فى كوميك مستفز و دمه تقيل ظهر الايام دى مع الاحداث التى تمر بها فرنسا !!
بيقولك إيه بقى .. اللى بياكلوا كرواسون ارجل من اللى بياكلوا فول و طعميه !!
طبعا بيقود الكوميكس الغبى ده .. الصفحات إياها و النكسجية و الثورجية !! بإعتبار مقياس الرجولة عندهم مرتبطة بالخراب و الحرق و التكسير و الفوضى !!
تعالى اقولك رجولة الفول و الطعميه عملت إيه !!
الفول و الطعميه خلونا ننزل فى ذروة الشتاء نحمى بلدنا فى يناير الاسود فى 2011 ..
الفول و الطعميه خلونا ننزل نحمى بلدنا فى 30 يونيو ..
الفول و الطعميه خلوا الجندى المصرى يحضن الارهابى و يموت معاه ..
الفول و الطعميه خلوا مواطن مصرى عمره خمسين عاما يواجه إرهابى مسلح فى حلوان و خد منه السلاح !!
الفول و الطعميه خلونا نربط على بطونا و جيوبنا عشان بلدنا فى ازمتها الاقتصاديه !!
الفول و الطعميه خلوا والد شهيد يقول مستعد اقدم ابنى الثانى لمصر ..
الفول و الطعميه خلوا جنودنا يقتحموا جبل الحلال و يقوموا بحرب غاشمه ضد الارهاب فى سيناء ..
الفول و الطعميه منعوا الدواعش و التنظيمات الارهابية يقربوا من المدن المصرية .. أخرهم كان ع الحدود و بيتم التعامل معاهم بكل قوة ..
الفول و الطعميه خلونا شايلين بلدنا تمن سنين بكل معاناتها و ظروفها الصعبه حتى مع بعض الشكاوى من البعض و لكن فى النهاية متحملين !!
الفول و الطعميه خلونا الدولة الوحيدة الناجيه من الربيع العربى الاسود !!
الفول و الطعميه اجبروا العالم على احترامنا و خلاهم يفكروا مليون مرة قبل ما يقربوا مننا ..
الفول و الطعميه خلوا لحمنا مر .. و اللى يقرب منها نشيلوا من على وش الارض !!
الفول و الطعميه خلوا اهل الشر يغلبوا فينا و يحتاروا فينا !!
انتوا إيه .. سبع تمن سنين بنوقع فيكم و مش عاوزين تقعوا !!
الفول و الطعميه خلونا ميقدرش علينا غير ربنا !!
قال كرواسون قال !!