موقع د. محمود صبيح

بسم الله والصلاة والسلام على رسول الله .. وبعد
علوم التنمية البشرية لها الكثير من الفوائد لعلاج الكثير من الامراض النفسية والتأهيل النفسي
غير انه قد تقرر استخدامها لأغراض أخرى منها أن تكون بديل للدين باسم الدين

لقد رأينا الكثير من الدعاة الشباب في برامجها كيف مزجوا بين الدين وعلوم التنمية حتى صار معظم محتوى برامجهم مستمد بالآصالة من العلوم النفسية والادارية وغيرها من علوم

والآن نرى بعض من رواد هذه العلوم يهدم الدين وأصوله بشكل عجيب
منهم أحمد عمارة

فهو على صفحته يجاهر بذلك ويعلنها صراحة ويرى أنه بذلك ينقي الدين ويحميه

وسأنقل لكم من صفحته شطحة من شطحاته


هو : يا دكتور الأمة كلها لا يمكن أن تجتمع على حاجة غلط ، إنت أكيد غلطان
أنا : هو الأمة كلها لا يمكن أن تجتمع على حاجة غلط ؟ ولا الأمة كلها ستفترق إلى 73 شعبة (ودا غلط على فكرة) ؟ حدد كلامك ؟
هو : مممم مش عارف !!
أنا : إيه رأيك لو قلت لك مثال واحد بس على إن الأمة كلها مجتمعة على ضلال ؟
هو : إيه ؟
أنا : اسأل أي حد دلوقتي المصحف اللي بين إيدينا الآن وصل لنا ازاي ؟ هيقول لك بثقة (لأنه يستمد معلوماته من التاريخ المزور في الموروث الديني) الصحابة كلهم جمعوه ووصلوه لينا .
.
هو : أيوا طبعا وهوا دا اللي حصل ؟
أنا : بابتسامة ، طيب يعني إيه رسول ؟ انتا عارف إن الرسول لو مات قبل ما يسلم الكتاب كامل متجمع وكل سورة محطوطة في مكانها بالترتيب الصحيح ومكتوب بصورة صحيحة تنفع أي بشري في أي وقت وبالتشكيل كمان مايبقاش أدى الرسالة أصلا وإن دا الفرق بين القرآن وكل الكتب السماوية الأخرى ، القرآن هو الكتاب الوحيد إللي مافيش أيادي بشرية غير الرسول تدخلت في تجميعه وكتابته لأنه سيتم حفظه لكل البشر حتى يوم الدين) أنا بس عايز أفكرك إنه اسمه (رسول) (رسووووول) يعني مهمته يوصل الرسالة كاملة متجمعة وخلصانة ويراجعها كمان ويتأكد من صحتها قبل ما يفارق الحياة .
هو : نعم ؟ يعني عايز تقول لي إن كل الناس دي غلط
أنا : ضحكت من القلب ، والله نفس الكلمة سيقولها أتباع كل الأمم ، وكل أتباع أمة فاكرين إن سادتهم وكبرائهم صح ، السلفيين - السنيين - الشيعة - الخوارج - داعش - الإخوان - ال ال ال ، (كل واحد فيهم عنده سادة وكبراء وماشي وراهم وبيقول معقولة يغلطوا؟!ّ!) روح لأي حد منهم وناقشة بالأدلة في كتاب الله هيقول لك معقولة كل دووووول غلط
حتى اللي بيقولوا الشمس إله والنار إله والبقرة إله ، كل واحد فيهم لو رحت تناقشه هيقول لك معقولة كل دووووووول غلط بقالهم ألفين تلاثة ألاف سنة وربنا سايبهم كده
.
أنا : عموما أخي الحبيب ، كل من يدرس ويتعمق يكتشف بلاوي لا تتخيلوها ، يكتشف لماذا أصبحت هذه الأمة في ذيل الأمم (وما ظلمهم الله ولكن كانوا أنفسهم يظلمون) يكتشف لماذا سيقول الرسول يوم القيامة (إن قومي اتخذوا هذا القرآن مهجورا) ودا أكبر دليل إن الأكثرية على غلط بيني وبينك كده جاوب على السؤال دا (الأمة كلها بتطبق ما في القرآن) ؟
هو : لا للأسف ودا اللي مشوه صورة الإسلام .
طيب : يعني الأمة مجتمعين على الصح ولا على الغلط ؟
هو : مممم على الغلط !! أنا عمري ما فكرت فيها كده !!!!
.
أنا : طيب التاريخ الآن في العصر اللي احنا عايشين فيه دا بيتكتب صح ولا بيتزور ؟
هو : بيتزور طبعا !!!!
أنا : طيب فما بالك بتاريخ كتب من آلاف السنين وعاشت الأمة في فترات كثيرة احتلالات وضياع وحرق للكتب الأصلية وتزوير بهدف هدم الدين ؟!! يبقى لازم ترجع لحاجة عمر مخلوق ما هيعرف يغيرها وتكون محفوظة تخليها هي الأمان بالنسبة ليك !!
.
عموما في القرآن ربك قال (إن علينا جمعه وقرآنه) . والقصص اللي في التاريخ إنه بدأ يتجمع بعد وفاة الرسول وبعدين اتكتب بلغة العرب من غير تنقيط ثم بعد فترة طويلة لما دخل الناس الإسلام أفواجا بدأ يتنقط وبدأوا يحطوا التشكيل والنقاط ، يعني كل الفترة دي كمان وكان لسة لم يتجمع ويصل للشكل النهائي بعد ؟!! والناس مصدقة وماشية وراء هذه الإسرائيليات الخبيثة التي تهدف في العمق لنزع الثقة عن كتاب ربك .
هو : الكلام دا خطير إيه دليلك عليه ؟
أنا ضاحكا : يا ريتك قلت للي قال لك إن القرآن متجمع بعد وفاة الرسول وبعد ما اتجمع بسنوات تم وضع النقاط والتشكيل يجيب دليله هو اللي بيزعم بحاجة غير منطقية ، دانا يا راجل لو أرسلت رسول لأبويا برسالة ، لازم هيوصلهاله زي ما أنا قايلها له بالضبط ، وهيتأكد منها كمان إنها وصلت صح ، مش هيموت ويسيب ناس تانية تجمعها وتكتبها !!! يبقى هم بقى اللي رسل مش هو !!
عموما الدليل في حلقات ملفات بس أنا نزلت حلقة الصيام بدري عشان تلحق الناس تستفيد من رمضان
وأقول لك على سر بيني وبينك ؟
هو : إيه
أنا : الحلقة هكون بتكلم فيها إن القرآن كامل مكتمل ومكتوب قبل وفاة الرسول وإن الرسول لا يمكن يكون مات إلا لما اتأكد من القرآن ويراجعه كامل بالنص قبل تركه للصحابه لنشره ، وبرضوا أتباع السادة والكبراء هيهاجموا ويسبوا ويشتموا ويتهموني إني بحرف في الدين تعرف بالضبط ساعتها هما بيتبعوا أي دين .. زي ما قلتلهم بالضبط ربنا قال (كتب عليكم الصيام) وربنا قال (ومن شهد منكم الشهر فليصمه) وكلها أوامر واضحة جلية يعني مش محتاجة اجتهاد لأنه (لا اجتهاد مع نص) وقلت لهم نفذوا أمر ربكم لأن مافيش أمر واضح غيره (أمر واااضح) مافيش أمر واضح جلي باين بعكس الآيات دي لا في أمر بيقول (أفطري) ولا نهي بيقول (لا تصومي) لأن الرسول مستحيل يقول كده أصلا وإلا يحصل تضارب بينه وبين القرآن ، لأنه أصلا لا يمكن أن يقول للمريض أو المسافر لا تصوم لأنها رخصة ومن حقه ياخذها أو يصوم . راحوا متهميني إني بحرف في الدين وبخرب في الدين وبضل الناس . تعرف بالضبط ساعتها هما ماشيين ورا أي دين . وهوا دا بالضبط ما يسمى دين الآباء والأجداد وكأن ولا واحد فيهم سمع الآيات دي من قبل :
.
- قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ
- بَلْ قَالُوا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِم مُّهْتَدُونَ
- قَالُوا أَجِئْتَنَا لِتَلْفِتَنَا عَمَّا وَجَدْنَا عَلَيْهِ آبَاءَنَا
- وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا أَلْفَيْنَا عَلَيْهِ آبَاءَنَا أَوَلَوْ كَانَ آبَاؤُهُمْ لَا يَعْقِلُونَ شَيْئًا وَلَا يَهْتَدُونَ
- وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءَنَا أَوَلَوْ كَانَ الشَّيْطَانُ يَدْعُوهُمْ إِلَىٰ عَذَابِ السَّعِيرِ
-
وَكَذَٰلِكَ مَا أَرْسَلْنَا مِن قَبْلِكَ فِي قَرْيَةٍ مِّن نَّذِيرٍ إِلَّا قَالَ مُتْرَفُوهَا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِم مُّقْتَدُونَ
-
وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ قَالُوا حَسْبُنَا مَا وَجَدْنَا عَلَيْهِ آبَاءَنَا أَوَلَوْ كَانَ آبَاؤُهُمْ لَا يَعْلَمُونَ شَيْئًا وَلَا يَهْتَدُونَ
.
أنا : صدقني أنا كل هدفي إن الناس تعيش وتتذوق النعيم لما تطبق أوامر الله ورسوله الحق بعيدا عن بعض الأخطاء التي جاءت في الموروث ، لذا لما يقول الله كل هذه الآيات عن التحذير من اللي ماشي ورا السابقين يبقى لازم تعتبرها خط أحمر ،، ألا هل بلغت .. اللهم فاشهد .
.
هو : ياااه ، فعلا أنا أول مرة آخذ بالي من الأيات دي ، وشكلي هعيد حساباتي ، بس انت اتهربت برضوا من سؤالي ؟!
أنا : اتهربت من إيه ؟
هو : هات دليل إن القرآن تم تجميعه قبل وفاة الرسول صلى الله عليه وسلم ؟
أنا : مش تهرب ، هينزل لك أكثر من دليل فيديو كمان بالتفصيل قريبا بس إلى ذلك الحين عشان تقضي صيامك في النظر (البحث) والتدبر والتأمل والتفكر كما أمرنا الله اسأل نفسك ، اللي كانوا بيشكلوا وبحطوا التنقيط دول ليه في آيات كتبوا (إبراهيم) وآيات تانية كتبوا (إبراهم) مع إن النطق الصوتي للإسمين واحد وهما زي ما زعموا كانوا بيخلوا المقرئين يقرأوا وهما بيكتبوا وراهم . والصوت بتاع (إبراهم) و(إبراهيم) واحد في كل الآيات .
.
على فكرة ، أنا مابحبش أجيب الحل على طول عشان ماكونش أنا كمان واحد من السادة والكبراء ، إنت لو مشارك عندي على الصفحة من سنين هتعرف إني بارمي القنبلة ، واسيب الناس تفكر فيها وتشتم وتعيش حياتها وبعد فترة أطلع بالنتيجة ، عشان يكونوا فكروا وكل واحد قرأ وبحث وسمع كل الآراء ومايتعودش ياخد مني بس . بعدها لما أنزل رأيي يكون سمع آراء كتير فيشغل عقله معايا في الحلقة ، مش يكون فاضي وبيسمع مني بس ويمشي من غير ما يفكر . صدقني تقريبا مش هتلاقي صفحة بتعمل كده في تفكيرك غير هنا ، لأن دا شغلي وتخصصي
.
أنا باحترمك ، باحترم عقلك ، باحترم ذكاءك ، وعايزك بعد فترة بسيطة يبقى عندك أدوات عقلية تعرف بيها الصح من الغلط عشان تحمي نفسك من زمن كثر فيه الفتاوي والناس ضاعت بين الأقوال المتضاربة .
.
اسمع حلقات برنامج ملفات من أول حلقة على الرابط التالي واستعد للمخمخة :
https://www.youtube.com/watch?v=-8Cm8zKytU0
.
شغل عقلك ، ابدأ من الصفر ، استفت قلبك ، وإن افتاك الناس وأفتوك ، اجعل رمضان هذا نقطة وعي وانطلاق واستيقاظ لك . أنت السبب .. اختر
https://www.facebook.com/a.3emara/posts ... 3107623?ft[tn]=K&ft[qid]=6299908955562046738&ft[mf_story_key]=7914467946954645751&ft[ei]=AI%406dcf4872bca0cfd5bb96668eed605ccd&ft[fbfeed_location]=1&ft[insertion_position]=3&__md__=1

وحضرتك بخير وسلامة ياسيدنا وكل الاسرة الكريمة


أحمد عمارة من مدربي التنمية البشرية وليه مركز كبير
ظهر في قناة دريم مع الابراشي في ضجة صحيح البخاري وكان بيهاجم بشدة كتب التراث
ونقل اخونا هيثم له بعض الفيديوهات الخاصة بالطاقة وعلومها
بيحاول يعمل مزج مابين علوم الطاقة وعلوم التنمية البشرية والعلوم الاسلامية


بيهاجم بشدة التراث واهله

عمل فيديوهات مع دخول شهر رمضان بيفتي فيه بأن الحائض تصوم رمضان عادي وان منعها من الصيام يعارض الامر الالهي بضرورة الصيام
وله شطحات كثيرة

ده رابط لسيرته الذاتية بشكل مختصر

https://www.facebook.com/a.3emara/info/ ... =page_info


وده رابط موقعه وعليه بعض المحاضرات الخاصة بيه


http://emaraacademy.com/


وكل عام وحضرتك بخير يامولانا