مظهر شاهين: أنا رمز للنور

البخاري · **مرسل:** السبت يناير 31, 2015 9:03 am

بعد حضوره العرض الخاص لـ''هز وسط البلد''.. مظهر شاهين: أنا رمز للنور.

كتب- حسين الجندي:
دافع الإعلامي و الأزهري مظهر شاهين عن نفسه من الانتقادات والهجوم الذي وجه اليه بعدما حضر العرض الخاص للفيلم السينمائي ''هز وسط البلد'' هو ومجموعة من الفنانين.

وقال شاهين أثناء حديثه في برنامجه ''الطريق'' الذي يقوم بتقديمه علي شاشة قناة التحرير، مساء أمس الخميس، ''الناس اللي بينتقدوني فريقين، فريق عايز مصلحتي وشايف إن ماينفعش أحضر فيلم وشايف إني ماينفعش أعمل كده كداعية وشيخ، وهذا الفريق أنا أحترمه وأتقبل نقده جداً ونختلف في وجهات النظر لكن كل واحد حر في رأيه ويتمسك به''.

وتابع شاهين حديثه قائلاً: ''في فريق تاني لو عملت عمرة هينتقدني لو حجيت هينتقدني ولو حضرت مباراة كرة قدم هينتقدني، ده بيشتم على طول وهدفه الشتايم و البذاءات و قلة القيمة، أنا بعمل دايماً اللي أنا شايفه صح و مقتنع بيه، و اللي بعمله دلوقتي الناس هتعمل زيه بعد 100 سنة'' .

وأوضح: ''أنا مش شايف إن في تعارض بين الفن و الدين، الفن بيخدم البشرية إذا إستخدمناه صح، السينما مش حرام إذا أحسنا استخدامها، حضور الفيلم أو خلافه دي مسألة شخصية، و لو شوفتوا الفيلم هتغيروا رأيكو خالص، اسم الفيلم حاجة ومضمون الفيلم حاجة تانية''.

وأختتم قائلاً: ''اللي انتقدنى بمنتهى الأدب والاحترام، كلامك على راسي من فوق وأنا متمسك بموقفي تماماً، أما الذي ينتقدني بهدف الشتائم و البذاءات، كلامك تحت حذائي، الفرق بيني وبينكم إن اللي بيشتمني دلوقتي بعد شهرين تلاتة هيتفرج على الفيلم في التلفزيون، فأنا بعمل اللى مقتنع بيه أمام الناس كلها اللي بشوفه في بيتي بعمله في الشارع و بعمله في الجامع، أنا صريح، أنا مابخفش من حاجة بعملها، إنما انتوا بتعملوا زيي بس في الضلمة، هتتفرجوا عالفيلم بس في الضلمة وهتطلعوا للناس تحرموه، أنا رمز للنور و أنتم رمز للظلام''.

كان قد حضر العرض الخاص الاب بطرس دانيال رئيس المركز الكاثوليكي للسينما، والفنانة ليلي علوي، والفنانة انوشكا، وعدد كبير من الفنانين، وايطال العمل.

http://www.msn.com/ar-eg/entertainment/ ... id=U270DHP

حامد الديب · **مرسل:** السبت يناير 31, 2015 9:29 am

بغض النظر عن ان برومو الفيلم هاجمه الجميع لاحتوائه على .....

اين طيب الكلام مع المعرض للرأى ؟؟؟

وقبلها أين "اتقوا مواضع الشبهات " ؟؟؟؟

توهان X توهان

النيل الخالد · **مرسل:** السبت يناير 31, 2015 9:57 am

لو كان سكت ومردش كان بقى أحسن !!!
يمكن الأيام تثبت صدق ما يقوله أو العكس ! الله أعلم
لكن صمته كان حيبقى أبلغ تعبير عن رأيه فيما قالوه عنه !!!
وهذا هو الإستدراج الذى يقع الجميع فيه إلا مارحم ربى

موقع د. محمود صبيح

مظهر شاهين: أنا رمز للنور

الموجودون الآن