موقع د. محمود صبيح

مدد يا مولانا ياحسين***مدد يا ابو زين العابدين

مدد مدد*مدد مدد

مدد يا مولانا يا حسين



حديث لجدك طمنى ...بذكره حافضل متهنى
أنا من الحسين و حسين منى***مين اللى ينكر فضلك مين


شبه الحبيب أصل وصورة***به المناقب مشهورة
علشان كده على المقصورة***أمم تروح وأمم جايين


كل الوفود جاية وهلا ***من نور حبيبها بتتملى
لما النبى سره تجلى ***اتهنت الروح ويا العين


سؤال لجدك طمنى***عند المقام أنا مستنى
كاس الوصال وتشربنى *** ده المغرمين ع الباب واقفين


شهيد وسيد للشهداء***والعاشقين هم السعداء
والمحرومين هم البعداء***وربنا يهدى الضالين


لك فى الكرم آية وآية ** والعلم لك رفع الراية
والجنة كانت لك غاية ** مع رضا رب العالمين


الطهر وافر فى الأركان ** والمسك عطر كل مكان
مش فاضل الا نشوف رضوان ** على الباب يرحب بالزائرين


محاسيب بعطفك مشمولة *** بالأخرى فازوا وبالأولى
دي الدعوة عندك مقبولة *** يقبلها ربى من السائلين


والسر ساري والأنوار *** والفيض دة نازل ليل ونهار
سيدنا الحسين سبط المختار *** بطل من الغر الميامين


يا سيد شباب أهل الجنة*** رشيد وسيرتك تحلى لنا
يا ابن النبي كل أملنا*** نكون بوصلك متباركين


رباك بايده رسول الله*** فتحت عينك على رؤياه
رعاك وكنت تملي معاه***والمصطفى في رعايته أمين


سيدنا الحسن ابن الزهراء***نسل الامام ابن الطاهرة
استحلفك بالله نظرة***يا ابن بنت رسول الله


ستى الكريمة بنت الزهراء***نسل الامام نظرة يا طاهرة
استحلفك بالله نظرة***يا بنت بنت رسول الله


باب العلوم نظرة يا غالى*** عالى المقام يا امام عالى
يا اهل الرضا انظروا حالى***ياال بيت رسول الله