|
منقول عن أحد الأعضاء على النت و لكنه يحمل الكثير من المعانى الجميلة
وقفت اشتري تين من واحد واقف في الشارع، سألته بكام شاورلي على مجموعتين واحدة بجنيه و واحدة 75 قرش، جه راجل عادي جدا وقف و سأله بكام قال له نفس الكلام راح الراجل قال له ما ينفعش اخد ابو 75 قرش تديني2 بجنيه؟ قال له لأ ماينفعش .. ف الراجل قال له طب هات واحدة كفاية .. ف بتاع التين قال له يا عم ما جتش على نص جنيه و خدلك الاتنين اللي كنت عايزهم .. رد الراجل و قال له معلش بس اصلي مش معايا غير جنيه اكل بيه و 2 جنيه مواصلات علشان اروح .. الراجل بتاع التين فضل يقشرله و يديله ياكل و هو يقول له خلاص كفاية و بتاع التين أكله 6 تينات و سأله : شبعت ؟ قال له الحمدلله ، بتاع التين قال له ياللا اتكل على الله و مارضيش ياخد منه حتى الجنيه اللي الراجل عرضه و اتحايل عليه ياخده.
بعشقك يا بلادى
ادخلوها سالمين...ادخلوها آمنين
مصر بلد المؤمنين...مصر بلد الطيبين
أولاد مصر
لو لفيت الدنيا بحالها...لو لفيت
و رحت و جيت
و عرفت و شفت
و قلت لقيت جنتي وارتحت
واتمعت بسحر جمالها
لو لفيت...لو
مش حتلاقي مهما تشوف
ارض محبة مافيهاش خوف
إلا فى مصر...
ادخلوها سالمين...ادخلوها آمنين
ادخلوها
لو لفيت الدنيا بحالها...لو لفيت
و تهت فى ليل الغربة و ضعت
و قلت يا ريتني ما كنت سافرت
رحلة كانت من اولها
مافيهاش يوم حسيت بأمان
يبقى ضاع منك عنوان
بلدك مصر...!
ادخلوها سالمين...ادخلوها آمنين
ادخلوها
لو لفيت الدنيا بحالها...لو لفيت
ولقيت بيت مفتوح الباب
و مرحب مية مرحب يا أحباب
و شوق بعيون صادقة فى كلامها
و اهلا بيك من صوت ملهوف
ده انت فى بيتك و احنا ضيوف
تبقى فى مصر...
ادخلوها سالمين...ادخلوها آمنين
ادخلوها
لو لفيت الدنيا بحالها...لو لفيت
و فيها زرت بيوت الله
واتمنيت تسعد بصلاة
لو لفيت الدنيا بحالها...لو لفيت
مش حتلاقي فى اى مكان
شعبه حياته فى الإيمان إلا فى مصر...
ادخلوها سالمين...ادخلوها آمنين
_________________
مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم
|
المنتدى
التسجيل
الأسئلة المتكررة
بحث
