ويسألوا عنك بمحبة .. وحبل الوداد موصول .. لما تجد نفسك قادر على اتخاذ قرار (أ) أو (ب) تأخذه ببساطه لا تشعر انك محرج من اخوانك أو محتاج تعتذر لهم .. هل فهمت .
7 - انا حأكلمك فى موضوع الدجال طبقا لل 3 مدارس فى الفكر الاسلامى وتعامل كل مدرسة .. وحأوضح لك ليه اكتر اتنين تكلموا فى أمر الدجال حاليا هو د صبيح ومولانا الشيخ صلاح القوصى .. حاجيب لك قصيدة حيرة الشيخ صلاح مع سيدنا رسول فى أمر الدجال وماذا يقول للناس ولماذا هو محتار .. بس الاسبوع القادم باذن الله أو عشرة أيام بالكتير ... تحياتى
8 - موضوع تشويه صورتك امام الناس .. مفيش حاجة زى دى .. أو انك تمشى علشان كلامك بيزعج الآخرين مالهوش لازمة .. القاعدة العامة ..انه عندما وزعت الأرزاق لم يرض أحد برزقه .. لكن لما اتوزعت العقول كل واحد عاجبه عقله .. سواء احنا أو انت .. دا الشئ الطبيعى .. المهم الا تكتب وأنت غاضب ..
تحياتى
[/font][/size][/quote]
ماشاء الله لا حول ولا قوة الا بالله
من ادق وأصدق وأعمق ما قرأت من تعلقات
بارك الله لك يا اخى وزادك حكمة وعلما.
وانتظر ما ستكتب بشغف .
المنتدى
التسجيل
الأسئلة المتكررة
بحث
