رائع .. رائع ... رائع
هيثم كتب:
البنت زى الولد .. مش كمالة عدد
اغنية قديمة .. فرضت نفسها على ارض الواقع
ارتفعت لها اعناق النساء .. وانخفضت لها اعناق الرجال
طلبا للمساواة
المساواة .. التى ظهرت فى تونس فتركت شرع ربها
وأصبح هوى المرأة أن تسترجل .. وهوى الرجل أن ......
زى ما طلعت سعاد حسنى بمثل هذه الاغنية
خرج علينا من سنوات .. عراب الخراب : بتاع الفراخ
وحشد حوله النساء .. تبكى
وقال للمرأة : شغل البيت مش واجب عليكى
ليه تغسلى المواعين .. ؟
جوزك مفروض عليه يجيب لك خدامه .. لأنك هانم
ونسى المحترم أن السيدة فاطمة لما طلبت من حضرة النبى خادم .. أعانها بذكر الله
النهارده المرأة بتقول لك .. أنا مش خدامه
فاضل تقول .. وأنا احمل وأتعب ليه ؟
ارضع ليه .. وأبوظ جسمى ليه ؟
وممكن تلاقى واحد دقنه مدلدله لحد حزام البنطلون بيغسل المواعين والصابون ملحوس شعره
فلما تقوله : ايه يا كبير اللى انت عامله ده
يقول .. حضرة النبى كان فى معية أهل بيته
يا ولد يا ولد .. هو ده اللى تعلمته فى مدرسة السلفية ؟
اللى أنت فيه ده .. نتيجة سوء ادبك مع حضرة النبى
فارتدت نتائجه عليك .. ومن سوء ادبك سلط عليك الصابون يحرق فى عنيك يا عديم النظر
وتلاقى كثير من السلفية .. بيعملوا كده
قالت السيدة عائشة رضي الله عنها : كان رسول الله صلى الله عليه وسلم يخصف نعله، ويخيط ثوبه، ويعمل في بيته كما يعمل أحدكم في بيته
وسئلت؛ ما كان رسول الله صلى الله عليه وسلم يعمل في بيته ؟ قالت : كان بشرًا من البشر، يفلي ثوبه، ويحلب شاته، ويخدم نفسه
يا سَلَفى : حضرة النبى كان يخدم نفسه فى اشياء لا يستطيع غيره القيام بها
حضرة النبى كان .. يخصف نعله الشريف
وما ادراك .. ما نعله الشريف
مين يقدر يخصف نعل حضرة النبى .. مين ؟
أنت آخرك وشرفك .. تحطه على راسك
هل فعل حضرة النبى وقوله .. مثل فعلك وقولك ؟
حضرة النبى كان يخيط .. ثوبه
فهل تدرك معنى ثوب حضرة النبى ؟
هل تدرك معنى الكساء .. وأهل الكساء ؟
أنت آخرك تتبرك به .. مش تخيطه ؟
مين يقدر يخيط ثوب حضرة النبى .. غير حضرة النبى
هل شعر حضرة النبى مثل شعرك .. حتى تساوى بين ثوبك وثوبه ؟
طيب لماذا تساوى بين فعله .. وفعلك ؟
هل يد حضرة النبى التى يخصف بها نعله .. مثل يدك ؟
طيب يده الشريفة .. ردت عين قتادة الى موضعها ؟
هل تعلم ماذا يفعل حضرة النبى فى ثوبه أو نعله ؟
يا عم التلفاوى .. دى حاجات اسمها حقائق
حقائق فى صور .. وملكوت فى ملك
حضرة النبى لو قال نعم .. لوجبت
قوله شرع .. وكذلك فعله
فعله الشريف وحى .. وضل من قال أنها امور حياتيه عادية
ناقته كانت مأمورة .. فما بالك بنعله الشريف الذى لا يفارق جسده الشريف
نعله الذى لم يؤمر بخلعه فى حضرة ربه
حضرة النبى يرسم دائرة ثم يجلس فيها .. فلا يستطيع الجن ان يتعداها
فاصبح الخط الذى خطه حضرة النبى .. قانون بين الثقلين
كل ما يحدث لحضرة النبى .. يؤثر على امته من بعده
شرب اللبن .. فاهتدت امته الى الفطره
حضرة النبى عارف هو بيعمل ايه .. وانت مش عارف حاجه
سيدك كان بيخيط ثوبه .. وأهل بيته كلهم فى ثوبه
بل واحبابه وامته كلها .. فى جنبه وفى جواره
حضرة النبى كان بيسد بلاوى .. عملتها امته من بعده
انت تخيط قميصك زى ما انت عايز .. تخيط جزمتك زى ما انت عايز
ترميهم فى الزباله .. أنت حر
لكن ما تقولش انا باقلد حضرة النبى
لا تنزل بافعال حضرة النبى .. الى مستواك العقلى والفعلى
قول من باب الانسانيه .. من باب الرحمة والمساعده
قول من باب التشبه بالنساء
لكن لا تقول .. انا باعمل زى حضرة النبى
حضرة النبى كان بيخدم نفسه
وما ادراك .. ما نفس حضرة النبى
طيب بزمتك ينفع تغسل المواعين .. ومراتك قاعده على الفيس
وبعدين تقول .. مساواه
الاناء يستغفر للاعقه .. فما بالك بمن يغسله
حرمتوا المرأة من كل الثواب .. ومن كل الانوثه
هاتخش الجنه ازاى .. ماهى هاتخش الجنه علشان بتخدم جوزها وعيالها
اشغلوا المرأة بواجبتها .. بدل الفيس والتويتر
وخلوها تشتغل فى بيتها وهى راضيه ومبسوطه
طيب يا عم السلفى .. اعمل زى اخوك الاخوانجى
تقدر واحد تقول لزوجها الاخوانى .. اغسل المواعين ؟
دى آخرة اللى ما بيشربش بريل
روح يا شيخ .. منك للى أكلت دراع جوزها