|
القواعد ال 40 لدكتور الباطنه والطوارئ
1- مفيش حاجه اسمها برد في المعده ، كلها نزلات معويه والتهابات في الأمعاء من العك اللي بتاكلوه في الشارع منك ليها ...
2- مفيش حاجه اسمها اخد المضاد يومين فا اخف أقوم وبطلوا . أبوس ايديكوا البكتريا جالها مناعه بسبب الحركه دي .
3- مفيش حاجه اسمها أبره تخففني من البرد هو فيروس هياخد وقته و هيعدي ..
4- عمر اللي بيستعمل جهاز البخار مره واحده مهيفضل طول حياتوا ماشي عليها مش كوكاين هوه ?? .
5- مش معني ان الضغط واطي ترزع العيان 2 لتر محاليل العيان ممكن يفطس منك ركز وشوف السبب الاول .
6- بلاش تستسهل اول ماتشوف بنت مغمن عليها تقول حاجه نفسيه !!! حيات النبي في خمسين حاجه خطر بتعمل كده ... ??
7- الكورتيزون مش بيتخن من اول حبتين لازم فتره طويله .
8 - بردوا أبره الكورتيزون بتاعت الحساسيه مش بتخن أبوس ايديكوا بلاش نهري في اي كلام ..
9- تعقيبا ل النفط 7،8 تخن الوش والحمار من الكورتيزون مش من علامات الجمال دي مصيبه حضرتك ده ممكن يعمل هشاشه عظام .
10- مش معني ان المضاد الحيوي عملك إسهال إنّو وحش او ان الدكتور حمار ، ابسلوتلي معظم المضادت بتعمل تعب المعده والجهاز الهضمي . ??
11- المسكنات مش كلها مضر للكلاوي وحتي المضر بيبقي للناس اللي عماله تسفوا عمال علي بطال ، بغير جرعاته الموصوفة ...جرعه البنادول المضره للكبد 4 جم يعني اكتر من 8 حبات مره واحده
12- مش نصاحه منك ان يبقي عندك الضغط والسكر ومش بتعالجوا صدقني هتندم .
( السكر بيدمر الكلي، الاعصاب والعين ، والضغط بيضيع القلب وممكن يجيلك نزيف في المخ )
13- فوق الاربعين خد اسبرين .
14- معظم البنات وجع العضم عندهم وسقوط الشعر و عدم التركيز من نقص فيتامين دال ، شيكي عليه دلوقتي .??
15- السونار مش بيبن ايه جوه المعده والله ... ??
16- الزايده نحيت اليمين تحت مش شمال ...
17- مش اي وجع في الصدر تبقي جلطه ، الجلطه ليها أعراض زي وجع نحيت الشمال والكتف والرقبه والدراع الشمال ، احساس طوبه فوق صدرك مع بروده في الأطراف وعرق ، وساعات وجع في فم المعده ، وساعات من غير اي ألم في الناس اللي عندها سكر ??
18- متعدش تحش وتاكل كل حاجه وفي الاخر تشتكي من القولون انوا تاعبك ده كويس انوا مشتمكش ومفيش علاج جزري ليه كلها مسكنات و ادويه نفسيه ??
19- الحرقان في البول عند البنات في الاساس من قلت شرب الميه بلاش تضربي مضاد من دماغك اعملي تحليل بول و مزرعه الاول عشان الموضوع ده مهم و متكرر وبيعمل مشاكل . ??
20- مصل الانفلونزا مش بيمنع الانفلونزا
21- بتشرب سجاير ؟ لا يادكتور طبعا ... يابن الكدابه دانتا شفايفك ذرقه وربحت بقك وسنانك مدمره منها بلاش تصتنصحوا ...
22 - اكيد هتاخد بنج وانت بتعمل منظار المعده يعني هعذبك ليه !!! فا بلاش السؤال الوجودي هاخد بنج ولا لأ
23- بلاش والنبي تمليني الادويه لعلاج حالتك امال انت جايلي انا ليه ياعم الدكتور . ????
24- والله مافيه حاجه اسمها كشف بالتلفون او قولني حاجه نجيبها من الصيدليه
25- مش اي وجع في البطن نحيت اليمين تحت تبقي زايده ، ممكن حصوه ، ممكن التهاب عادي في القولون .
26- الاشعه المقطعية والرنين انا مش بعاقبك بيهم دي أدوات تشخيصيه لابد منها لتشخيص حالتك . ??
27- مش اي صداع يبقي صداع نصفي النصفي ليه أعراض منها الزغلله و رشح ساعات و انوار وألوان في العين و بيطول والعيان هيجي يقولك بخبط راسي في الحيط .
28- تعقيبا ل 27 في صداع أسموا cluster headaches وده بيجي للمدخنين وعلاجه اكسجين
29- فيروس الكبد A بيتنقل بالأكل
و B,C بالدم والعلاقة الجنسيه والادوات الغير معقمة و B أغلس من C جدا .
30 - اي واحده عندها حد في عيلتها اتشخص ورم في الثدي لازم تشيك دوريا ??????
31- مش كل حراره يتاخدلها مضاد حيوي ، الفيروسات مش علاجها مضاد ( شير في الخير ) ??
32- قزازه الخافض ( البرلفجان ) = حبايتين بنادول بس في الوريد اه والنعمه
33 - الزغطه ليها أسباب علميه مش ان الواد اتخض والهتش ده ، ممكن بكون التهاب في المعده او تهيج في الحجاب الحاجز ...
34- دوا الكحه مش بيوقف الكحه ابسلوتلي ده طارد للبلغم و بيخففوا فا ياهيزود الكحه يا هيخليها زي ما هيه
35- حرقان الصدر وريحه البق الوحشه وتآكل الأسنان و وجع فم المعده ده من كتر المسبك والمقلي في الزيت والدهون فا المعده والمرئ اتحرقوا . ????
36- الكحه والبلغم والحرارة وضيق النفس ده التهاب في الصدر متستجدعش وتقول جسمي هيقاوم و هيخف لا انت هتقلب بالتهاب رئوي و تتلسوع حقن مضاد يا ناصح
37 - بلاش ونبي اسئله انا سكري مش مظبوط مع اني منتظم علي الدوا لأ حضرتك صينية البسبوسهً دي ولا يفرق معاها اي دوا
38- متعصبه ، مش طايقه الحر و بتخسي وحاسه بضربات قلبك سريه ----> تحليل غده او فوق ال 40-45 ....
39- علاج ارتفاع الكوليسترول والدهون الثلاثيه مش رفاهيه والله ده هيحميك من تصلب الشرايين والجلطات ياوحشً ??????
40 - الاكل الصحي والرياضة علاج كل دا
_________________
مولاي صل وسلم دائما أبداعلى حبيبك خير الخلق كلهم
اللهم صل على هذا النبى الأمين وأجعلنا من خاصة المقربين لديه السعداء وعلى آله وسلم حق قدره ومقداره العظيم
|
المنتدى
التسجيل
الأسئلة المتكررة
بحث
