موقع د. محمود صبيح

سالي سليم تكتب: «ورحمة الغاليين ما تترشح تاني»!

بتاريخ: 2016/09/02 - 03:09 م

أمانة عليك ما تترشح تاني، وياريت لوتنسحب من السنتين الناقصين كمان، أنا مش فاهمة أنت ليه واقف في طريق نموالبلد ؟؟؟!

يا سيدي مش هما اختاروا قبل كدة، وكانوا بيقتلوا بعض بالمطاوي على طوابير العيش.. المرضى كانوا بيموتوا في المستشفيات بسبب انعدام الكهربا، والأطفال كانوا بيموتوا في الحضانات، والدكاترة كانت بتعمل العمليات على نور الموبايل وتجارة مولدات الكهربا زهزهت وكانوا بينزلوا من الفجر علشان يمونوا عربياتهم وبردو ماكانش فيه بنزين والولاد كانوا بيذاكروا ويمتحنوا في الضلمة والحياة كلها كانت ضلمة عادي جدا.

يا أخي ما تسيبنا نرخص أسلحة نحمي بيها بيوتنا وستاتنا وأطفالنا واهو يمكن بالمرة نقعدهم من المدارس من باب الوقاية خير من القتل، ده حتي المنظمات الدولية كانت قد أعلنت تردي الأوضاع الصحية في مصر أوائل 2013 والخوف من ظهور شلل الأطفال بسبب عدم وجود المصل المضاد.

سيبنا لهشام قنديل جديد من أي فصيل تاني من رفقاء الميدان، اللي الإخوان خليوا بيهم وهمشوهم بعد ما وصلوا للحكم ولما طالبوهم، بمبدأ حكومة توافق وطني قالولهم: «شالوم يا ثوار يا اخرار يا مستقلين يا وسطيين يا مثقفين يا طعميين»!

واهو كمان يمكن نلاقيلنا مستشار للرئيس الجديد زي خالد علم الدين عضوالهيئة القيادية العليا في حزب النور السلفي اللي قعد "يهوهو" وهوبيصدر بيانات تدعم مطالب المتظاهرين في الميادين المصرية اللي هيبقوا وقتها فصائل متناحرة والزهر يلعب ويرجع تاني تصنيفنا الائتماني CCC زي سنة حكم الاخوان ونكمل المشوار ونعلن افلاسنا من نفسنا بقي وسوق البطالة اللي زاد 1.1 مليون شاب عاطل خلال عام واحد من حكم الاخوان يعدي ويتضرب بينا المثل في مجرة درب التبانة كلها.

ليه عايز تحرمنا من متعة الفرجة علي الاقصر وهي بتتكسر وبتتسرق وبتتباع في متاحف العالم ولا سينا وهي تحت تصرف الامم المتحدة ، يا راجل سيبنا نوصل للعالمية بقي انت واقف في طريقنا ليه !!

للتاريخ كان فيه دراسة اعدها مركز القاهرة للدراسات الاقتصادية والاستراتيجية انه خلال فترة رئاسة محمد مرسي:

- ارتفعت معدلات الفقر داخل مصر لتصل الي 25.5% في عام 2013 بعد ان سجلت المؤشرات الرسمية أن معدل الفقر في مصر 23.5% خلال النصف الاول من 2012

-ارتفع حجم التضخم في مصر وارتفعت الأسعار لتصل معدلات التضخم لأكثر من 17.5% في المؤشرات الرسمية لسنة 2012 في حين أنه كان 14.5% في 2011

-انخفضت قيمة العملة المحلية الجنيه المصري وخسارته لأكثر من 18% من قيمته أمام الدولار والعملات الاجنبية الأخري ؛ كما عاد الي مصر السوق السوداء للعملات بعد أن اختفت من مصر في أواخر التسعينات.

-زيادة حجم الدين الداخلي والخارجي علي مصر فقد بلغ اجمالي الديون الخارجية علي مصر في 2013 حوالي 45 مليار دولار بعد أن استدانت مصر من قطر وتركيا والسعودية وغيرهم من الدول هذا وقد كان حجم الدين الخارجي حتي 2012/6/30 حوالي 34.90 مليار دولار.

وأيضا الدين الداخلي زاد ليصبح في 2013/6/30 مبلغ 1.365 تريليون جنيه ( 1365 مليار جنيه مصري) بعد أن كان 1140 مليار جنيه في 30/6/2012.

وانخفض الاحتياطي النقدي المصري لأقل مستوياته ، فقد وصل في ديسمبر 2010 الي 35.8 مليار دولار في حين أنه بلغ في 30 يونيو2012 الي 15.5 مليار دولار وما يقرب من 14 مليار دولار وقت عزل محمد مرسي.

من ناحية أخرى انخفضت الاستثمارات الاجنبية والعربية في مصر خلال الفترة من يونيو2012 وحتي يونيو2013 الي اقل مستوياتها فبعد أن كانت الاستثمارات الاجنبية والعربية وصلت الي 13.4 مليار دولار خلال عام 2009 انخفضت في عام 2012 لتصل الي 2 مليار دولار ثم اقل من مليار دولار خلال عام 2013.

الله في سماه انا ما بتريق اوعي تترشح تاني ، حضرتك عديت الستين اتفضل خد معاشك وعيش "ملك" مكان ما تحب.. عيش يا باشا وسيبنا نعيش.

المصدر :

http://www.itfarrag.com/Articles/Detail ... %8A-/75979

اللهم آمين يارب العالمين.

أعزكم الله يا دكتور حامد وبارك الله فيكم.