أخى الدكتور حامد الديب الموضوع ده لما قراته فكرنى برؤيا كنت رأيتها وعمرى 10 سنين يعنى اكتر من 20سنة المهم الرؤيا دى معناها ان التابوت مش واحد بس ومش لازم يعنى يكون تابوت مادى ملموس قصادك سيادتك تعرف ان تابوت السكينة يخص المهدى فهو المبشر باستخراج التابوت ده حسب بعض الاحاديث المهم هتفهم قصدى لما انقل تعبير رؤيا التابوت فى الرؤيا عند بعض المعبرين او المشايخ:
دية
فإن رأى الإنسان أنه في تابوت نال سلطاناً، وقيل إن صاحب هذه الرؤيا خائف من عدو وعاجز عن معاداته، وهذه الرؤية دليل الفرج، والنجاة من شر. وقيل إن رأى هذه الرؤيا من كان له غائب قدم عليه.
ومن رأى: كأنه على تابوت فإنه يعافي من خصومة، وسينال الظفر، ويصل إلى المراد.
ومن رأى: أنه أعطي تابوتاً رزق علماً وحلما، وسكينة ووقار، والتابوت في المنام يدل على الهم والنكد، وتابوت الطحان تدل رؤيته على الحاكم الفاصل بين الحق والباطل، كما تدل رؤيته على العلم والهداية.
يعنى هنا أكتر من تابوت ممكن يناله الانسان تابوت الملك أو تابوت العلم او تابوت الظفر والفرج او تابوت الهم أو ......ولكنها توابيت فى علم الله من مشيئة الله وليست توابيت مادية مثل تابوت السكينة
اما الرؤيا فكانت انى رايت وكانى اقف داخل الكعبة لكن لا تشبه الكعبة من الداخل كما هى الان عبارة عن حجرة بسيطة غير مزخرفة وبها عامود واحد ضخم يشغل معظم الحجرة على عكس الكعبة الان من الداخل بها ثلاث أعمدة وكان حول العامود الضخم توابيت عديدة مرصوصة بجانب الجدران بالطول متعامدة عليه وهى توابيت من الخشب كلها تشبه بعضها فتحت تابوت منهم وحاولت ادخل فيه وانى اقفل على نفسى فيه شفت الخيبة ههههههه المهم ظهرت سيدة اسمها ام محمد كانت بتخدم عند والدتى مسكت ايدى وخرجتنى منه قالت لى مش دلوقت وكان ليها ابن اسمه محمد قالت لى لما نشوف مين هيجيب درجات اعلى فى الامتحان انت ولا محمد وانا بعيد عن سيادتك اى منافسة بدخل فيها خسران هههه يبقى محمد اللى كسبان ههههه وبعد كده بصيت وشفت حولين الكعبة ناس كتير واقفين حوليها لكن مش بيملوا كل الصحن اللى حوليها يعنى توابيت حوالين العامود الضخم من الداخل وناس من بره وانتهت الرؤيا
بالنسبة لتابوت السكينة ليه بيخص المهدى حضرتك التابوت ده بيقال ان بداخلة التوراة والانجيل والواح سيدنا موسى وبالنسبة لنا كمسلمين فالقرآن كامل والرسول عليه الصلاة والسلام اتمم لنا الدين لكن المهدى حسب ما فهمت من الاحاديث او الروايات اللى قراتها انه يحتج بها على اليهود والنصارى فيسلم منهم عدد كبير لذلك تتضح الاهمية او الهدف من ظهوره على يد ولى الله المهدى .
ارجو انك تتقبل مرورى