نبذة عن الكتاب
الكتاب دا يا جماعة حرام يتحط في مكتبة , المفروض يتحط في متحف و الله . الكتاب بأختصار عبارة عن موسوعة , كتاب دراسي , كتاب عادي في بعض !
الكتاب بيبدأ بمقدمة بيشرحلك فيها أيه هي الرياضيات و أهم فروعها و أهميتها و مين اللي طورها و تاريخها . بعد كدة بيبدأ يشرح ال concepts بتاعة الماث بشكل عميق بس المذهل حرفيا و اللي مخلي المجلات العلمية و الجمعيات الرياضية و حتي المشترين يكتبوا شعر في الكتاب دا أن ال editors اللي كاتبينه مخليين كل حاجة بسيطة جدا لدرجة أي حد معاه ثانوي يقدر يفهم الكلام دا .
بعد كدة بيبدأ يشرح أهم النظريات في الرياضيات الحديثة و المشاكل و الأفكار و غيره و بشكل واضح برضه .بعدين بيديك فكرة عن أهم علماء الرياضيات و إنجازاتهم و أفكارهم و بعد ما تبقي فهمت بجد يعني أيه رياضيات بيختملك بالتطبيقات بتاعة الرياضيات و أهميتها .
الكتاب ينفع أي حد من ثانوي أو جامعة أو حتي دكتور جامعة . لو بتحب الرياضيات و واخدها هواية أو بتدرسها و عايز تفهمها بشكل قوي و بجد و أعمل حسابك أن الكتاب تقيل و محتاج شغل . الكتاب دا ليك لأني من وسط عشرات الكتب مشوفتش كتاب simple و comprehensive بالشكل دا .
Mohamed Amin
هل نجد ترجمة له فى طبعة دراسية وشعبية قريبا التعليم فى مصر خاصة العلوم حتى الآن شئ غير قابل للاستهلاك الآدمى
