اشترك في: الخميس مايو 30, 2013 5:51 am
مشاركات: 36091
|
سالي سليم تكتب
أنا عايزة التشكيل الرئاسي لدكتور عصام حجي.. مش ده اللي كان المستشار العلمي لرئيس الجمهورية.. ومتعلم بره.. وبيشتغل في ناسا. وكل اللي بيقوله صح؟ أنا عايزة شباب «التغيير» تحكم البلد..خصوصا الزبون بتاع الخارج اللي الأستاذ الدكتور حجي بيحكي عنه، طبعا دوول اللي موقفين حملة هيلاري كلينتون على رجلها.. هو إحنا نطوووول.. شعب متأنعر ع الفاضي!
دخل مزاجي أوي كلامه.. خصوصًا بقى الحتة بتاعت «مش هنركز ع السياسة لحد ما نبني الداخل» هو ده كلام العاقلين.. بلا تسليح بلا خيبة، إحنا ندخل كلنا ونقفل علينا الباب أربع سنين واللي يخبط ما نفتحلوش علشان بنذاكر وهو هيزهق ويمشي!
الحقيقة أنا مش عايزة جيش مصر يتسلح.. إحنا مش أقل منها إن المارينز تحمينا، وتظهر صورنا مع الجيش الأمريكي اللي بيحمينا زي صور العراقيين والأفغان، وميزانية تسليح الجيش نستفاد بيها على حق.. ممكن مثلا نشتري بيها لحمة من نيوزيلاند ونغرق بيها السوق المصري، وتبقى اللحمة أرخص من العيش المدعم، أو ممكن كمان نشتري طماطم علشان أسعار الطماطم دي اللي بتقوم بسببها الثورات - بحسب تصريحات دكتور عصام!
وبعدين مصر ما ينفعهاش حكم منفرد.. مصر لازم يحكمها فريق أو منتخب رئاسي زي كل دول العالم الأول.. مين اللي قال إن «المركب اللي ليها ريسين تغرق»؟ طالما ممكن يحكمنا فريق من 11 لاعب ومدير فني.. هي الأمثال دي اللي مودياكم في داهية.
مركز إعداد القادة ده يتقفل بقى، وأهو نوفر كهربا ونجيب قادة من بره علشان يمسكوا مصر لما تقع.
وبعدين دكتور عصام قال بالحرف: «السياسة وحدها لن تجمعنا، وعلى العكس ما يفرقنا هي الخلافات السياسية، فالمبادرة ترى أنه قبل أن يكون لمصر رؤية سياسية يجب أن نحدد رؤية في انتخابات 2018 تنهض بمصر، بالتعليم والصحة والوحدة الوطنية، وأغلب المشاركين في الحياة السياسية اليوم في السجون أو المهجر أو على مواقع التواصل».
أهو إحنا بقي لازم نطلع اللي في السجون دوول، ونبعت نجيب اللي في تركيا وقطر وأمريكا وإنجلترا والنمسا؛ علشان دوول عارفين مصلحتنا أكتر من العسكر اللي قاعدين يشتروا أسلحة ولبن.
وبعدين الراجل بيقول تم التواصل مع جميع المعارضين بالخارج.. يالا بقى تعالوا خشوا في حضن إخواتكم المصريين في الداخل علشان هنقفل باب البلد بدري في 2018.
دي ناس مش بتضيع وقتها (time is money)، فبحسب تصريحات د. حجي إن الفريق المؤسس موجود في مصر، وبيجتمع يوميًّا مع كل قوى التغيير و25 يناير ومختلف قوى المجتمع المدني ومسؤولين سابقين، وإن هناك من 3 إلى 4 اجتماعات يوميا حولها.
وقال: «تدعمنا قاعدة متزايدة من مختلف الفئات، ولم نعلن عن أي شخصية عامة - على كثرتهم - ممن يؤيدون المبادرة أو شباب وأحزاب أو اتحادات طلابية، ولكننا اتخذنا قرارا بعدم إعلان أسماء الفريق الرئاسي حفاظا على الفريق من التشويه»!
بصوا هو تقريبا كده آخر صاروخ وقع في ناسا من كام يوم مأثر على نفسية د.عصام، فبلاش باسم المدنية حد يسمعه كلمة «تحيا مصر»؛ لحسن الكلمة دي بتضايقه، وشايف إنها «أجهزت على مصر» - بحسب تصريحاته على موقع هافنجتون بوست الإخواني.
بصراحة كده إحنا بقالنا سنين في نكد، ومحتاجين تغيير ومفاجآت، تيجوا نجرب وكل واحد فينا ياخد دكتور عصام لفة!
http://www.itfarrag.com/Articles/Detail ... %B1-/77369
_________________
مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم
|
|
المنتدى
التسجيل
الأسئلة المتكررة
بحث
