موقع د. محمود صبيح
https://www.msobieh.com:443/akhtaa/

حدث اليوم فى سيدنا الحسين
https://www.msobieh.com:443/akhtaa/viewtopic.php?f=4&t=20052		 صفحة 1 من 1
الكاتب:  النيل الخالد [ الثلاثاء نوفمبر 04, 2014 7:36 pm ]
عنوان المشاركة:  حدث اليوم فى سيدنا الحسين
بسم الله الرحمن الرحيم
انهاردة رحت أزور سيدنا الحسين فيوم الثلاثاء يوم زيارته
وزيارة ستنا نفيسة يوم الأحد
أما ستنا زينب لم أعلم يوم زيارتها سأخبركم عندما أعلم
المهم أننى لاقيت الباب مقفول وممنوع الدخول
وأيضا عربات الشرطة منتشرة بشكل مكثف هى والحرس الذى يرتدى السواد وملثم
المهم فضلنا نتحايل على من يقفوا على الباب
يا عم الله يخليك دخلنا لإنهم فتحين باب الرجال
يقول اليوم مقفول لدواعى أمنية لإن إمبارح حصل شغب فقفلوه انهاردة
طيب مأنتم فتحين باب الرجال
وتقفلوا باب النساء
مع إن النساء غلابا إن زعقتوا لوحدة حتخاف وتجرى علطول
مش زى الرجال يا عم يهديك يرضيك
مفيش فايدة وقفت ست عجوزة ونظرت للسماء وراحت قايلة إلهى ميتقفل بابك أبدا يا سيدنا الحسين
قعدت أقوله عايزين ندخل نزور وفتشونا وشوفوا بطاقتنا
المهم بعد إلحاح سمحولنا بالدخول للصلاة فقط وفتحوا الباب
قعدنا نقلهم أحنا جايين علشان نزور سيدنا الحسين
وأديكم فتشتوا الشنط وشفتوا البطاقات
وأدام اتفتح المسجد للصلاة افتحوا باب المقام لدقائق نزور علطول ونمشى
حرام عليكم نيجى لحد هنا ومنزورش سيدنا الحسين
وبكينا ولكن بدون فائدة
اتضايقت جدا أول مرة أجى والاقى باب سيدنا الحسين مقفول
قلت للشيخ لما أجى وألاقى باب سيدنا الحسين مقفول فى وشى
أحس كدة أنه زعلان منى وإن ربنا مش راضى عنى
الله يخليك يا شيخ افتحلنا الباب دقيقتين فقط
لم يرضى وقال سمحونا
مشينا ناس متفهمة الوضع علشان الدواعى الأمنية
وناس زييى زعلانة علشان لقيت باب سيدنا الحسين مقفول
الكاتب:  النيل الخالد [ الثلاثاء نوفمبر 04, 2014 8:22 pm ]
عنوان المشاركة:  Re: حدث اليوم فى سيدنا الحسين
مشهد أخر استرعى أنتباهى أول مدخلت ساحة سيدنا الحسين
بصراحة أول مرة أشوفه
واحدقاعد على الرصيف ومعه كيس به عيش فينو
والناس من حوله تجلس على السور تنظر إليه وأيضا ضباط الشرطة كانوا ينظروا إليه بدهشة
فهذا الرجل يجتمع حوله حوالى عشرين قطة وكأنهم فى طابور وينتظروا الدور
وقفت انظر إليه مثل باقى الناس
وهو يقطع فرافيت الفينو ويلقيها إلى القطط
واحدة تأكل والباقى يقربوا عليه ليأخذواواحدة تمد رجلها يضربها
برفق ويقول لها أدأدبى حديكى دلوقتى
واحدة أخرى ليس عندها صبر تهم بمخالبها يضربها عليها برفق ثم يبوس يديها
ويطبطب عليها فتستكن وتمشى بهدوء
منظر مثير كان نفسى أصوره
ثم بعد كدة طلع رغيف فينو به لانشون وأخذ يقول للناس ولضباط الشرطة تفضلوا
وأنا أقف أمامه أنظر إليه عل بعد مترين منه
فينظر إلى ويقول تفضلى أيضا
أشير بيدى شكرا
يبتسم ويقول لى بتقولى علية مجنون ويعمل بيده على رأسه الإشارة التى تدل على هذه الكلمة
مجنون
فأشرت له بأصبعى لا
ومشيت وأنا فى قمة التعجب
لم أقل عليه فى نفسى إنه مجنون ولكن المنظر استرعى انتباهى
لإنى أول مرة أشاهده
حقا له فى خلقه شؤون
الكاتب:  molhma [ الثلاثاء نوفمبر 04, 2014 10:03 pm ]
عنوان المشاركة:  Re: حدث اليوم فى سيدنا الحسين
السلام عليكم ورحمة الله و بركاته

سبحان الله وله فى خلقه شئون

زمان عندما كنت أزور آل البيت كنت بخاف جدا من المجاذيب حتى قرأت ما كتبه الدكتور محمود عن المجاذيب و أنهم أحبة بيحبوا آل البيت أختلفت نظرتى لهم والله لو حد فيهم الأن نظر لى أو دعا لى بكون سعيدة جدا بس القطط دى سبحان الله كيف ومن الذى علمهم الأدب فى التعامل مع هذا الرجل و الصبر عليه
الكاتب:  فراج يعقوب [ الأربعاء نوفمبر 05, 2014 1:55 am ]
عنوان المشاركة:  Re: حدث اليوم فى سيدنا الحسين
اللهم صل على سيدنا محمد وآله وسلم
فرج الله قريب
جزاكم الله خيرا
وصلى الله على سيدنا محمد وآله وسلم
الكاتب:  msobieh [ الخميس نوفمبر 06, 2014 8:16 am ]
عنوان المشاركة:  Re: حدث اليوم فى سيدنا الحسين
الفاضلة النيل الخالد

ليس وجود اجراءات استثنائية معناه أن سيدنا الحسين حرم أحد من زيارته

فلنأخذ الأمور أبسط من ذلك

وإن قيل لكم ارجعوا فارجعوا .... هو أزكى لكم

وما أنا من المتكلفين

وربنا ما يحرمناش من سيدنا الحسين

الفاضلة ملهمة

المجذوب المعاملة معه خطر ... وخاصة من جذب بسبب نظرة جلال

يكون شكله مخيف وحاله شديد .... وأنا أوصي الأحباب بعدم التعرض للمجاذيب

فمنهم من قد يصيب أحد بمرض أو عاهة أو قبض أو عقوبة .... نسأل الله العفو والعافية

أما هم ففي حال آخر .... مهما كانت محبتهم فعند معظمهم شدة حسب ما اطلعوا عليه من أسرار أو مشاهدات

أو تجلي

والله المستعان
الكاتب:  النيل الخالد [ الخميس نوفمبر 06, 2014 8:37 am ]
عنوان المشاركة:  Re: حدث اليوم فى سيدنا الحسين
حاضر يا سيدى
ربنا ميحرمناش من سيدنا الحسين أبدا ولا من زيارته
اللهم امين
جزاك الله خيرا سيدى
وجزاكم الله خيرا اختى الفاضلة ملهمة
وشيخى الفاضل فراج يعقوب
الكاتب:  المهاجرة [ الخميس نوفمبر 06, 2014 1:23 pm ]
عنوان المشاركة:  Re: حدث اليوم فى سيدنا الحسين
وربنا ما يحرمناش من سيدنا الحسين

يارب يارب يارب

مدد مدد مدد
صفحة 1 من 1 جميع الأوقات تستخدم GMT + ساعتين
Powered by phpBB © 2000, 2002, 2005, 2007 phpBB Group
http://www.phpbb.com/