ينفرد موقع «مبتدا»، بنشر الكلمات الكاملة لأغنية "ابن الشهيد" التي أثرت
في المشير عبد الفتاح السيسي وزير الدفاع، والرئيس عدلي منصور لدرجة البكاء.
وكانت كلمات الأغنية كالتالي
احب اعرف الجميع واديكوا نبذة عن حياته،
ليا الشرف والدى الشهيد اللي افتخر بإنجازاته...
في عز ليله كان بينزل للدفاع عن كل شبر ف الوطن و باستماته...
عرض حياته الف مرة للضياع مايستاهلش كره ابدا او شماته...
واحب افكركم جميعا لو نسيتوا...
اللى اتحرم دلوقتى منه اهل بيته...
وعشان امنا بالقدر وبالشهادة...
قلنا العمل لاجل الوطن افضل عبادة...
ايوة العمل لاجل الوطن افضل عبادة...
اللهم لا اعتراض اكيد حاجه مكتوباله...
انا هبقى زيه موش هخاف وح اكمل المشوار بداله .
كان قد استهل الطفل سيف مجدي بهذه الأغنية في حفل القوات المسلحة بالذكرى الثالثة لثورة 25 يناير، والتي أقيمت الأسبوع الماضي بنادي الجلاء التابع للقوات المسلحة.
وأغنية أبن الشهيد من كلمات تامر يس، وتوزيع أحمد الموجي، وهندسة صوتية ياسر أنور، والحان الفنان عمرو مصطفى، وغناء الطفل المعجزة سيف مجدي.
و ظهر الطفل متأثرًا بالأغنية لدرجة البكاء، في الحفل الذي قام مبتدا بتغطيته بصورة حصرية.
جدير بالذكر أن أغنية ابن الشهيد ، والتي أداها الطفل سيف الله مجدي باحتفال القوات المسلحة بالذكرى الثالثة لثورة 25 يناير؛ نسب مشاهدة عالية على موقع يوتيوب .
حيث كانت نسبة المشاهدة المرتفعة سببها بكاء سيف الله أثناء تقديمه الأغنية في مشهد انسحب تأثيره على جموع الحاضرين قاعة مسرح الجلاء؛ لينفعل الجميع بكلمات الأغنية المؤثرة، التي توضح فخر ابن الشهيد بوالده، الذي ضحى بحياته من أجل رفعة وطنه وأمان شعبه.
لما يبقى فيه حد من أول ميلاده يسألوه نفسك في ايه .. ؟؟ يقول لهم " نفسي ابقى ضابط " أيوة كان باين عليه نفسه يخدم مصر يفديها بروحه كان يلم عيال صحابه قوام يروحوا بعد ما ياخدوا العديّة يشتريله بدنقيّة يزحفوا على الأرض قال يعني يحارب يكبروا الأولاد و تكبر فيه القضيّة يسألوه نفسك في ايه يقول لهم " نفسي ابقى ضابط " ياخده ابوه من ايده و يسلّم عليه مصر لو عايزاك توكّل شوف بقالي سنين باوكّل فيك و اربّي روح انا استودعت ربّي فيك و لاخواتك مثل روح يا واد الله يعينك روح يا واد و ارجع بطل الولد كات مُتَوقّع انه زي ما راح هيرجع و انّه لمّا يموت هيبقى اللي قتله من الأجانب من الصهاينة عمره ما كان متوقع تيجي ضربة غدر خاينة و اللي أصعب من الأجانب الديابة في كُل جانب هُمّا ماسموش عليه مصر وقفت ليه تسمّي قال لها يا مصر قومي ارسمي عَلَمِك بدمّي احضني المرّة الأخيرة موتي ولا تبقي اسيرة احضنيني اوي يا أمي احضنيني كأني عيّل عمره ما كان مُتَخَيّل ان ناس تفرح في موته يس صوته و هو بيقول الشهادة هو دة اللي اتمني يحصل حلمه من ساعة الولادة ! يا بلادي ما دام هاموت يبقى اموتلِك يا بلادي ماتزعليش من مشاكلك روحي شكلك واسعة ..طاهرة .. شايفة بُكرة هابقى ذكرى و انتي فاكرة هابقى سيرة و تفضلي مصر الكبيرة هابقى صورة بالشريطة و تفضلي مصر البسيطة اللي بتودّع ولادها زفّة في كُل الشوارع و الأمل في عينينا رابِط و اسألوا ابنه اللي طالع نفسك ايه هايقول لكم " نفسي ابقى ضابط " ! ....
المستخدمون المتصفحون لهذا المنتدى: لا يوجد أعضاء مسجلين متصلين و 5 زائر/زوار
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
المنتدى
التسجيل
الأسئلة المتكررة
بحث
