تابعت كغيري حلقة ريهام سعيد المثيرة للجدل والتي ذهبت فيها لبيت 4 بنات يزعمون انهم ملبوسين واحضرت لهم طبيب نفسي ليعالج الحالة ففشل
وكانوا اذا امسكوا بالمصحف يولع نار , ثم اتت لهم بشيخ اسمه علاء حسانين كان ماسك اللجنة الدينية في مجلس الشعب وهو عضو مجلس شعب عن الحزب الوطني
حركات تم تصويرها على الهواء الشيخ يتلو والبنات يصرخن ويحدث حريق من فم احدى البنات وحريق بالملابس واصوات طرقعة ونار تخرج من الجسد البعض يروج على صفحات الفيسبوك انه نوع معين من المواد الكيميائية " صوديوم وخلافه " يؤدي نفس التأثير وهو كخدعة سينمائية
شعرات ان الموضوع فيه إن وبدور على الموضوع لقيت فيديو للشيخ اللي جابته ريهام سعيد للبنات بيقول فيه انه عنده سر وجاله إزاي بقى ؟
كان عنده 16 سنة وكان في بيتهم بيقرا سورة يس فلقى البيت بيتهز والسهارة بتتطفي وسمع صوت بيقولك احنا جن مؤمن أحببناك لقراءة سورة يس وحنعلمك علوم تنفع بيها الناس ومن هنا بقى الراجل اللي ليه سر وبيطلع الجن وبيفك العمل وبيعمل كل حاجة
فقلت هو دا الغرض تقريبا فتح الباب على مصراعيه بس مش لمن معهم المدد الرباني وانما لتلاميذ الجن ودا باب اخطر من الدجل والشعوذة
