| موقع د. محمود صبيح https://www.msobieh.com:443/akhtaa/ |
|
| السيسي يدعو المصريين لركوب الدراجات: https://www.msobieh.com:443/akhtaa/viewtopic.php?f=4&t=18206 |
صفحة 1 من 1 |
| الكاتب: | molhma [ الجمعة يونيو 13, 2014 1:53 pm ] |
| عنوان المشاركة: | السيسي يدعو المصريين لركوب الدراجات: |
ه مش هتتبني بلدنا غير كده».. نطقها الرئيس عبدالفتاح السيسي، صباح الجمعة، في الكلمة التي ألقاها خلال ماراثون الدراجات، الذي دعا إليه بحضور عدد من الإعلاميين وطلاب الجامعات المصرية، بالإضافة لطلاب الكليات العسكرية وكلية الشرطة. وفي كلمته، دعا السيسي المصريين إلى استقلال الدراجات في تنقلاتهم، مضيفًا: «يعني أنا لو اتمشيت إن كنت أقدر أو لقيت وسيلة زي دي (الدراجة) يبقى أنا في اليوم اللي هعمل فيه كده هدي مصر 16 جنيه.. أيوه». وقال السيسي: «أرحب بكم جميعًا، كل المشاركين معانا في هذا النشاط اللي رمزه معناه إن إحنا ممكن بالحجم الكبير ده نبقى متجمعين عشان هدف واحد.. هدف بناء هدفه وحدة وعدم اختلاف». وأضاف: «أنا لما أجيب شباب من مصر مع شباب من الجيش مع شباب مع الشرطة بقول ببساطة خالص وكمان أي حد عايز يشارك معانا لازم نعرف بعض كويس، ولازم نحب بعضنا كويس ومانختلفش كتير». وتابع: «أنا لما أجيب شاب من الجامعة وأقول له تعالى أقف جنب أخوك اللي هيتخرج من الشرطة هو أخوك بيحبك وأنت كمان تحبه، لما أجيب شاب من الجامعة وأقول له خليك مع أخوك طالب الجيش طالب الكليات العسكرية خليكم مع بعض اعرفوا بعض أصل أنتم مش غرب عن بعض.. أنتم كلكم مصريين». ومضى قائلًا: «الهدف مش فكرة إننا نعمل نشاط ورياضة بس فيه رمز للموضوع وللوحدة وحدتتنا كلنا كشعب.. وعاملين النشاط عشان كده والفكرة بتاعته مبينة إن عندنا كتير يجمعنا». وقال: «إحنا المصريين نتجمع على قلب رجل واحد ولا نختلف أبدًا والمجتمع كله يبقى معانا معانا النهارده من كل أطياف المجتمع من الإعلام الفنانين، وكان الهدف بنشاور وبنؤكد ما يجمعنا وماعندناش مشكلة نختلف عليها وكلنا بنحب بلدنا». وأشار إلى أن «النقطة التانية إن لما كنت اتكلمت عن القوة الذاتية للمصريين يقولك يعني القوة الذاتية هتعمل إيه؟»، مضيفًا: «عاملين حسابنا 20 – 30 كيلو وتقريبا ده معظم المسافات عشان نروح الجامعة أو شغلنا، وأنا هقولك باختصار الساعة ونص أو الساعة بالوسيلة دي (الدراجة) تودي حضرتك الجامعة أو الشغل». وضرب مثالًا بقوله: «لو حضرتك راكب عربية هتدفع تقريبا 4 جنيه في الـ20 -25 كيلو ومصر هتدفع 8 جنيه في الـ20 كيلو دول.. ياه يعني أنا لو اتمشيت إن كنت أقدر أو لقيت وسية زي دي يبقى أنا في اليوم اللي هعمل فيه كده هدي مصر 16 جنيه.. أيوه.. طيب لما يكون فيه 3000 آلاف بيعملوا كده يبقى اليوم فيه كام أنا قلت على مشوار واحد»، خاتمًا بقوله: «أيوه مش هتتبني بلدنا غير كده المزيد : http://egy-press.com/StoryDetails.aspx? ... 5rznCWEbtI هذا المحتوى من - ايجى برس |
|
| الكاتب: | النيل الخالد [ الجمعة يونيو 13, 2014 4:38 pm ] |
| عنوان المشاركة: | Re: السيسي يدعو المصريين لركوب الدراجات: |
والله فكرة جميلة أى حاجة توفر للبلد مرحبا بها الله يكرمك يا ريس جزاكى الله خيرا |
|
| الكاتب: | النيل الخالد [ الجمعة يونيو 13, 2014 5:24 pm ] |
| عنوان المشاركة: | Re: السيسي يدعو المصريين لركوب الدراجات: |
| الكاتب: | النيل الخالد [ الجمعة يونيو 13, 2014 5:36 pm ] |
| عنوان المشاركة: | Re: السيسي يدعو المصريين لركوب الدراجات: |
| الكاتب: | خلف الظلال [ الجمعة يونيو 13, 2014 9:55 pm ] |
| عنوان المشاركة: | Re: السيسي يدعو المصريين لركوب الدراجات: |
ربنا يحميه يارب ويحرسه |
|
| الكاتب: | molhma [ الجمعة يونيو 13, 2014 10:15 pm ] |
| عنوان المشاركة: | Re: السيسي يدعو المصريين لركوب الدراجات: |
السلام عليكم ورحمة الله وبركاته جزاك الله خيرا كل عام وأنتى و أسرتك بخير حال |
|
| صفحة 1 من 1 | جميع الأوقات تستخدم GMT + ساعتين |
| Powered by phpBB © 2000, 2002, 2005, 2007 phpBB Group http://www.phpbb.com/ |
|