مشاريعنا القومية

عمرو أبوشادى · **مرسل:** الخميس مايو 05, 2016 7:45 pm

المشروع القومى الأول :
مجتمع عمراني زراعي على مليون ونصف المليون فدان بالفرافرة الأرض التى أرتوت بدماء جنودنا من حرس الحدود من الإرهاب الغاشم عام 2013 نقدمها لهم هدية
المجتمع الزراعي جاهز الآن بالمنازل والمياة والكهرباء والصرف وحتى ابار المياة تم إنتاج ألف بير فعلياً لتزويد الأراضى الزراعية بالري ... يعني احنا المصريين كل المطلوب منا نروح نعيش هناك على الزرعة على طول من غير أي احتكاك ولا تعامل مع الحكومة وحتلاقي حياة كاملة هناك،،، يعنى مفيش تصاديق ولا تصاريح ولا بهدلة بيروقراطية ولا هنام فين وكمان مفيش كهرباء ولا مياة شرب أصل الدولة بتدينا الأرض وترمينا فى الصحراء،،،يعني السيسي قضى على البيروقراطية والفساد وهو بيبنى مصر
الخلاصة مصر حتزرع من سواعدها وحتبقى مصر الزراعية بتكلفته 60 مليار ج
وعلى المصريين يروحوت يستلموا أراضيهم وقدامنا سنة واحدة لحصد زرعة المليون ونص فدان
===========================
المشروع القومي الثاني:
الشبكة القومية للطرق ... تم إنجاز 5000 كم واتربطت الفرافرة بيه شمال وشرق وغرب ، الشبكة عملت ربط لجغرافية مصر الحديثة وكمان 135 كوبرى تم تشيده على ان يصل إلى 150 كوبرى أخر العام
التكلفة 80 مليار ج ترحم المصريين من معاناة الطرق واللف للوصول إلى المحافظة أو المدينة وكمان تشجع المستثمرين الأجانب أصل المستثمر بيحسبها بالوقت قد ايه ياخد لحد م يوصل لمصنعه ومصر بقى لها بنية أساسية من شبكة طرق وكبارى حديثة مفخرة للعالم كله
========================
المشروع القومي الثالث :
تنمية سيناء بشبكة طرق 2000 كم داخلية ،، وكمان بتربطها بالدلتا يعني بتريط الغرب بالشرق عبر 4 انفاق تمر تحت قناة السويس يعني من مدن القناة تركب عربيتك تنزل النفق تلاقي نفسك في سيناء
أول ماكينة حفر النفق الاول فى يونيو والثانية في اغسطس والثالثة في أكتوبر والرابعة في ديسمبر للنفق الرابع
وكمان محطتين تحلية مياة لأهالينا هناك ،، واحدة في سرابيوم والثانية عند ترعة السلام للإستفادة من كل نقطة مياه فيكي يا مصر
وخد عندك في سيناء مزارع سمكية و 15 مصنع رخام و 2 خط أسمنت وكمان مناطق صناعية وأراضي زراعية لإستصلاح لا يقل عن 200 ألف فدان،،، وأديها كمان مطارات ومواني للحبايب
يعني سيناء هتبقي محافظة صناعية وزراعية وحتتربط جغرافيا بمصر وده معناه فى الأمن القومي هو إنصهار أهالى سيناء جوه اهالى المحروسة يبقى أنسى حد يكلمك عن فصل سيناء وضمها لقطاع غزة وكمان سيادتك بتحارب الإرهاب دلوقتي مش بالأمن بس لا ده كمان بالفكر يعني بالتنمية ومش كده وبس ده أنت بتغير فلسفتك العسكرية من سيناء خط الدفاع الأول عن مصر وبتنقل المواجهه مع العدو لخارج حدودك الإقليمية زى ما قال جمال حمدان في كتابه من 20 سنة
===================
المشروع القومي الرابع:
محور تنمية قناة السويس - بعد ما حفرنا القناة وشغلناها فى سنة واحده بسواعدنا وبفلوسنا تعالوا بقى نعمل على ضفافها محور إقتصادي ينعنش الدنيا ويجيب المليارات أصلها هتبقي زى جبل على في دبي والأفضلية أن البضائع حتطير عبر المتوسط لأوربا على طول وتعالى شوف الاستثمارات المعلنة فى الحته ده من روسيا والصين والمانيا
وخد بالك المسؤل الغربي قال إيه للسيسي هنا ""إدارتكم للأمور في مصر مثيرة للإنتباه""
يعني إنتباه يا طنس بصوت توفيق الدقن
============================
المشروع القومي الخامس:
الإسكان الإجتماعي قدم 370 ألف شقة للمتقدمين من الشباب الغلابة والمستهدف 600 ألف يتم تسليمها فى إبريل القادم ،، أصل الشركات نزلت المواقع خلاص وشغالين يا شباب مصر
وأظن كلنا شفنا بعنينا طوابير الشباب لحجز وحداتهم السكنية
==============
المشروع القومي السادس:
مشاريع معالجة المياة معالجة ثلاثية بمحطات جديدة تمنح المصريين 7 مليار متر مكعب في السنة يعني المصريين بيستفيدوا من كل متر مكعب مياه بيدخل أرضنا من زراعة ورى وصرف لشرب عشان حبايبنا في تل أبيب يفرحوا
======================
المشروع القومي السابع:
المشروع القومي للكهرباء واللى ضاعف إنتاج مصر من الكهرباء من 27 ألف ميجا ليصل إلى الضعف مع نهاية العام بتكلفة 400 مليار ج
=========================
المشروع القومي السابع:
7 مدن جديدة .... شرق بورسعيد - الاسماعيلية الجديدة - السويس الجديدة - العالمين الجديدة - العاصمة الإدارية الجديدة - الجلالة - الفرافرة ....بمليار متر أرض * 1000 ج للمتر = تريليون ج مصري
========================
المشروع القومي الثامن:
مزارع سمكية على 20 الف فدان بكفر الشيخ بتقنية متقدمة بمستلزماتها من المصانع للعلف والفوم والثلج يعني نفس فكرة الفرافرة تعالوا يا شباب خد لك حوض 2 أو 3 والحوض أهه والتغليف اه والثلج اه والعلف هناك اه والطرق والنقل اه يعني برضه قضيت على البيروقراطية والفساد وما عليك يا مصرى إلا إنك تروح تطلع سمك
====================
المشاريع ده كلها تكلفتها تريليون و400 مليار ج السيسي كان حاضر فى كل جنيه فيه وقدر ينزلهم لتريليون و40 مليار ج يعني قضى على الفساد ولا لأ يا مصريين
=========================
بكره أحسن يا مصريين أصل فيه مشروع قومى تاني مفاجأة مش حينفع نتكلم فيه دلوقتى
طلوا على بلدكم يا مصريين حتلاقوها أشباة دولة مش دولة حقيقية
احنا بنبنى دولة يحترمها العالم وعشان كده الناس مش حتسيبنا وكل ما ننجح أكتر كل ما أهل الشر حيدوروا على مكائد أكتر وتخطيط أكتر
احنا دولة قانون ومؤسسات واخد بالك ياض يا قلاش..أصل وزير الداخلية قاعد فى الصف الأول عشان احنا بلد قانون .
===================================
كل اللى مكتوب فوق ده مش حلم مصر ده واقع المصريين بيشوفوه دلوقتي على الأرض
مصر
مصر
مصر
تحيا مصر

https://www.facebook.com/amrammar100/po ... 2435639074

حامد الديب · **مرسل:** الخميس مايو 05, 2016 9:01 pm

تحيا مصر

تحيا السواعد المصريه الاصيله

وتحيا كل روح حلوه بتعمل للبلد

ويحيا الفاضل /عمرو ابوشادى على الموضوع الحلو

عمرو أبوشادى · **مرسل:** الخميس مايو 05, 2016 9:31 pm

ويحيا الدكتور حامد الديب مقاتل صنديد ضد العالم الماسودجالى

حامد الديب · **مرسل:** الخميس مايو 05, 2016 10:08 pm

يااااااااااااه كده مره واحده

بوركت اخى وجزاكم الله خيرا

الطارق · **مرسل:** الأربعاء يناير 31, 2018 3:04 pm

الرئيس السيسي يفتتح حقل ظهر ويلتقط صورة تذكارية مع العاملين

http://www.youm7.com/story/2018/1/31/%D ... 86/3626072

الأربعاء، 31 يناير 2018 02:00 م

كتب سمير حسنى- محمد شعلان

افتتح الرئيس عبد الفتاح السيسى مرحلة الإنتاج المبكر من حقل ظهر، واستمع الرئيس إلى شرح تفصيلى من العاملين حول آلية العمل لإنتاج الحقل للغاز الطبيعى بالبحر المتوسط، كما وجه المهندس خالد فهمى وزير البيئة بضرورة دراسة الأمور جيدا والتأكد من عدم وجود أى أثار سلبية من الحقل على المواطنين فى بورسعيد.

والتقط الرئيس السيسى صورة تذكارية مع المدير التنفيذى لشركة إينى، والمهندس شريف إسماعيل رئيس مجلس الوزراء، وعدد من المسئولين والعاملين بحقل ظهر خلال تفقده مراحل الانتاج بحقل الغاز الطبيعى الأول فى الشرق الأوسط.

الطارق · **مرسل:** الأربعاء يناير 31, 2018 5:08 pm

"أيقونة غاز المتوسط".. فيلم عن حقل ظهر العملاق

الأربعاء، 31 يناير 2018

موقع د. محمود صبيح

مشاريعنا القومية

الموجودون الآن