لكى يا سيدتى

molhma · **مرسل:** الخميس ديسمبر 31, 2015 10:21 pm

المهاجرة كتب:

molhma كتب:

حبيبتى المهاجرة كل سنة و انتى طببة أجمل حاجة بقى أنى كنت بسلى نفسى بشوية سعرات حرارية معتبرة وأنا بنزل المشاركة دى

كل سنة وانتى طيبة وادى ضميرك أجازة النهاردة و بوظى الدايت ماجتش من يوم ولا حتى كل يوم

أحلى حاجة

وكل سنة وانتى طيبة وبصحة وسلامة وسعادة وراحة بال يارب

وضحكتينى بجد

بس برضوا فين إبتسامة اليوم

والله حبيبتى المهاجرة ماخلى نفسك فى حاجة أبدا

حبيبة قلبى

molhma · **مرسل:** الاثنين يناير 04, 2016 8:32 pm

الخبيزة

الخبيزه من اكلات الجدات واكلاتنا الجميله المنسيه
صيدليه غذائيه

الخبيزه

المقادير

حزمتين او تلاته خبيزه
ورق سلق. شبت. كسبره
شوربة بط. وز. رومي. لحمه ضاني.
لحمه ملبسه. فراخ أي شوربة متوفرة عندك
بصله متوسطه مبشوره
ملعقه كبيره توم مدقوق ناعم
2 ملعقه كبيره بشر طماطم
سمنه للطشه
2 ملعقه كبيره فريك دره او رز عن نفسى أضع أرز

الطريقه
قطفي الخبيزه واغسليها في ماء غزير
عدة مرات لتخرج كل الاتربه وصفيها من الماء
اغسلي السلق والشبت والكسبره وخرطيهم بسكينه

اغلي كوب شوربه وانزلي ب ٤\٣ البصل المبشور
والطماطم المبشوره وفريك الدره او ملعقتين الرز
وهدي النار جدا علشان الفريك يستوي
وضيفي شوربه بتغلي لو احتاجتي

وحضري حله واسعه وسخني نصف كوب ماء
انزلي بالخبيزه والسلق والكسبره والشبت
على دفعات وقلبي حتى تذبل تماما وتغلي والحله مكشوفه
اطفي النار وبسرعه ضيفي كوب ماء متلج
علشان تحتفظ باللون الاخضر
ارفعي الخبيزه من سائل السلق واضربيها في الخلاط
مع نصف كوب شوربه بارده
وتكون خشنه مش ناعمه يعني لفتين واقفلي الخلاط
انزلي بخليط الخبيزه على الشوربه
ولو احتاجتي شوربه زودي شوربه بتغلي
بحيث تكون الخبيزه متماسكه ومش سايله
وظبطي الملح واتركيها تغلي كويس

اعملي الطشه
دبلي البصل في سمنه وضيفي التوم وقلبي
يصفر الخليط ضيفي نصف ملعقة كسبره ناشفه
وضيفيها للخبيزه واطفي النار
وبالف صحه وعافيه

ملحوظه
ممكن تخرطي الخبيزه وتعمليها زي الملوخيه بالظبط
ممكن تضيفي رز مستوي بدل الفريك او الرز الناشف

عدم تغطية الخبيزه طول فترة الطهي
وغطيها بعد ما تبرد
ملعقتين بشر الطماطم بتضيف طعم رائع للخبيزه
السلق يكون اقل من ربع كمية الخبيزه حتى لا يغير طعمها

ممكن تعملي الطشه بكسبره خضراء مخرطه ناعم جدا
بدلا من الكسبره الناشفه

فوائد الخبيزة للصحة :
1.تحتوى جذور و سيقان النباتات على مادة لزجة تُسمى “الصمغ” ، هذه المادة عندما تكون قاحلة فإنها تستخدم فى العلاج بالاعشاب

2.تستخدم كعلاج للأطفال الذين يعانون من التهاب و تورم الحلق ، و ذلك لأن الاعشاب تعمل على تسييل البلغم.
3.تعالج هذه النبتة بعض الامراض المختلفة مثل : الربو و نزلات البرد و السعال و التهاب القصبات الطبية و غيرها.
4.يتم استخدام هذه العشبة لتهدئة و تنظيف الجهاز الهضمى و المثانة البولية.

5.هذه النبتة تساعد على علاج الالتهابات و تقرحات الجلد و الدمامل و الحروق و بعض الاصابات الطفيفة.

6.جذور هذه النبتة مفيدة فى علاج و شفاء الخراجات التى تتراكم فى الجسم.

حول فوائد الخبيزه:

اكدت بعض الابحاث ان نبتة الخبيزة لها الكثير من التطبيقات فى مجال الطب

كما انها تُستخدم كمادة للتحلية من عصور مضت ، تحتوى على 2% من الدهون من حوالى 200 جرام منها

كما انها تخلو من الكوليسترول ، تحتوى نبتة الخبيزة على كميات كبيرة من البوتاسيوم و الصوديوم

و كلاهما من العناصر المهمة فى الحصول على ضغط سليم
كما انها من المصادر الجيدة للكربوهيدرات

بالاضافة الى انها مصدر لكمية بسيطة و محدودة من الحديد و البروتين.

فوائد أخرى للخبيزه :

تعتبر الخيزه علاج طبيعي فعّال للتخلص من الإسهال ، وفقر الدم.
الخبيزه علاج طبيعي للتخلص من السمنه والوزن الزائد.

الخبيزه مفيدة جدا في علاج التوتر النفسي والإلتهابات

كما أن للخبيزه دور كبير في علاج ديدان البطن.

الخبيزه مفيده في علاج ألآم الأمعاء والطحال.معالجة إلتهابات المسالك البوليه ، والهضم.

تعتبر الخبيزه مهدئ طبيعي للسعال ، و وصفة طبيعية للتخلص من البلغم أيضا.

الخبيزه من أكثر النباتات إحتواءا على الحديد والفيتامينات.

molhma · **مرسل:** الثلاثاء يناير 05, 2016 8:59 pm

طريقة سهلة جدا لعمل البيتزا عجبتنى و ناوية أنفذها إن شاء الله

الآمنة · **مرسل:** الثلاثاء يناير 05, 2016 9:04 pm

molhma كتب:

طريقة سهلة جدا لعمل البيتزا عجبتنى و ناوية أنفذها إن شاء الله

معذرة حبيبتى الغالية ماهى تلك الطريقة السهلة ............

molhma · **مرسل:** الثلاثاء يناير 05, 2016 9:14 pm

الطريقة مكتوبة فى الصورة حبيبتى الآمنة و هى سهلة جدا وتعمليها فى الطاسة التيفال وانتى واقفة من غير الفرن وممكن تحمرى الوش تحت الشواية

molhma كتب:

طريقة سهلة جدا لعمل البيتزا عجبتنى و ناوية أنفذها إن شاء الله

الآمنة · **مرسل:** الثلاثاء يناير 05, 2016 9:18 pm

molhma كتب:

الطريقة مكتوبة فى الصورة حبيبتى الآمنة و هى سهلة جدا وتعمليها فى الطاسة التيفال وانتى واقفة من غير الفرن وممكن تحمرى الوش تحت الشواية

molhma كتب:

طريقة سهلة جدا لعمل البيتزا عجبتنى و ناوية أنفذها إن شاء الله

أناآسفة تعبتك معايا بس الصورة مش ظاهرة عندى

molhma · **مرسل:** الثلاثاء يناير 05, 2016 9:32 pm

الطريقة مكتوبة لجل عيون حبيبتى الآمنة أأمرى يا ست الكل

1كوب دقيق و ضعى عليه ملعقة صغيرة بكينج بودر ورشة ملح ورشة سكر ورشة زعتر

وطبق تانى وضعى فيه نص كوب ماء دافى وملعقة صغيرة خميرة فورية و ملعقة عسل ابيض أو رشة سكر >ياسكر< ودى من عندى ياسكر وضيفى على طبق الدقيق واعجنى وسبيها على جنب و حضرى اى مكونات بتحبيها

افردى العجينة بإيدك فى طاسة التيفال مدهونة بالزيت و ضعى صوص او صلصة ورشة زعترو المكونات و جبنة موتزاريلا و على البوتجاز من فوق و غطى الطاسة و حطى تحتها الشياطة و سبيها على نار هادية من 5الى 10 دقائق و حمرى الوش دقيقتين تحت الشواية و أى خدمة حبيبة قلبى الآمنة

الآمنة · **مرسل:** الثلاثاء يناير 05, 2016 10:14 pm

molhma كتب:

الطريقة مكتوبة لجل عيون حبيبتى الآمنة أأمرى يا ست الكل

1كوب دقيق و ضعى عليه ملعقة صغيرة بكينج بودر ورشة ملح ورشة سكر ورشة زعتر

وطبق تانى وضعى فيه نص كوب ماء دافى وملعقة صغيرة خميرة فورية و ملعقة عسل ابيض أو رشة سكر >ياسكر< ودى من عندى ياسكر وضيفى على طبق الدقيق واعجنى وسبيها على جنب و حضرى اى مكونات بتحبيها

افردى العجينة بإيدك فى طاسة التيفال مدهونة بالزيت و ضعى صوص او صلصة ورشة زعترو المكونات و جبنة موتزاريلا و على البوتجاز من فوق و غطى الطاسة و حطى تحتها الشياطة و سبيها على نار هادية من 5الى 10 دقائق و حمرى الوش دقيقتين تحت الشواية و أى خدمة حبيبة قلبى الآمنة

جمايلك عليناشايلينهافى عينينا........

لوكنت أقدرأعملهاوأوصلهابنفسى .........

عيشتى لحبايبك ...... حبيبتى

molhma · **مرسل:** الثلاثاء يناير 05, 2016 10:25 pm

يارب يخليكى الله لا يحرمنى منك ويجبر بخاطرك و يفرح قلبك بحبايبك اللهم آمين

molhma · **مرسل:** الأربعاء يناير 06, 2016 8:55 pm

طريقة سهلة جدا لعمل الحواوشى

molhma · **مرسل:** الخميس يناير 07, 2016 8:48 pm

حمص الشام (الحلبسه)

المكونات
ربع كيلو حمص شام مجفف
جزره كبيره او 2 وسط
5 فصوص توم
نصف ثمرة طماطم وسط
ربع ملعقه صغيرة بابريكا
ربع ملعقه صغيره ممسوحه كركم
عصير ليمونه كبيره
ملعقه صغيره كمون ورشة فلفل
شطه حسب الرغبه
الطريقه
انقعي الحمص لا يقل عن 8 ساعات حتى يحيا جنين الحبه
جنين الحبه في اي بقوليات مهم جدا لان بها كل فوائد الحبه
في اناء مناسب للكميه ضعي الحمص واغمريه مع اربع اضعافه ماء
ضيفي الجزر والتوم والطماطم
بعد خمس دقايق وقبل الغليات اضربي نصف كمية الجزر والتوم والطماطم وضيفهم على الحمص
عوزاه واضح في الحلبسه لاني لو ضربته بعد كده هيتحول لعصير
وبعد 3/4 سوى الحمص ضيفي عصير الليمون
واضربي باقي الجزر والتوم والطماطم ومعاهم قليل جدا من الحمص
علشان فتافيت الحمص هتخليه زي بتاع بره بالظبط ويكون تقيل ومش خفيف
وضيفي البابريكا والكركم والملح وشوفي اللون لو زي بتاع بره يبقى تمام لو لسه فاتح
ضيفي قليل من البابريكا وآخر حاجه ضيفي الكمون
واوعي تضيفي مكعبات مرقه زي بتاع بره هو كده طعمه رائع
اتركيه يغلي لغاية ما ياخد لون السائل وينضج تماما
قدميه سخن ومعاه ليمون وشطه
لو عملتى الحمص قبل الاكل بيوم طعمه ولونه وقوامه بيكون افضل
وبالف صحه وعافيه

molhma · **مرسل:** الخميس يناير 14, 2016 8:48 pm

إظغط على الصوره لتراها بحجمها الطبيعي !

الكبده الاسكندراني
كلاكيت تاني مرة بس بطريقة سهلة علشان خاطر حبيبة قلبي
المكونات
نص كيلو كبده بقري مقطعة شرائح صغيرة جدا (تقطيع شاورما)
ملح -- فلفل اسود
2 قرن فلفل اخضر حراق مقطع حلقات رفيعة (يمكن استبداله بفلفل رومي للي مش بيحبوا الاكل الحراق)
2 معلقة كبيرة ثوم مفروم
نص معلقة صغيرة كمون
ليمونة كبيرة
زيت للتحمير
الطريقة :
ضعي زيت في طاسه عميقة او حله وسخنيه وبعدين حطي الكبده كلها مع حبة فلفل اخضر
وحبه ملح وفلفل اسود ومعلقة ثوم كبيرة وغطي عليها سيبها ربع ساعة تنزل مايتها وتشربها وبعدين الكمون و بقية الثوم وعصير ليمونة كبيرة وباقي الفلفل الاخضر وقلبيهم جيدا واول ما تحسي ان الكبده قربت تستوي تخفضي النار شوية وتغطيها وتسيبيها تشرب بقا الخلطة دي تماما بس ماتنشفش يعني سيبي فيها حبة مايه صغيرين .
وقدمي معاها بطاطس محمرة
وبالهنا والشفا وماتنسيش الدعاء

molhma · **مرسل:** الخميس فبراير 25, 2016 9:54 pm

.ليس كل مايلمع ذهبا.. أقدم صائغ: 40% من ذهب مصر “مغشوش” ومدموغ تحت بير السلم

%40 من الذهب اللى فى الأسواق المصرية بيكون ذهب مغشوش ومدموغ تحت بير السلم”، هذه الكلمات كانت بداية حديث أقدم تاجر “ذهب” بحى الصاغة أمام “كاميرا فيديو 7 قناة اليوم السابع المصورة”، لكى يصف بها حال الصاغة فى مصر. وقال “فهمى ميشيل” أقدم تاجر “ذهب” بحى الصاغة، “حال الصاغة زمان كان تمام جدا، وكان فيه أمانة من الصنايعى والتاجر”، مستدركا “بعد وضع ضريبة للمبيعات، بدأت مشاكل الصاغة وكثرت دمغات بير السلم”. وتابع: واتجه بعض تجارالذهب عديمى الضمائر للدمغة خارج مصلحة الدمغة والموازين كما يقال “الدمغة البيتى” وفيها العيار لا يكون مطابقا للمواصفات. موضحا “للأسف يوجد ذهب فى الأسواق عليه دمغة تقليد، ومش ذهب صافى، بيكون ذهب مختلط بالنحاس أو نحاس ومطلى بماء الذهب” حسبما قال. وأضاف “أحنا بندفع من 3 إلى 5 جنية زيادة فى مصلحة الدمغة على الجرام علشان يرقموا الذهب، ويتم ذلك فى الذهب الكسر”.

http://s.youm7.com/2601376

molhma · **مرسل:** الأحد فبراير 28, 2016 9:14 pm

علاقة الوقت بالجسم!

● من الساعة 9 – 11 مساءاً
هذا الوقت الذى يتم فيه التخلص من السموم الزائدة فى الجهاز اللمفاوى، لذلك فإن هذا الوقت يجب تمضيته فى هدوء.
فإذا كانت ربة المنزل لا زالت تعمل فى أعمال المنزل أو فى متابعة الأبناء فى أداء واجباتهم المدرسية فإن ذلك سيكون له تأثير سلبي على صحتها.

● من الساعة 11 مساءا – 1 صباحا
فذلك ميعاد تخلص الكبد من السموم ويكون هذا الوقت المثالي للنوم العميق.

● من الساعة 1 – 3 صباحا
فذلك ميعاد تخلص المرارة من السموم وأيضا يكون وقت مثالي للنوم العميق.

● من الساعة 3 – 5 صباحا
فذلك ميعاد تخلص الرئة من السموم ولذلك سنجد أن المريض
الذى يعاني من السعال فإنه سوف يعاني أكثر فى هذا الوقت
والسبب فى ذلك أن عملية التخلص من السموم قد بدأت فى
الجهاز التنفسي فلا داعي لتناول دواء لإيقاف أو تهدئة السعال فى هذا الوقت وذلك لمنع التدخل فى عملية تخلص الرئة من السموم الموجودة بها وهنا تظهر فائدة صلاة الليل .....

● الساعة 5 صباحا
فذلك ميعاد تخلص القولون من السموم
لذلك يجب التبول فى مثل هدا الوقت لتفريغ المثانة لمساعدة القولون على التخلص من السموم.

وهنا ننصح الأشخاص الذين يعانون من الإمساك المزمن أن يواظبوا على الإستيقاظ فى هذا الوقت (5 صباحا) لكى يساعدوا القولون على العمل والتصريف.
وفى خلال عدة أيام سينتهى الإمساك المزمن مع ضرورة الإلتزام أيضا بالغذاء المتوازن.

● الساعة 7 – 9 صباحا
فذلك ميعاد إمتصاص الغذاء فى الأمعاء الدقيقة فيجب أن يتم تناول وجبة الإفطار فى هذا الوقت.

● أما المرضى الذين يعانون من الإنيميا ونقص الهيموجلوبين فى الدم فيجب أن يتناولوا وجبة الإفطار قبل الساعة 6.30 صباحا.

● أما من يرغب فى المحافظة على سلامة جسمه وعقله يجب أن يتناول وجبة إفطاره قبل الساعة 7.30 صباحا والأشخاص الذين لا يتناولون وجبة الإفطار وتعودوا على ذلك يجب أن يغيروا عاداتهم لأن ذلك من أهم أسباب تلف الكبد.

● والتأخر فى تناول وجبة الإفطار حتى الساعة 9 – 10 صباحا أفضل من عدم تناولها على الإطلاق.

● من منتصف الليل – 4 صباحا
هو الوقت الذى ينتج فيه النخاع العظمى خلايا الدم لذلك يجب أن ننام مبكرا ... وننام جيدا وبعمق.
إن النوم المتأخر والإستيقاظ المتأخر يعملان على تعطيل الجسم من التخلص من السموم الموجودة به.

مختارات من تغريدات استاذ علم الابحاث في مستشفى الملك فيصل التخصصي الدكتور فهد الخضيري

molhma · **مرسل:** الخميس مارس 03, 2016 9:25 pm

لكى يا سيدتى طبق خفيف على الماشى و اختارى بجانبه نوع من السلطات وأفضلها السلطة الخضراء

الشيش طاووق
المقادير
نص كيلو دجاج مكعبات
علبة زبادى
معلقتين مسطردة
معلقة كاتشب
توم مفروم
ملح وفلفل وكمون
زعتر
بهارات
فلفل مكعبات
بصل مكعبات
الطريقة
نتبل الفراخ بالمكونات كلهاونتركها ساعتين باللتبيلة
وبعدين ندخلها في اسياخ الشيش بالتبادل مع البصل والفلفل
وتوضع بصينيه في الفرن او علي النار في طاسة علي البوتجاز
او تشوى علي الجريل وبالهنا

موقع د. محمود صبيح

لكى يا سيدتى

الموجودون الآن