معابر غزه والخلاصه حولها

ابن الزهراء · **مرسل:** الأربعاء يوليو 23, 2014 6:10 pm

الخلاصة للي عايز يفهم الموضوع بجد مش هبل إعلام وترديد بغبغنات وخلاص!
------------------------

لماذا غزة !؟ .. و لماذا رفح !؟ .. و لماذا مصر !!؟
----------------------------------------

زي ما اتعودنا ان تأصيل الامور بعيدا عن الانفعالات مهم جدا و منه بنعرف ايه القصة و إييه اللى حيحصل .... بالراحه كدة و واحدة واحدة ...

ليه دايما معبر رفح ؟؟؟؟ و ليه مفيش كلام عن أي معابر من الــ 6 معابر الاخري ؟؟؟؟ و ليه رفح معبر للاشخاص فقط و ليس للبضائع ؟؟؟ و ليه مفيش غير معبر واحد و ليه مانفرجهاش على الفلسطينيين بــ عشرة و إلّا عشرين معبر ؟؟؟؟ و لأن الحداية مش بتحدّف كتاكيت .... ليه أصلا حصل الانسحاب الاسرائيلي من غزة ؟؟؟؟ و إزاي ده في صالح اسرائيل ؟؟؟؟؟ و ليه أصلا القضية الفلسطينية طوال 8 أعوام قد تم إختزالها في غزة و معبر رفح و محدش دلوقتي بيتكلم لا عن القدس و لا عن حق العوده ( كله اتنسى ) ؟؟؟؟؟

لو جاوبت على الاسئلة دي حتعرف أد إييه مصر تحملت مسؤلياتها و بــ تحافظ لــ ناس غير مسؤولة و مش فارقة معاها قضيتها عن أرضها و أد إييه مصر اتحملت بذاءات و قذارات كتير جدا علشان فلسطين سواء من الاخوان اللى ساكنين في مصر و غزة أو من النوشتاء و مدعي السياسة.

• فلسطين و شعبها وضعهم القانوني انها بلد و شعب مُحتَل.... و تبعا لقرارات الامم المتحدة فإن الوضع القانوني لإسرائيل هي دولة الاحتلال.

• طبقاً لهذا الوضع فــ إسرائيل ملزمة و بالقانون الدولي إنها تمد شعوب الاراضي التي تحتلها بكل وسائل الحياه من كهرباء و مياه و صرف صحي و أمن و مواد غذائية و حياتية و .... و ..... الخ.

• إسرائيل تريد استكمال دولتهم اليهودية الهوية و طرد كل ما هو عربي منها ..... فبعد ما كان العرب يتحدثون عن 60% من الارض ... نجحت اسرائيل في الاستيلاء و تهويد معظم الاراضي و تقلّصت النسبة يوما بعد يوم الى أن وصلت الى أقل من 22% و أعتقد على الارض ممكن تكون وصلت الان الى أقل من 11%.

• طبقا لنظرية قسّم المتقسّم و إتسلّي عليه براحتك .. قامت اسرائيل بإنسحاب أحادي الجانب من غزة و قالوا لهم دبرّوا حالكم يا حلوين ..... و مصر فهمت المخطط جيداً .... لأن الهدف المستقبلي كان دفع الكتلة السكانية لاحقا الى داخل سيناء.

• قامت مصر بالتفاوض مع رئيس السلطه الفلسطينيه (الممثل الشرعي للفلسطينيين ) و اسرائيل على موضوع المعابر و طبعاً بمنتهي الخباثة طلبت إسرائيل من مصر إنشاء معابر مع غزه و ان تكون مخصصة لنقل البضائع و هو ما رفضته مصر تماما .... ليه ؟؟؟؟ ...... لان معني ده ان ممكن اسرائيل تقفل ال 6 معابر اللى عندها و تقولك خلاص جبرنا ، فوت علينا بكره .... و تنقل مسؤولية القطاع من أكل و شرب و كهرباء و طاقة و أمن و كل شىء الى مصر .... يعني من الاخر .... اسرائيل أخدت الارض و استولت عليها خالصة مخلّصة مشفية .... و صدرت لمصر الشعب الفلسطيني تتبناه بقي أكل و شرب و أمن و طاقه و .... و بعد شويه حتتزق الكتلة السكانية دي شوية شوية جوة سيناء و يا دار ما دخلك شر . و باي باي فلسطين خاااالص .

• مصر كانت حاسمة في موضوع معبر رفح إنه حــ يفضل معبر للافراد فقط و ليس منفذ دولي لاي نوع من البضائع او حتي للسيارات ، و ان يكون باشراف السلطة الفلسطينية و مصر ، و تحت مراقبة دولية و طلّعت اسرائيل خالص من المعبر .... إنت جاي تتخابث عليا يبقي تبعد بعيد ( الله يرحمك يا عمر سليمان ).

• قدمت حماس خدمة العمر لاسرائيل و قامت في 2007 بالإنفصال عن السلطة الفلسطينيه و قتلت 700 موظف حكومي و أمني من السلطه الفلسطينيه في يوم واحد و تم طرد المراقبين الدوليين من معبر رفح .... و أصبحت فلسطين بحكومتين و سلطتين أو بالأصح أصبحت دولتان عدوتان لبعض و متحاربتان .... يا فرحة اسرائيل ...
قتلت المعارضين وعلقت الرؤوس على المعابر والكباري ! ومن ساعتها أنقطعت العلاقة بين مصر وحماس... وتقدروا تراجعوا التاريخ برضه إنه توقفت كل العمليات النوعية للقسام! لأن جزء كبير منها كان بمساعدة حورس!

• أصبح الوضع القانوني لفلسطين عجيب .... فــ الرئيس الفلسطيني في الضفة كل ما يتكلم أو يأخذ موقف او اي مشاركة دولية بــ يتقال له "انت لا تعبر عن كل فلسطين" .... و أصبح رئيس سلطة غزة برضوا بــ يتقال له "انت لا تعبر عن كل فلسطين" .... و الــ 7 سنين اللى فاتوا هو عصر اسرائيل الذهبي في عمليات الاستيطان و التهويد اللى بتنفذ بمعدلات محمومة غير مسبوقة لان محدش فاضيلها لأن البهوات في فلسطين مش فاضيين و مخاصمين بعض و محدش بيسمع ليهم دولياً و لا خارجياً.

• نرجع تاني لمعبر رفح .... طلبت حماس من مصر فتح المعبر و إلغاء الاتفاقية الرباعية الموقعة بين مصر و فلسطين و إسرائيل و المجموعة الاوروبية و أن تقوم مصر بتوقيع إتفاقية جديدة مع غزة ( على اساس إنها بقت دولة ) تنص على تغيير وضع معبر رفح من مجرد معبر الى منفذ دولي تعبر من خلاله الافراد و البضائع كاي منفذ دولي بين دولتين.

• ده معناه إييه !!؟؟ .... بغض النظر إن ده تكريس للانقسام و إعطاء حماس وضع دولي و إعتراف بدولة جديدة و كل الكلام ده ، .... لكن كده إحنا بــ نضرّ بالأمن القومي المصري .... زي ما شرحنا قبل كده ... إسرائيل حــ تقفل المعابر عندها و تقولك أنا قفلت المعابر لأن انت عندك منفذ دولي .... عيش معاهم بقي و حلال عليك .

• طبعا لأن الكائن الاخواني بــ يتاجر بدمه و دم عياله كعادته .... كل سنتين يضغط على مصر بجثث الاطفال و النساء و الحرب و عدد المصابين و الجزيرة تشتغل و إسرائيل تزوّد العيار و بــ ترزع في المدنيين لإلحاق أكبر قدر ممكن من الإصابات و القتلي بوحشية .... و القنوات كلها تصوّر علشان يتصاعد الضغط على مصر لتحويل معبر رفح الى منفذ دولي .... عرفت بقي ليه كل مرة محدش بيتكلم علي إسرائيل و لا الحرب و لا القدس .... أهم حاجه معبر رفح ....

• مصر بتفتح معبر رفح و لكن للاشخاص فقط .... و المعبر بيفتح لأيام محددة أسبوعياً لتنقل الافراد ..... و بالرغم من كده يقولك المعبر مغلق .... لانه مش بــ يهمه الافراد .... هو عايز البضايع لتحويل الوضع القانوني للمعبر .... مع إن البضائع بيتم نقلها طوال الـ 7 سنوات السابقه عبر الـ 6 معابر الاخري من اسرائيل بكل حرية .... يعني عمرنا ما سمعنا عن مجاعة حصلت قبل كدة في غزة.

• بعد شوية يتم الضغط على القطاع بعمليات عسكرية و تهييج الناس على مصر فيقتحموا الحدود مع سيناء بمئات الالاف و يتم خلق وضع ديموجرافي جديد و يتم طرد سكان القطاع تحت سيل الضربات العسكرية إلى وطن بديل و تشيل بقي مصر غباء و عمالة و تآمر إخوان غزة .... لأنهم في سبيل إنقاذ تنظيمهم في مصر .... مش مشكلة فلسطين .... ولّع الدنيا و إضرب و إشتم في مصر.

• فتح معبر رفح للبضائع و التنقل بجواز سفر غزاوي يعني ضياع أرض فلسطين و ضياع القضية ..... و بالنسبة الينا .... كله الا سيناء .... و الشعب المصرى كله سيقف أمام أي شخص أو فصيل أو حتي دولة تفكر حتي في إستهداف حبة رمل من أرض مصر .... حتي لو كانت فلسطين نفسها .... أنا بقول الكلام ده علشان لو حماس إتجننت و حاولت تقتحم المعبر أو الحدود مرة تانية محدش منكم يتخضّ لو اتدبحوا كلهم ، أو من أعداد القتلي و يصعبوا عليكم .... إحنا دلوقتي بنتكلم على أرض سيناء .... أرض الوطن .

• وأخيرا مين المستفيد من المهزلة القائمة والتمثيلية!؟؟؟

قالك حماس وإسرائيل وافقوا على هدنة ٥ ساعات عشان الفلسطنيين يلحقوا يجيبوا المؤن ويدفنوا مئات القتلي ويعالجوا ألاف الجرحي!

وعشان إسرائيل برضه تلحق تصلح عدد ١٧ بلاطة رصيف مضلع و٢٤ بلاطة مشرشرة! و٥ متر مربع أسفلت! وعدد ٢ شجرة أتكسرت فروعهم جراء إطلاق أكثر من ٥٠٠ صاروخ من غزة!

للأسف إهانة لتاريخ المقاومة الفلسطينية!

والنتيجة أن أمريكا منحت نص مليار دولار دعم عسكري لأسرائيل لتقوية دفاعتها ضد الصواريخ! يعني حماس بتمشي لإسرائيل في كل أهدافها بإقتدار!

وبس يطلعوا يقولوا مصر بعتت لينا عذاء مسوس! والإمارات بعتت دكاترة يتجسسوا علينا!!

مصر اللي حارب ٤ حروب في الزمن المعاصر وقدمت فيهم ربع مليون شهيد! وحروبها في تاريخها كله لتحرير بيت المقدس! والإمارات اللي معندهاش سفارة لإسرائيل وطائراتها من أكبر شركات الطيران في العالم لا تعترف بإسرائيل على خرائطها ولا تهبط بها!

دول خائنين للقضية!

وواخدين من قطر قبلة! ومن تركيا إله من دون الله! وهي أو دولة إسلامية أعترفت بدولة إسرائيل! وهي من تمد الطائرات الإسرائيلية بالوقود! وأكبر دولة في المعاملات التجارية والعسكرية مع إسرائيل! وقطر مش محتاجين نتكلم عن قواعدها ومحبتها لإسرائيل!

سؤال على السريع :-
---------------------------
اسرائيل بعد إستهداف احمد ياسين و الرنتيسي و إغتيال جميع قادة حماس القدامي لم تستهدف يوما قادة حماس الجداد اللى قاموا بالانقلاب و تقسيم فلسطين في 2007 و سايباهم يتحركوا في حرية ... و شوف يا مؤمن الصدف .... كل أفعالهم تصب في صالح أهداف اسرائيل.

لماذا كل هذا الإهتمام بفتح المعبر من تركيا وحماس على حساب التهدئة وحقن الدماء؟؟؟!!!

ملحوظه:-
---------------
الصوره من استنفار الجيش المصري المصري عام ٢٠١٢... صورة أرشيفية للتوضيح فقط

-----------------

منقول من مصادر ومعدل عليه

https://www.facebook.com/photo.php?fbid ... 462&type=1

حامد الديب · **مرسل:** الأربعاء يوليو 23, 2014 7:55 pm

موضوع قيم وموفق بارك الله فيك

كثيرون للاسف - من الصفوه- لايعرفون ذلك

هذا الموضوع لهم لو كانوا يعقلون

موقع د. محمود صبيح

معابر غزه والخلاصه حولها

الموجودون الآن