موقع د. محمود صبيح

منتدى موقع د. محمود صبيح

جميع الأوقات تستخدم GMT + ساعتين



إرسال موضوع جديد الرد على الموضوع  [ 49 مشاركة ]  الانتقال إلى صفحة 1, 2, 3, 4  التالي
الكاتب رسالة
 عنوان المشاركة: حكايات جدتى
مشاركة غير مقروءةمرسل: الخميس إبريل 09, 2009 1:50 pm 
غير متصل

اشترك في: الأحد فبراير 22, 2004 2:50 am
مشاركات: 4527
[font=Traditional Arabic]السلام عليكم ورحمة الله وبركاته

زمان كان فى شئ مهم جدا
شئ محبب لكل الأطفال
هو حكايات الجدات
حكايات الجدات لم تكن للتسلية فقط ، ولكن للتربية أيضا
فكل حكاية أو حدوتة كانت تحمل دروسا وعبرا تبقى مع الأحفاد مدى الحياة

هى فى الحقيقة إرث ينبغى تسليمه من جيل لآخر
وأرجو أن لا يضيع هذا الإرث

لذلك أدعو كل من سمع من جدته حكاية أو حدوته علقت فى ذهنه وعلمته درسا أن يحكيها هنا فى المنتدى حتى تعم الفائدة

وأبدأ بالقصة التى روتها لى جدتى وسبق أن كتبتها هنا فى المنتدى تحت عنوان " كل شئ بالصلاة على النبى" وأنا مازلت أتنعم بالصلاة على النبى صلى الله عليه وآله وسلم
رحمك الله يا جدتى رحمة واسعة ببركة الصلاة على النبى صلى الله عليه وآله وسلم
[/font]
[URL=http://www.msobieh.com/akhtaa/viewtopic.php?p=27575&highlight=#27575][font=Arial]

اقرأوا الحكاية هنا
[/font]
[/URL]

_________________
" الأولياء وإن جلت مراتبهم فى رتبة العبد والسادات سادات "


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: السبت إبريل 11, 2009 9:19 pm 
غير متصل

اشترك في: الخميس يونيو 14, 2007 2:19 pm
مشاركات: 5740
كان مره فيه واحد بسيط و كان راجل بركه و كان يعيش فى قرية تطل عى البحر و كان كثير الذكر

و فى مرة من المرات مر عليه مجموعة من الصيادين فوجدوا الرجل البركه يمسك بالمسبحة و يقول "أدوس أدوس"

فقال له كبير الصيادين: انت بتقول ايه

قال: باذكر ربنا مش هو الأدوس

قال له الصياد: لا يا عم الشيخ مش (أدوس ) إسمها "قدوس قدوس"

فقال له :معلش يابنى ماكنتش عارف, كتر خيرك

و بعدما اخذ الصيادين مركبهم و مشوا به فى البحر, نسى الرجل البركه ما قاله له الصياد فجرى ورائه على الماء و قال له معلش يابنى انت قلت الصح بتاع أدوس ايه؟

فصرخ الصياد "يا عم قول اللى تقوله المهم تدعيلنا".


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الاثنين إبريل 13, 2009 7:40 pm 
غير متصل

اشترك في: الجمعة فبراير 27, 2004 4:45 am
مشاركات: 18715
أشكر الأخت محبة آل البيت على هذا الموضوع الجميل الذى يذكرنا

بالبركة والأصالة التى نجدها فى كلام أجدادنا الطيبين المحبين بالفطرة

لحضرة النبى وآل البيت صلى الله عليهم وسلم جميعاً

وبمناسبة الكلام على الصلاة على حضرة النبى صلى الله عليه وآله وسلم

فإنى أتذكر من كلام جدتى رحمها الله ماكانت تقوله لى بحب كبير من غير تعقيد


أنها كانت تسلم على سيدنا النبى وعلى آله وترسل له هدية كل يوم

2000 صلاة عليه صلى الله عليه وعلى آله وسلم

وهذه هى المحبة بالفطرة الجميلة البسيطة رحمها الله رحمة واسعة

ربنا يزدنا محبة وقرب يارب بفضله وكرمه


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الاثنين إبريل 13, 2009 9:19 pm 
غير متصل

اشترك في: الاثنين مارس 29, 2004 4:05 pm
مشاركات: 7388
[center][table=width:90%;][cell=filter:;][I][align=center]
كنت يا جدتى الحبيبة طيبة القلب ... رحمك الله ... بل كنت أنت الطيبة ذاتها ...

حتى و إن أساء إليها أحد ... و قاطعها ... كانت تشتهر بأنها لا تنام قبل أن تذهب إلى من

أساء لها و تقول له بفطرتها المعروفة : حقك على ياخويا ...

لطالما سمعتها تتساءل و تسأل أولادها بمحبة لم أراها ... تتساءل عن أهل الكتاب :

_ هم ليه ما بيسلموش ؟ هم ما بيقروش القرآن ؟ ... و يضحك من حولها من سؤالها ...

لكنه سؤال أبلغ من كل كلام ...[/align][/B]
[/cell][/table][/center]


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الثلاثاء إبريل 14, 2009 1:37 am 
غير متصل

اشترك في: السبت نوفمبر 03, 2007 12:16 pm
مشاركات: 974
[align=center][font=Tahoma]بسم الله جامع الاحباب يوم المتاب

والصلاة والسلام جد الاحباب و عليهم وعلي اصحابة

الحديث عن الجدة تعجز الجوارح عن التعبير عنة، عليكى سحاب الرحمة والغفران يا جدتى

كانت جدتى ذو حب و ذو قرب و ذو نسب وكانت لها احوال فكانت تقول لى ادخل عند سيدنا

الحسين وكانت ساعة الذهاب تقول دعونى انى ذاهبة الى المدينة انى بالمدينة انى

بالمسجد عند الرسول انا داخله اهو اهو سيدنا النبى اهو اهو هو هو هو...............

وقد روت لى جدى انها وهى صغيرة كان والدها يستضيف اقطاب واولياء من المحيطين او من

محافظات اخرى وكان منهم سيدى عبد العظيم القياتى وكانت ليلة واجتمع باهل البيت فقالت

لهل امها اذهبى ليعطيكى الشيخ حجاب فاستحت فقام الشيخ بتوزيع عليهم احجبه فعندما وصل

اليها فسحب يدة وقال (هما مش قالولك روحى خدى حجاب )فبتسم واعطها

وعندما دخل الشيخ ليستريح فترة القيلوله كان يجلس على بابه الشيخ السقى احمد عوض

فذهب فدخلت اخت جدتى وكانت صغيرة فرحانه بقدوم الشيخ فرفعت (الناموسيه) فلم تجد

الشيخ فخرجت تقول بصوت عالى الشيخ مش موجود فتعجب الحاضرين واذا بالشيخ احمد عوض

يقول الشيخ فى الحرم يصلى العصر لقد خرب بيتى فمضى وقت وخرج الشيخ يقول اين كنت

فقال في حسرة يا سيدى كنت اقضى حاجتى فسامحة الشيخ.

فقلت في بالى ليست الكرامان يذهب الشيخ للحرم لانه امر مع ربه واما الكرامة ان يذهب

الشيخ احمد عوض لكى ترى اخت جدتى ويعلم من حضر .

ولسيدى عبد العظيم حكايات وحكايات يشب لها الرأس

جمعنا الله بالاحبه ظاهرا وباطنا
[/font]
[/align]

_________________
بدأت ببسم الله روحى به اهتدت .. الى كشف أسرار بباطنه انطوت
وصليت فى الثانى على خير خلقه .. محمد من زاح الضلالة والغلت


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الثلاثاء إبريل 14, 2009 3:47 pm 
غير متصل

اشترك في: الأحد فبراير 22, 2004 2:50 am
مشاركات: 4527
[font=Traditional Arabic]شكرا للأخ محب مولانا الحسين على القصة
وشكرا لكل من شارك فى الموضوع

لو كل مشترك فى المنتدى حكى قصة واحدة سيكون عندنا كتاب للتسلية والتربية

فى انتظاركم
[/font]

_________________
" الأولياء وإن جلت مراتبهم فى رتبة العبد والسادات سادات "


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الخميس إبريل 16, 2009 7:49 am 
غير متصل

اشترك في: الأربعاء نوفمبر 26, 2008 8:48 pm
مشاركات: 142
كان يا مكان... يا ساده يا كرام و ما يحلي الكلام الا بذكر النبي عليه افضل الصلاة و السلام.
كان فيه فلاَّح عايش بيزرع في ارضه مع مراته وأولاده الخمسة. و في موسم اتحبست فيه المطرة زعل الفلاَّح، بعد ما بذر الحب، فراح لأرضه العطشانه ، يبص عليها و هو حزين جدآ و يقول
تعالي يا مطرة تعالْي
عشان تكبر البذورْ
ونقطفَ الغله
تعالي عشان يضحك الزرع
وننشدَ الموّالْ
عدت الايام .. و محصلش حاجه ، فا حزن اكتر وقعد في بيته مهموم حزين.

قربت منه زوجته تواسيه و تقولو .
-صلِّ على النَّبي هدي نفسك ما تعملش من الحبّة قبّة؟
رد عليها و قالها.
سبيني يا أمّ العيال –الله يرضى عليكِ- و ما تزوديش همومي .
فقالت له .
-طيّب.. لأمتي هاتفضل كده تسند الحيطان، قوم كده و صلي علي النبي .. اخرج، اسعي .
فقال لها .
-أسعى!؟ انت مش شايفه أنّ الأرض أ تشقّقت من العطش، والحَبَّ الذي بذرته أكلته العصافير، سبيني بالله عليكِي أنا مش مستحمل .
فقالت له .
-بس لو فضلت كده احنا هانموت من الجوع و مش هايفضل لينا غير حفنة طحين، قوم صلي علي النبي .. واقصد الكريم، بلاد الله واسعة.
اقتنع الرّجل بكلام زوجته، حمل زاده، وودّع أهله، و مشي .
كانت الرّحلة دي هي الأولى ،عشان كده شاف اهوال كتير و ساعات يظهر لـه وحش فيهجم عليه بالعصايه بتاعته و يضربه و يوقعه في الارض وساعات يقف قدامه جبل عالي فيطلعه و فضل علي ده احال لغاية اما .. وصل لقصر فخم حواليه اشجار و على كل حيطانه ورود.
قرب الفلاَّح من باب القصر، سأله الحارس بصوت عالي -هيه.. أنت، رايح فين ؟؟؟
قال له
-انا عاوز اقابل صاحب القصر.
قال له الحارس
-أيه ..؟! عاوز تقابل السلطان ؟؟؟
فاسمع السلطان كلامهم فاشاور للحارس أنه يُدخل الراجل، و اول ما وقف قدامه السلطان قال -السَّلام على جناب السّلطان.
رد عليه السلطان
-وعليك السلام.. عاوز ايه ؟
فقال الفلاح
-عاوز اشتغل .
فقال له السلطان
-انت اصلا مهنتك ايه ؟
فقال له
-فلاَّح.. بفهم في الزراعة. و حكي له قصته
فقال له السطان
-طيب اسمع اللي هاقولهولك انا مش محتاج حد يشتغل في الزراعه عندي مزارعين، لكن لو عاوز تشتغل في تكسير الصخور، مافيش مانع ، الأرض مليانه صّخور، وأنا بفكر اكسرها كلها واستفيد من مكانها.
فقال له الفلاح
-موافق.

فقال له السلطان
-إذاً اتفقنا على اول حاجه لسه بقي تاني حاجه .
قاله الفلاح ايه هي؟
قال السلطان -الأجر، أنابدفع للعامل دينار ذهب كل أسبوع، موافق ؟
-فكر الفلاح و قال
-عندي فكرة تانيه ، ايه رايك توزن منديلي ده في نهاية الأسبوع، و تديني وزنه ذهب وطلع الفلاّح من جيبه منديل صغير متطرز بخيوط خضرا و اول ما السلطان شاف المنديل، فضل يضحك، حتي كان قرب يقع من فوق الكرسي بتاعه
و قال له
-منـ.. منديل، ده انت راجل مغفلو كام وزن حتة القماش دي أكيد وزنها مش اكتر من وزن قرش من الفضّة، ها.. ها.. ها.. مغفل .. مؤكد انت مغفل .
بلع الفلاّح ريقه وقال:
-يا سيّدي ما دام الرّبح هايكون في صالحك مافيش مانع أنا موافق.. حتّى لو كان وزنه وزنَ نصف قرش.
حس السّلطان ان كلام الفلاح بجد فقال له -توكَّلنا على الله،خد الفاس ده و الصخور اهي شمّر ايدك و اشتغل وبعد أسبوع لكل حادث حديث.
مسك الفلاّح الفأس بايديه الاتنين و مشى ناحية الصخور وهو واثق من نفسه بص للصخور بتحدي . و الصلاة علي النبي و ضرب بالفاس فتفتّتت من ضرباته القويه ،و اتحولت لحجارة صغيرة وكل ما نزَّ من راسه عرق الجهد والتعب،طلع منديله و مسح راسه

اشتغل الفلاح حتّى لأخر الاسبوع صحيح أنّ العرق فضل ينزل من جبينه زي المطر، لكن ده ما منعهوش من العمل و انقضى أسبوع العمل، و جه وقت الحساب
فقال له السلطان
الله يديك العافيه ، انت اشتغلت باخلاص هات منديلك عشان اوزنه .

ناولـه الفلاّح منديله الرّطب، و حطته في ايديه ، و حط قرش فضه في الايد التانيه فاطبت كفّة المنديل. فا مسك السلطان بشوية قروش، و حطها برضه فضلت كفة المنديل هي اللي طابه
شال كل القروش الفضيه و حط دينا دهب ، برضه فضلت النتيجه زي ما هي
احتار ،و طلب من الحاجب منديلاً، حطه في الميه وحطه مكان منديل الفلاّح،فاطبت
كفّة الدّينار.
بص للفلاح و هو غضبان و قال:
-أوفّ.. ايه سرّ منديلك.. هو مسحور؟ انا افتكرت الميزان بايظ ، لكن وزنه زي المنديل المبلول بالميه
ضحك الفلاّح.
وطلب السلطان يوزن المنديل من تاني حط دينارين دهب .. ثلاثة.. أربعة.. حتى وصل إلى للعشرة ساعتها اتوازنت الكفّتان.
السلطان كان هايتجنن ايه اللي بيحصل بقي ده معقول عشرة.. عشرة دنانير، قام و مسك الفلاح من ياقته و قاله .
اتكلم مين اللي سحر لك المنديل ده ؟؟؟؟؟؟؟؟

رد الفلاح بهدوء و قال .
الحكايه مش حكاية سحر انا اصلا مش مؤمن بيه القصّة باختصار هي أنّ الرّاجل لما يشتغل بشرف عشان ياكل لقمه طاهرة ينزّ جبينه عرق.. العرق ده بيكون تقيل .. اتقل من الميه بكتير.

هزَّ السلطان راسه و ضحك و هو راضي و قال له يسلم فومك وبارك لك بمالك وجهدك وعرقك، ت خذ دنانيرك العشرة، و روح لأهلك .

روح الفلاح لبيته و اهله و هو فرحان جدآ و حكي ليهم علي كل اللي حصل ففرحوا و هللوا و اتبدلت عيشتهم و عاشوا في نعمه و حمدوا ربنا .
((وتوتة توتة.. خلصت الحتوتة))


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الخميس إبريل 16, 2009 12:52 pm 
غير متصل

اشترك في: الأحد فبراير 22, 2004 2:50 am
مشاركات: 4527
[font=Traditional Arabic]حكاية جميلة يا أم خديجة
لكن عندى ملاحظة أرجو أن تقبليها منى
الفلاح قال: "
الحكايه مش حكاية سحر انا اصلا مش مؤمن بيه "

السحر موجود ومذكور فى القرآن
لازم نعلم أولادنا الحقائق وكيفية التعامل معها وكيفية تحصين أنفسهم كما ورد فى السنة الشريفة
لأنه شئ مهم جدا فى الزمن القادم
[/font]

_________________
" الأولياء وإن جلت مراتبهم فى رتبة العبد والسادات سادات "


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الخميس إبريل 16, 2009 1:48 pm 
غير متصل

اشترك في: الأربعاء نوفمبر 26, 2008 8:48 pm
مشاركات: 142
السلام عليكم و رحمة الله و بركاته ميرسي قوي لكي يا محبة أل البيت علي الملاحظة دي بس ممكن انا اوضحلك
الفلاح لما قال انه مش مؤمن بالسحر كان المقصود انه مش مؤمن بيه لجلب الرزق لان الرزق يكون عن طريق التعب زي ما قال بالضبط :
القصّة باختصار هي أنّ الرّاجل لما يشتغل بشرف عشان ياكل لقمه طاهرة ينزّ جبينه عرق.. العرق ده بيكون تقيل .. اتقل من الميه بكتير
يعني الحكايه كلها شغل و اجتهاد مش سحر لجلب الرزق و إلا ماكنش حد غلب و اشتغل و هو ده المقصود من الجمله دي.
و ده طبعا مش معناه انه مافيش سحر لا طبعا فيه و مذكور طبعا في القرأن و لازم نعلم اولادنا كيفية التعامل و التحصين منه كما ورد في السنه فعلا زي ما قلتي خصوصآ في الزمن القادم .
أسفه أني طولت عليكي بس حبيت اوضح لحضرتك .


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: السبت إبريل 18, 2009 9:14 pm 
غير متصل

اشترك في: الخميس فبراير 12, 2009 4:19 pm
مشاركات: 50
السلام عليكم علي احلي موقع انا في عندي قصه هي مش من حكايات جدتي هي قصه قصيرة و انا بصراحه مش عارفه انزلها فين بالضبط لاني مش عارفه انزلها في اي باب بس انا هانزلها هنا و لو ده غلط ياريت تسامحوني :
كان رجل يتمشى في حديقة في نيويورك . فجأة رأي كلب يهجم على فتاة صغيرة فركض الرجل نحو الفتاة وبدأ عراكة مع الكلب حتى قتلة، وانقذ حياة الفتاة في تلك الاثناء كان رجل شرطة يراقب ما حدث ، فاتجه الشرطي نحو الرجل وقال له:
" انت حقا بطل ! غدا سنقرأ الخبر في الجريدة تحت عنوان " رجل شجاع من نيويورك ينقذ حياة فتاة صغيرة " .
أجاب الرجل :
" لكن انا لست من نيويورك ".
رد الشرطي اذا سيكون الخبر على النحو التالي "
رجل امريكي شجاع انقذ حياة فتاة صغيرة ".
رد الرجل :" انا لست امريكي ".
قال الشرطي مستغربا :" من تكون ؟"
اجاب الرجل :" انا باكستاني ".
في اليوم التالي ظهر الخبر في الجريدة على النحو التالي
" متطرف اسلامي يقتل كلب امريكي بريء


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الأحد إبريل 19, 2009 1:31 am 
غير متصل

اشترك في: الأحد يونيو 19, 2005 3:33 pm
مشاركات: 2280
مكان: الحسين
[fot][font=Tahoma]محبة ال البيت وام خديجة
والصلاة على النبى[/font]
[/fot]


[font=Tahoma]ايه الحلاوة دى ده انا حفظتها عشان احكيها للصغار فى العائلة قبل ما يناموا
بدل الtv وكله بالصلاة على النبى او بالصلة على النبى او ب صلى على النبى
وعيون الحساد كثير على بنات المنتدى
صلوا على النبى
عشان دعاء يوسف ومش حنلاقى اسماء تظهر فى الموقع زى اسم دعاء يوسف

مرحبا باحلى عضوة فى منتدى د محمود صبيح
[/font]

_________________
انا فى جاه رسول الله


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الثلاثاء إبريل 21, 2009 1:57 pm 
غير متصل

اشترك في: الأحد فبراير 22, 2004 2:50 am
مشاركات: 4527
[font=Traditional Arabic]شكرا يا أم خديجة على التوضيح
وآسفة لتأخر ردى

شكرا يا دعاء على مشاركتك
اقترح لها عنوان " شر البلية ما يضحك"

سلافة منتظرين منك حكايات مش حكاية واحدة
[/font]

_________________
" الأولياء وإن جلت مراتبهم فى رتبة العبد والسادات سادات "


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الأربعاء إبريل 22, 2009 4:49 am 
غير متصل

اشترك في: الأحد يونيو 19, 2005 3:33 pm
مشاركات: 2280
مكان: الحسين
صورة

[font=Tahoma]بمناسبة مولد مولانا سيدنا الحسين
ودى من احلى المواضيع السنة دى يا محبة ال البيت

وانشاء الله حكى حكايات بس اجمع
وكمان مش حنيجى زى حكايات جدتك يا محبة
وام خديجة ودعاء يوسف واسد المقام الحسينى وكمان ست الكل الامنة
وحبيبتنا المهاجرة ومحب مولانا الحسين
وكلنا بنجمع على حكايتك الجميلة يا محبة
اللهم جمعنا دائما على الخير
اللهم علمنا الادب
اللهم حببنا فى الخير وحبب الخير الينا
اميييييييييييييييييييين[/font]

_________________
انا فى جاه رسول الله


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: الأربعاء إبريل 22, 2009 9:59 am 
غير متصل

اشترك في: الاثنين مارس 29, 2004 4:05 pm
مشاركات: 7388
[center][table=width:90%;][cell=filter:;][I][align=center]
صباح الخير و البركة على أهل المنتدى الكرام ...

لو تسمحوا لى .. المرة دى حاقول لكم جملة سمعتها من جدى ... الله يرحمه ...

كان رحمة الله عليه إذا شاف حد حاطط إيديه فى جيبه يقول له : خلى ايديك برة جيبك ..

مفتوحة للسما .. علشان تبقى مستعدة لرزق ربنا ينزل فيها ...[/align][/B]
[/cell][/table][/center]


أعلى
 يشاهد الملف الشخصي  
 
 عنوان المشاركة:
مشاركة غير مقروءةمرسل: السبت إبريل 25, 2009 7:20 pm 
غير متصل

اشترك في: السبت فبراير 21, 2004 4:33 am
مشاركات: 10723

حكى لي والدي أن لصا جاء ليسرق بيت جدي الذي كان وقتها عمدة
البلدةفي أرياف صعيد مصر حيث يطلق عيه الدوار وإذا باللص يشاهد في كل مكان يريد سرقته عسكري يرتدي زيا عسكريا أبيضا ويحمل سلاحا (بندقية) لما شاهد هذا المنظر فر وهرب .
بعدها سأل اللص واستفسر من بعض الناس عما حدث فقيل له إن الشيخ ... لا ينام حتى يقرأ آية الكرسي في جوانب البيت الأربعة فقد كانت من عاداته رحمه الله قبل أن ينام ..
رحمك الله ياجدي رحمة واسعة ..

_________________
إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33

صورة


أعلى
 يشاهد الملف الشخصي  
 
عرض مشاركات سابقة منذ:  مرتبة بواسطة  
إرسال موضوع جديد الرد على الموضوع  [ 49 مشاركة ]  الانتقال إلى صفحة 1, 2, 3, 4  التالي

جميع الأوقات تستخدم GMT + ساعتين


الموجودون الآن

المستخدمون المتصفحون لهذا المنتدى: [AhrefsBot] و 74 زائر/زوار


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
© 2011 www.msobieh.com

جميع المواضيع والآراء والتعليقات والردود والصور المنشورة في المنتديات تعبر عن رأي أصحابها فقط