اشترك في: الثلاثاء ديسمبر 11, 2012 12:36 pm
مشاركات: 180
|
|
بسم الله الرحمن الرحيم والصلاة والسلام على رسول الله .. وبعد
منقول من احد الصفحات
هاااام جدا رجاء القراءة و التفكير بهدوء
صديقي عدو 30 يونيو
أنا مش عايزك تقلق من إندلاع الحرب العالمية الثالثة مطلقا.. لأنها بدأت فعلا و حضرتك نايم علي روحك.. حرب فريدة من نوعها بين المعسكر الشرقي متمثل في روسيا و الصين و كوريا و مصر و سوريا و غيرهم من جهة و أمريكا و اوروبا و إسرائيل و تركيا و قطر و غيرهم من جهة..
حرب مزجت لأول مرة في تاريخ البشرية بين نوعي الحروب المعروفة: الحرب الباردة و دي مسرحها غير محدود.. و إن كان مرتكز في الشرق الأوسط...
و الحرب الساخنة و المواجهات المباشرة و مسرحيها سوريا و سيناء بالتحديد...
راجع معايا و اربط توقيت الأحداث...
في غفلة من الزمن فيما بعد 25 يناير، انقسمت السودان.. طبعا دا مكانش علشان "حقوق الاقليات الغير مسلمة هناك تحت حكم البشير الشرير" زي ما فهموك.. البشير مش اقوى من صدام حسين اللي أمريكا دخلت جابته من قلب العراق...
طبعا دا أفقد الصين نفوذها اللي كان بدأ يتعاظم هناك.. و كانت بتبدأ تزحف زحف بطيء اقتصادي عن طريق شركات التعدين.. لما نجحت الخطة و انقسم السودان.. بدأ المعسكر الغربي ينطلق علشان يكمل الخطة.. فقرر انها لازم تنقسم كذلك إلي "شمال و جنوب" و "دارفور".. و دا يديله سيطرة علي البحر الأحمر من ناحية الجنوب...
طبعا ثورة السودان بدأ قمعها فوراً و نافذتك الإعلامية المفضلة؛ الجزيرة "الثورية المحايدة المهنية اللطيفة" منقلتش عنها خبر واحد..
الأنظار متجهة مبدئياً إلي قاعدة روسيا في طرطوس - سوريا.. كعقبة مهمة...
فلاديمير بوتين ظهر وقتها بقوة كنجم إعلامي.. أكيد هو مش عايز يتشهر مثلا.. كانت رسالة محددة بتقول "أنا في الساحة.. و موجود.. و احنا علي الأرض"...
طبعا مينفعش تشيل قاعدة تابعة لدولة نووية بصدام مباشر.. بس تقدر تطلق خنازيرك المستترين زي "القاعدة" يخربوا البلد و تحت مسمى الثورة يطلع رئيس ثوري لاحقا يطرد السوفيت، أو يجيبلهم قاعدة أمريكية جنبهم...
لكن نظام الأسد صمد.. صمد بشكل فاق حتي توقعات الأمريكيين أنفسهم...
عرفت روسيا ان الأوان لم يفت بعد، فانطلقت تدعم النظام السوري بالسلاح.. و قررت هي كمان تدافع عن كيانها باي ثمن.. إسرائيل باتفاق أمريكي ضربت دمشق بالطيران وقتها
و لأن موسكو عارفة كويس إن الإدارة الأمريكية و اوروبا بكل ثقلها في سوريا.. و إن إسرائيل ممكن تقرفها في سوريا.. أطلقت الرئيس الكوري الشاب اللي حالق كابوريا بتصريحات اقل ما يقال عنها انها إعلان حرب.. الراجل هدد بضرب جارته و بضرب الولايات المتحدة نفسها في العمق...
تصريحات كوريا شغلت أجهزة مخابرات العالم الغربي كله.. دا كان فرصة ذهبية لبشار يلتقط أنفاسه.. بدأ فعلا يتقدم و يحقق انتصارات علي الأرض...
وقتها كانت الولايات قررت ان رئيس كوريا مجرد ولد عبيط.. فبدأت تستعد لجولة جديدة في سوريا.. و تدفق إلي سوريا العملاء من كل بقاع الأرض في حرب ضد النظام السوري.. لازم النظام السوري يسقط باي ثمن...
تساءلت حضرتك وقتها "لو مرسي خاين ليه الدولة سابته في الحكم سنة".. متساءلتش "لما شالته بعد سنة.. أنا عملت إيه"...
إجابة السؤال الأول.. لأن الحقيقة وقتها مكانش في اسرار ذات قيمة هو يعرفها.. اللعب بقي علي المكشوف بين أجهزة المخابرات في العالم أجمع.. لدرجة انك تمسك شبكة تجسس في مصر دا كان خبر عادي و مر مرور الكرام.. و إن "سنودن" بكل خطورته يبقي مجرد خبر في الصحف.. في حين ان "عزام عزام" وحده - في وقته - سبب حرج دولي بالغ لأسياده..
اللعب بقي علي المكشوف لدرجة أن أمريكا تحرك ناقلات طائرات في اتجاه سوريا فتقف لها المدمرات و الغواصات النووية الروسية تقطع الطريق في المتوسط في رسالة صامتة وصلت للكل.. و اضطرت القطع الأمريكية للإنسحاب.. ووجه أوباما دعوة لبوتين "تعال نتكلم"...
تطورات مذهلة.. و انت طبعا مش هنا.. يا إما في وهم الخلافة أو مشغول بالسؤالين السرمديين اللذان حيّرا خبراء عقاقير الهلوسة "هو البوب فين".. و "ابو الفتوح إخوان و للا لأ"...
وقتها مرسي علي الهواء مباشرة قال تصريح في غاية الخطورة..
"لبيك يا سورية"...
سورية بالذات.. مش "لبيك يا فلسطين" و للا "يا سودان".. لأ هي سوريا.. و طبعا القاهرة و دمشق مش بعيد عن صواريخ بعض.. و من رحمة ربنا إنهم حلفاء.. طبعا "لبيك يا سورية" لا تشير إلي أن الرئيس المؤمن مرسي كان رايح يحج في دمشق.. دي إشارة واضحة تماما لعمل عسكري ضد نظام الأسد...
و بالتالي لما الجيشين المصري و السوري يدمروا بعض.. و يفضلوا يطحنوا بعض علي الحدود كل يوم.. دي فرصة لا تعوض لتشكيل الحرس الثوري "علي فكرة هو اشار بوضوح للجزئية دي في برنامج الـ100 يوم تحت مسمي لجان شعبية لحفظ الأمن"...
دا لو نجح يمنح للمعسكر الغربي سيطرة علي البحر الأحمر من الشمال، غير المتوسط بالكامل و قناة السويس
وقتها طبعا مفيش مصر.. و مفيش سوريا...
في الوقت دا حصلت ثورة 30/6... و قلبت الموازين تماما...
و عشان متتدخلش أمريكا في 30/6 عملت روسيا علي انقلاب عسكري محدود في قطر.. و شوية مشاكل لأنقرة مع الأكراد.. و هدد نظام الاسد علانية ان أنقرة مش بعيد عن مخالبه...
علشان أمريكا تقفل الرقعة دي لأطول وقت ممكن غيرت النظام القطري متمثل في حمد، ووضعت ابنه مكانه.. و سحب أروغان قرار هدم الحديقة و قرار حظر الخمور و استجاب لكل مطالب الشارع فجأة.. بعدما كان بيضربه بالرصاص و رافض التراجع و بيهدد بحشد مقابل...
إندلعت ثورة 30..
و في ذات الوقت تقريبا.. حصل توريد و تركيب لحائط دفاع جوي روسي في سوريا و تم اعلان الخبر...
نجحت ثورة 30 (اللي علشان انت في عالم آخر مش دريان بكل دا متصور انها ثورة مضادة ضد جهودك العظيمة اللي الناس كفرت بسببها خلال 3 سنوات).. و فقد المعسكر الغربي قطعة في غاية الأهمية علي الرقعة..
بدأت خطة الحرق.. سيناء في حجم دولة و هم عايزنها.. و لو مش حياخدوها محبة.. حياخدوها بالقوة.. و مصر لو مش حتتقسم بهدوء.. تتقسم بالقوة...
الطريف ان خطتهم دي منحت سوريا مجال أوسع لالتقاط الأنفاس ووزعت الجهود علي الجيش السوري و المصري .. و تقدم بشار علي الأرض بقوة و استرد قري و مدن خارجة عن السيطرة...
بدأ الخليج يستشعر انها فرصة للخروج من التبعية الأمريكية زي ما خرجنا منها.. لأن مع مزايا التبعية.. يوجد تهديد دائم مستمر.. فدعم ثورة 30، لكن الأوان كان قد فات للنظام السعودي لأنه غاص في الأزمة السورية حتى العنق.. و مع ذلك جاهد للخلاص و حاول يرتمي في أحضان المعسكر الشرقي..
بدأت الصين و روسيا تقرب من المصريين و بيغازلوهم لوضع قواعد علي أرض مصر.. و ردت مصر انه "لحين ما نفكر في الموضوع.. ابنوا لينا مصانع سلاح"...
قررت الصين تبني حائط دفاع جوي آخر في منطقة متنازع عليها مع اليابان.. أكيد الصين مكتشفتش المنطقة دي فجأة.. بس دا شغل الولايات المتحدة جدا...
إكتشفت أمريكا فجأة إن الإيرانيين "أعداء السامية ولاد الـ.... اللي مبيراعوش حقوق الإنسان و بيقطعوا إيد البشر.. القمعيين الخونة الأوغاد".. اصبحوا ناس طيبين و كيوت و حبوبين و لذاذ جدا و قررت تعمل معاهم اتفاقيات و نمد ايدينا لبعضينا...
كأن أمريكا اكتشفت وجود إيران فجأة...
طبعا دا تمهيد لحرب "سنية - شيعية" لو تعقدت الأمور... و الغالب انه لن تنفع علي الساحة هذه الدروشة...
ايضا هي دي رسالة تهديد للخليج و محاولة في نفس الوقت للتخفيف من الدعم الإيراني لسوريا...
قررت أمريكا انها تشغل روسيا فاندلعت المشكلة الأوكرانية.. فقررت روسيا انها ترد عن طريق النظام الشيشاني الحليف.. و أعلن "رمضان قديروف" انه بيعدّ قوات كوماندوز لإرسالها إلي سوريا...
و لأنها مش لعبة شطرنج و لا حرب تقليدية.. فمفيش مانع إن أي خصم يلعب مرتين ورا بعض.. أو يحرك قطعتين ورا بعض.. لكن بحرص شديد.. عشان متشتعلش الأمور لمواجهة مباشرة بين دول نووية...
حرب عالمية ثالثة بشقيها علي الأرض و محدش عارف الحركة القادمة لمن...
و انت في عالم آخر...
مجرد خواطر.. قد تكون مبالغة...
و ربما لا...
فكر فيها...
إن أمكن رابط الصفحة
|
|
المنتدى
التسجيل
الأسئلة المتكررة
بحث
