الحملات الصليبية الجديدة

أحمد ماهرالبدوى · **مرسل:** الجمعة مارس 28, 2025 5:30 pm

البعض فاكر ان وشم وزير الدفاع الأمريكي مجرد وشم ولا اهو مختل راخر.. لكن من يقرأ كتبه وسيرته يعرف انه توليه وزارة الدفاع الامريكية امر في منتهى الخطورة..
بيت هيجسيث اصدر سنة 2020 كتاب بعنوان "الحملة الصليبية الامريكية.. معركتنا من اجل الحرية"
American Crusade: Our Fight to Stay Free
الحملة دي لازم تبقا ضد الإسلام واليسار .. مش الإسلاميين ولا حتى المسلمين.. لا .. حملة صليبية ضد الإسلام.. قضى فترة جيشه العراق وأفغانستان ومع المعتقلين المسلمين في جوانتانامو وراجع لنا حاطط وشم على ايده ايوا انا كافر وانتوا لازم يتعمل عليكم حملة صليبية..
هيثسيث في كتابه استخدم مصطلح الكفار كتير بس المفارقة انه بيقول ان العولمة والاشتراكية والنسوية والتقدمية والترانس والريمبو بيشوفوا القومية والقومية الامريكية انهم كفار وانه لازم الأمريكي الوطني يفهم كدا ويفهم انه كافر في نظر الناس دي
هيجسيث في كتابه قال ان الإسلام ابعد ما يكون عن انه يبقا دين السلام، والدول الإسلامية بالكامل محظورة على المسيحين واليهود .. بيقصد انه محظور يدخلها مسيحين او يهود .. شوف التخريف يعني دا كل الدول الإسلامية فيها مسيحيين وبعضهم فيهم يهود دى دمشق اللى فيها الجولاني فيها يهود .. وأفغانستان فيها يهود دي ايران الخميني فيها يهود لحد النهادرة..
هيثسيث بيقول ان الإسلاميين بيخططوا لغزو الغرب وبيوظفوا العلمانية والليبرالية والديموقراطية للوصول للحكم وانه زي ما المسيحيين من الف سنة اضطروا يحاربوا بحملات صليبية فان الجيش الأمريكي اليوم هو حامي الدين المسيحي اللى لازم يتحرك لحماية الامة اليهودية المسيحية
هيثسيث قال ان الهجرة معانها الاستيلاء السلمي للإسلاميين على بلد غير مسلم.. هي استعمار ثقافي وسياسي وفى نهاية المطاف استعمار ديني ..
بيت هيجسيث هو اول مسؤول امريكي في التاريخ يدعو علنا لاستئناف الحملات الصليبية عبر الولايات المتحدة الامريكية، صحيح جورج بوش الابن لمح الى ان حروبه على العراق وأفغانستان كانت حملات صليبية بس رجع واعتذر .. لكن بيت هيجسيث بيطالب بدا علنا في كتابه وفى الوشم اللى بيشهره في وش الجميع.. لا اقصد الوشم اللى مكتوب بالعربي كافر ولكن الوشح المكتوب باللاتيني .. دي .. كلمة باللغة اللاتينية معناها "الله يريد ذلك" .. بس اللوجو دا وطريقة الكتابة واللغة في ثقافة الغرب تعود ل الحملات الصليبية الأوروبية على بلاد المسلمين .. في الثقافة الغربية دا معناها في العصر الحديث انا مؤيد للحملات الصليبية وادعو لاستئناف الحملات الصليبية على المسلمين.
اليمين القومي الحديث في الغرب اقتبسها من اليمين الديني المسيحي.. والبعض بيتكلم انها من تراث تنظيم فرسان الهيكل وفرسان القبر المقدس.. وانه دي بتبقا إشارة الى انه الشخص دا يتبع أفكار فرسان الهيكل في العصر الحديث..
السؤال اللى لازم نسأله هنا .. هو مجرد مسؤول؟ ولا مقاتل صليبي في ثوب عسكري؟
إيه اللي جاب راجل بيفكر بعقلية الحروب الصليبية لقيادة الجيش الأقوى في الغرب؟
هل هي مجرد صدفة؟ ولا جزء من خطة أكبر بدأت من زمان؟
أمريكا بتدخل في صراع عالمي، ووزير دفاعها بيحلم بحملة صليبية جديدة.. فهل هو مجرد متطرف؟ ولا ده الوجه الحقيقي لصناع القرار في واشنطن؟
في كتابه التاني بعنوان "الحرب على المحاربين: وراء خيانة الرجال الذين يحفظون حريتنا"
The War on Warriors: Behind the Betrayal of the Men Who Keep Us Free
شايف انه موبقات العولمة والصوابية لما تم تطبيقها داخل الجيش الأمريكي دا يعتبر خيانة للجيش ورجالاته .. اللى حصل ف سنوات أوباما – بايدن .. انه تمت ترقية مئات الضباط لاسباب عرقية او جندارية بحتة، كوتة الريمبو والترانسات..
شافوا ضابط لابس جيبة ف صعدوه عشان يبقا اول جنرال عابر ..
ع اول جنرال مثلي
ع اول جنرال ريمبو
ع اول جنرال ثنائي الميول
ع اول جنرال مدوحس
ومبقاش جيش نظامي دا بقا الاوبرج .. بقا جيش الصوابية..
ف ترامب ناوي يطهر الجيش الأمريكي من اللامؤخذات..
ودا كان سبب اختيار بيت هيجسيث وزيرا للدفاع .. هو انه الضابط الوحيد المقرب من ترامب اللى متفق معاه في أهمية هيكلة البنتاجون وتطهيره من موبقات العولمة والصوابية.. الجيوش اللى يبقا معيار الترقي فيها كوتة عرقية وأول ابيض وأول اسمر وأول لاتيني وأول ست دى مش جيوش دى مجلس محلي.
طيب بيت هيجسيث له تاريخ عسكري قوي؟ الإجابة لا .. خدم في الجيش في أفغانستان ثم العراق ثم معتقل جوانانمو .. بعدها من سنة 2018 بدأ يبقا مقدم برامج في فوكس نيوز، لم يكن لديه اى منجز عسكري يذكر، بل فصل من الخدمة بسبب الشعار اللاتيني اللى ضاربه على دراعه، وحينما خرج من الخدمة العسكرية ايضاً لم يكن له خطوات سياسية او اعلامية تذكر، فشل فى الظفر ببطاقة الحزب الجمهوري لخوض انتخابات مجلس الشيوخ نوفمبر 2012، منجزه الوحيد هو انه من الاعلاميين الذين دعموا ترامب بشكل متواصل منذ عام 2016، وحتى فى هذا الصدد فأن ترامب لم يكن مرشحه الاول، فقد دعم اولاً ماركو روبيو ، ثم تيد كروز، وفي النهاية دونالد ترامب!
النظر الى الاعمال العسكرية الامريكية باعتبارها حملات صليبية امر لا يتعلق بجورج بوش الابن او بيت هيجسيث، ولكن بدأ قديماً، الرئيس الأمريكي دوايت ايزنهاور لما اصدر مذكراته عن قيادته للحملة الغربية على المانيا النازية في ختام الحرب العالمية الثانية كان عنوان الكتاب "الحملة الصليبية في أوروبا"
Crusade in Europe
الصادر سنة 1948، وكان منطق الجنرال ايزنهاور ان الايدولوجيات النازية الألمانية والفاشية الإيطالية وحتى العسكرية اليابانية هي فاشيات ملحدة وان الغرب المؤمن المسيحي كان يطهر أوروبا من الملاحدة.
الفكر الصليبي عموماً حاضر في كل أفكار اليمين الغربي، سواء اليمين المحافظ او اليمين القومي.
https://www.facebook.com/share/164oWedLXm/

msobieh · **مرسل:** الجمعة مارس 28, 2025 9:35 pm

مش عارف مخدتش بالي واللا ايه؟

الكاتب مذكرش إن الوشم مكتوب:

بالعربية

كتب كلمة:

كافر

الناس ده بتؤمن بالدجال صرف

وليس غيره

افتح القوس مع ايلون ماسك وحط وزير الدفاع الأمريكي

حتى لا أحرم · **مرسل:** الجمعة مارس 28, 2025 9:37 pm

نسأل الله العفو والعافية

موقع د. محمود صبيح

الحملات الصليبية الجديدة

الموجودون الآن