الشرق الأوسط .. لعبة بنج بونج ... !!

عمرو أبوشادى · **مرسل:** الأحد أغسطس 23, 2015 10:51 pm

الصراع مشتعل بشكل فوق التصور .. والموقف أصبح أصعب من الموقف أيام الحرب الباردة فى القرن العشرين .. والجييم رايح جاى ، واللى بــ يقع مش بــ يقوم تانى !! .. عارفين لييه !!؟؟ .. لأن أيام الحرب الباردة ، كان الوضع العالمى مستقر .. صحيح كان فيه معسكرين متضادين ، لكن الصراع كان متكافئ وكل طرف عارف قوة الخصم وبيتحرك بمنهى الحذر .. وكان الهدف هو كسب أرض جديدة أو تحقيق الفوز فى جولة من الجولات على حساب الطرف الأخر ..
.
إنما دلوقتى الوضع مختلف لأن الحرب النهاردة هى حرب بقاء ، بين طرف عايز يستكمل سيطرته على العالم بالسيطرة على كل مصادر الثروة و إعادة رسم خريطة العالم لخدمة مخطط معين مرسوم من زمااااان .. ومن زمان أوى كمان .. وطرف رافض المخطط ، و بــ يسعى لتشكيل نظام عالمى جديد يقوم على أنقاض النظام القديم وعلى حساب بقائه وسطوته الدولية .. وبالتالى فــ الحرب دى ماينفعش يبقى فيها إتنين كسبانين ، ولا يبقى فيها حل وسط .. يعنى يا غالب ، يامغلوب !!!
.
المشكلة إن أرض الصراع المرة دى هى الشرق الأوسط .. وده طبعا مش وليد الصدفة ابداً .. وأظن إحنا إتكلمنا عن الموضوع ده كتير فى مقالاتنا عن خطوط الطاقة ، وإسرائيل الكبرى وعمليات فرض الإرادة .... وكلمة السر فى كل ده هى جحافل وطوائف التأسلم السياسى ، اللى تم إنشائها مخصوص علشان كدة !!
.
ضربة البداية كانت 30 يونيو اللى قلبت الترابيزة على دماغ الكل وضربت كرسى فى الكلوب ، وبوظت المخطط اللى إتصرف عليه مليارات ، ومش هــ ابالغ لو قلت ترليليونات ، .. بدايةً من سنة 1983 لغاية 2011 وما سمّي بالربيع العبرى ...
أخخخخخ .. ولا مؤاخذة معلش ..
قصدى الربيع العربى
.
الموضوع أصبح زى لعبة البنج بونج ، .. يعنى 30 يونيو تحصل .. فــ تظهر داعش .. روسيا تحط رجلها فى المنطقة .. فتولع أوكرانيا .. الخليج يساعد مصر .. فــ نحاول نهد أوبك ونطربقها على اللى فيها .. الخليج يصمد .. فــ نزغزغه من العراق .. نأسس لمشروع قناة السويس وللقوة العربية المشتركة .. فتولع اليمن ويتم تهديد باب المندب .. تحصل عاصفة الحزم .. فــ ييجى الإتفاق النووى الإيرانى ومعاه شوية عمليات إرهابية فى السعودية .. مصر تتوغل فى أفريقيا .. أوباما بزززاااااات نفسه يزور اثيوبيا والإتحاد الإفريقى .. مصر تفرم الإرهابيين فى سيناء .. فــ ييجى الإرهابيين من ليبيا ... مصر تضرب الإرهاب فى ليبيا .. فــ يلاعبك من أثيوبيا .. طب تقارب سعودى روسى وصفقات نووية وسلاح .. فــ نهز سوق البترول أكثر عن طريق إيران ونزعزع الموقف الإقتصادى للسعودية .. الملف السورى هــ يهدأ ويتحل .. طب نولعلهم لبنان ..... وهلم جرة
.
لكن الشئ الجميل إنك لو بصيت فى كل اللى بيحصل ده ، هــ تلاقى مصر لاعب أساسى فى كل التحركات ، .. و مش كدة وبس .. لكن ده مصر فى أحيان كتيرة بتغرد منفردة ، وبتحلق هناك بعيد ، و بتنجح فى فرض رؤيتها الخارجية وتوجهاتها بالنسبة لكل الملفات الشائكة فى المنطقة ، بعد ماخرجت من نطاق الهيمنة الأميريكية و التبعية للغرب برغم كل محاولات الضغط عليها من كل الإتجاهات ..
.
الرئيس السيسى فى روسيا بعد بكرة ، فى زيارة هــ يكون لها مردودها على السياسة الإقليمية والدولية وخصوصاً فيما يخص الملف السورى ، وكمان تأثيرها على الإقتصاد المصرى اللى اصبح على رأس الأولويات الملحة للرئيس السيسى وحكومته ، بعد أولويات تأمين مصر سياسياً وعسكرياً ضد مخططات إسقاطها ..

صفحة ‫#‏كلام_فى_الصميم‬

https://www.facebook.com/kalamfelsamim/ ... 83775156:0

حامد الديب · **مرسل:** الثلاثاء أغسطس 25, 2015 2:47 pm

ومن قال أنه كان هناك معسكرين من الأساس ؟؟؟؟؟

هى اشياء ضحك العالم الموحد الماسودجالى على عقول البشر وأفهمونا أن المعسكرين متضادين

قد يكون التضاد فى الظاهر واضحا وجليا

لكن فى الباطن ........................الهدف واحد ولايتغير والكل بيخدم عليه

ففى الوقت الذى تم فيه الترويج للرأسماليه فى الغرب وأمريكا ..كان هناك يهودى أّخر ينظّر للشيوعيه والاشتراكيه

فى روسيا والمعسكر الشرقى

سقطت الشيوعيه والنظام الاشتراكى والأّن سيسقط العالم الموحد النظام الرأسمالى بهيلمانه

وسيسود الفقر والجوع والعوز دولا كبيره وكثيره

شعلات الحروب والثورات يستعر اوارها الان على كل الجبهات

لعبه التوازنات الصوريه التى ابتكرها اليهود للسيطره على اقتصاد العالم

ومن ثم ذهب بابل ؟؟؟؟؟؟؟؟؟؟؟؟؟؟؟؟

سيمد به بساط طويل لاستقبال دجالهم الذى يحكم من القدس بحكومته العالميه التى سيكون بيدها الخبز والماء والدواء

وحتى يتم هذا لابد من بلقنه كل دول الشرق الاوسط

ستصبح دولا كانتونات صغيره امام عملاق كبير اسمه اسرائيل

اى لقمه فى الزور سيزيلونها ومن تعصلج معهم ليها سيناريو "مخصوص"

توالى الاحداث مرده الى انهم يهيئون العالم لاستقباله

وقانا الله شر الدجال ومن يسرون فى ركابه

وحمى الله مصر والعروبه والاسلام

عمرو أبوشادى · **مرسل:** الثلاثاء أغسطس 25, 2015 6:27 pm

الفاضل حامد الديب

كلامك ينطبق على حقبة سابقة وليس وقتنا الحالى

لأن حتى من كان صنيعة العالم الموحد أيقن أن دورة انتهى ومصيرة هو ودولتة الى زوال

ولا يوجد خروج أمن ولا حفظ لماء الوجة بل تنكيل بلا رحمة

وبالتالى المواجهة والتحالف أمر لامفر منة لعل وعسى

الدعم المادى الخليجى لمصر بعد 30 يونيو دليل واضح على هذا

الدعم المادى كان ضد مخططات أمريكا ولكن وقوف مصر على قدميها كان حائط صد لهم

والدور كان جاى عليهم ووقتها لن يفيد المال فى شيئ فوقف الخليج ضد المخططات الأمريكية

العالم الموحد يريد تفتيت مصر وروسيا والصين وبقية الدول العربية والأوروبية التى لا تدور فى فلكة أو كانت تدور فى فلكة وانتهى دورها

وهذة الدول تقاوم وتبحث أى حلول وسط تربطهم للصمود معا لأن المعسكر الأخر (العالم الموحد) ليس عندة اى حلول وسط .... أهلاك يعنى أهلاك

المعسكرين واقع فعلى

حامد الديب · **مرسل:** الثلاثاء أغسطس 25, 2015 7:11 pm

الأخ الفاضل / عمر ابو شادى

الموضوع شرحه يطول ...يطووووول وباذن الله سأفرد له موضوعا فى قسم النبؤات

اما ماقلته حضرتك من حيث :-

عمر ابو شادى كتب:
المواجهة والتحالف أمر لامفر منة لعل وعسى

هو واقع فعلى كما تفضلت

ولكن ماقصدته من كلامى أنهم يجهزون لما يسمى "معصره غضب الرب " والهرمجدون

وهم يجهزون لها منذ الحروب الصليبيه

وقانا الله شر مكرهم

جزاكم الله خيرا

msobieh · **مرسل:** الثلاثاء أغسطس 25, 2015 9:40 pm

من يحكم العالم الآن

كتاب قرأته من زمان

النيل الخالد · **مرسل:** الثلاثاء أغسطس 25, 2015 9:45 pm

msobieh كتب:

من يحكم العالم الآن

كتاب قرأته من زمان

كذلك يا سيدى كتاب برتوكولات حكماء صهيون ، ينفذ بحذافيره إلى أن يحين ما يرجون

عمرو أبوشادى · **مرسل:** الثلاثاء أغسطس 25, 2015 9:45 pm

مين يا سيدنا كاتب هذا الكتاب؟

msobieh · **مرسل:** الثلاثاء أغسطس 25, 2015 10:17 pm

الفاضلة النيل الخالد :

حقا

وهناك إصدارات أخرى تظهر للعالم ليس الآن مما بعد البروتوكلات

الفاضل عمرو أبو شادي

لا أتذكر ...

هو طبعا أجنبي

قرأته في السبعينيات

النيل الخالد · **مرسل:** الثلاثاء أغسطس 25, 2015 10:25 pm

msobieh كتب:

الفاضلة النيل الخالد :

حقا

وهناك إصدارات أخرى تظهر للعالم ليس الآن مما بعد البروتوكلات

ربنا يستر ويكفينا شرهم يامولانا ويفسد مخططاتهم اللهم آمين .

الطارق · **مرسل:** الأربعاء أغسطس 26, 2015 5:06 pm

كتب د.خالد رفعت منذ 15 دقيقة على صفحته

https://www.facebook.com/profile.php?id ... 04&fref=nf
ـــــــــــــــــ
من يحكم العالم ؟

د./ خالد رفعت صالح
= نظرا لاهمية المقال فى كشف حقيقة الارهاب العالمى فانى اثرت اعادة نشره
يظن الكثير ان من يحكم العالم هم الروساء والملوك حكام كل دولة او منظمة الامم المتحدة او مجلس الامن ... والبعض يقول ان البيت الابيض هو من يحكم العالم ... الواقع ان كل هولاء محكومين من الماسونية العالمية ... من خلال لجنة الثلاث عشر ... وهى تتألف من 13 عضو ينتسبون دائما الى تسعة عائلات يهودية وتتبع تلك اللجنة عشرات الافراد الاقل نفوذا (وبعضهم حكام عرب) لكنهم يملكون الاهداف والعقيدة والطموح نفسه لصناعة المؤامرات والازمات واختيار حكام العالم ...
اسماء التسعة عائلات يهودية التى تتشكل منها "لجنة الثلاث عشر" هى روتشيلد (تملك وحدها 500 تريلون دولار) , مديتشي (ملوك فلورنسا), روكلفر (المتحكمين فى صناعة البترول فى العالم) , هابزبرغ (ملوك صناعة الخمر), وينزير (حكام بريطانيا الفعليين), واربرغ (ملوك الاعلام) , مورغن (ملوك البورصة) , اوبينهايمر (صناعة السلاح) , ايستور (اباطرة محلات التجزئة) .
بينما تتكون لجنة ال 13 فى الوقت الحالى من 1- اللورد جاكوب روشيلد 2- البارون جون روتشليد 3- ديفيد روكفلر 4- هنرى كيسنجر 5- بول فولكفر 6- لويد بلانكتين 7- ناتشوينال 8- السير ايفان روتشيلد 9- ناثان فوربرج 10- جورج سورس 11- لارى سمرز 12- بن شالوم 13- (شخصية لم يتسنى لى معرفتها)
تختص لجنة الثلاث عشر بصناعة الاحداث مثل الحروب وارتفاع او انخفاض اسعار السلع, الانهيارات او الازدهار الاقتصادي, قرارات الامم المتحدة, الاجتياحات العسكرية, تقنين او اغراق الاسواق.
تسيطر لجنة الثلاث عشر على العالم اقتصاديا بسبب سيطرتها على القلب التجارى لمدينة لندن (مركز المصارف وشركات التأمين العالمية, ومركز عائلة روثتشيلد) وتسيطر عسكريا على العالم بسبب سيطرتها على مدينة واشنطن الماسونية وتصدر قرارتها الاقتصادية للبنك الاحتياطي الفيدرالي الاميركي وهو فى الحقيقة شركة تملكها عائلات روثتشيلد, روكلفر, مورغن, واربرغ, ولا يخضع للقوانين الاميركية ... بينما تصدر قرارتها السياسية لمنظمة الامم المتحدة والمؤسسات والجمعيات التابعة لها .. والهدف منها قوننة القرارات الجائرة والظالمة التى تتخذها تلك العائلات ليعلو بني اسرائيل فوق سائر الشعوب
تستطيع تلك اللجنة خنق اي دولة او شعب لتطويعه لتسليم قدراته وموارده لنظام المصارف عبر البنك الدولي وصندوق النقد الدولي الذين هم واجهة لتلك العائلات وتوجهاتهم, والا سيتم توجيه التهم الباطلة لهم منها الخروج عن الشرعية الدولية ومعارضة نظام الامم المتحدة والمجتمع الدولي, او اتهامها انها دول وشعوب مارقة وراديكالية.
الهدف الاسمى للجنة الثلاث عشر هو إقامة "مملكة الرب " وهى مملكة يهودية في فلسطين لتحكم العالم كله وإعادة بناء هيكل سليمان -معبد الرب- على أنقاض المسجد الأقصى .. ويتم ذلك عن طريق تدمير باقى دول العالم بوسائل كثيرة منها إباحة الجنس والشذوذ واستخدام المرأة كوسيلة للسيطرة و إحياء الدعوات الجاهلية والنعرات الطائفية العنصرية، وبث الأفكار المسمومة واستعمال الرشوة بالمال والجنس مع أصحاب الجاه والمناصب السياسية لإسقاطهم في حبائل الماسونية، ومن ثم استخدامهم لخدمة الماسونية. السيطرة على أجهزة الدعاية والصحافة والنشر والإعلام، واستخدامها في تحقيق الأهداف الماسونية من بث الأخبار الكاذبة والإشاعات بل والتركيز عليها لتصبح كأنها حقائق من أجل طمس الحقائق أمام الجماهير وبالطبع السيطرة على المنظمات والمؤسسات الدولية لتصبح تحت رئاسة ماسوني.
فى المقالات القادمة سنستعرض اسماء اشهر الماسونيين العرب من حكام ومشاهير ..

عمرو أبوشادى · **مرسل:** الثلاثاء سبتمبر 01, 2015 4:35 am

شكرا أخى الكريم الطارق على المرور والأضافة الكريمة

وبالطبع أوافق على كثير من نقل حضرتك

ولكن ما أظنة يحدث الان هو ما أشار لة سيدى الشريف أن الأمور ستخرج عن سيطرة الدجال والعالم الموحد

بعيد عن تحكم العالم الموحد على أمريكا أظن والله أعلم أن الأمور بدأت تصبح خارج سيطرتهم فى دول عدة أو أوشكت

وأصبح يوجد فى الوقت الحالى معسكر مناوئ

لكن الله أعلم الى أى مدى سيصمد هذا المعسكر

عمرو أبوشادى · **مرسل:** الثلاثاء سبتمبر 01, 2015 4:37 am

لقاء القمة على أرض الكريملين .. رسالة من أقصى العمق .. !!

https://www.facebook.com/kalamfelsamim/ ... 56979982:0

قولنا من يومين تأكيداً لكلامنا من أكثر من سنة إن الحرب فى المنطقة لها وجوه كثيرة ، وإنها بدأت تأخذ منحى إقتصادى بشكل كبير بعد فشل المخطط من الناحية الأمنية فى إستكمال إسقاط دول المنطقة ، وعلى رأسهم مصر علشان تشكيل ما يسمى بالحزام المهترئ أو الحزام الرخو حوالين الكيان الصهيونى .. فــ ياريت ننتبه لأن الكلام النهاردة هــ يبقى مركز شوية ، ومكلكع حبتين .. فــ معلش إستحملونا
.
المتابع للمشهد السياسى بعمق من ساعة ما قامت ثورة 30 يونيو 2013 ، هــ يلاقى إن التعاون والتأزر المصرى العربى مع الدعم الإقتصادى الخليجى الهائل ، ودخول روسيا على رأس المعسكر الشرقى كله كلاعب أساسى فى المنطقة ، أضعف بشدة التواجد الأميريكى .. وكلنا شوفنا مع الوقت ، وإحنا ناقشنا كل الأحداث فى وقت حدوثها ، إن التلطيش إشتغل من كل حتة علشان المنطقة كلها تولع .. وكل مرة يحصل حاجة ، تتحرك الأجهزة الأمنية بخطط إحترازية موضوعة مسبقاً لإفشال الخطط الجديدة ، وكأن كان فيه حد قاعد أمام البلورة السحرية بيقرأ المستقبل كويس جداً ومستعد له بخطط المواجة المناسبة ..
.
ومع فشل وراء فشل للمعسكر الغربى ، فكان لازم يتم التفكير فى اللعب على حاجتين مهمين جداً .. وهما النعرة الطائفية الدينية ، والملف الإقتصادى .. وطبعا كلنا شايفين الملف الطائفى ناره بتهدأ واحدة واحدة وبيتم التعامل معاه ببرود شديد وبنتهى الحكمة .. وعلشان كدة كان لازم يتم الدفع بالملف الإقتصادى اللى هو بدأ معانا من أول الأزمة الأوكرانية والحصار الإقتصادى لروسيا .. واللعب على وتر سعر البترول ومصادر الغاز و الطاقة اللى هى نقطة قوة روسيا ودول الخليج ..
.
ولما حصل إنهيار لأسعار البترول ، ناس كتيرة أوى سقطت فى فخ الحرب النفسية إعتقاداً إن السعودية بتلعب مع أميريكا وهــ تتخلى عن مصر برغم إن السعودية والإمارات كان همهم الأول والأخير هو حماية منظمة أوبك مش أكثر ، وده اللى إحنا إتكلمنا عنه فى مقالنا بعنوان "انهيار اسعار البترول -- كلمة السر أوبك" .. و ده غير النفى القاطع من الرئيس الروسى فى إجابته على سؤال إتسأله على قناة RT الروسية إذا كان اللى حاصل ده موجه لروسيا وإلا لأ ..
.
ولأن زى ما قلنا إن الملف الأمنى الغربى فشل لحد كبير فى تحقيق النتائج اللى عايزها بسبب تحركات مصر وتقارب المثلث الروسى العربى المصرى وفى الخلفية الغول الصينى ومنظمة البريكس .. واللى مع الوقت هــ يساهم فى إنهيار المعسكر الغربى الممثل فى أميريكا ، وخصوصاً إن دول التحالف بدأت تنط من المركب واحدة وراء الثانية زى فرنسا وإيطاليا وقبرص واليونان .. فكان لازم يبقى فيه رد فعل قوى من الجانب الأميريكى مدعومة بــ أباطرة المال فى التنظيم الماسونى العالمى .. علشان توصل رسالة للعالم كله مؤداها .. خلّوا بالكوا ، إنى مش هــ أقع لواحدى على نفس مبدأ شمشمون "عليّا وعلى أعدائى"
.
ومن هنا بدأ يحصل تراجع تانى فى أسعار النفط ، بعد ما كان خلاص بدأ يتعافى .. وده كان نتيجة طبيعية لدخول إيران للساحة بقوة .... لكن الهزة الأعنف هو التراجع الدرامى للبورصات العربية ، وبورصة الصين اللى بدأت تخسر بعنف ، وده اللى خلّى الصين تقوم بتخفيض عملتها وتخفيض جميع الأسعار ، واللى عمل هبوط حاد فى كل بورصات الشرق وبورصات أوروبا .. وحتى إنجلترا اللى أعلنت إنها لازم تدعم الصين فى أزمتها .. وبكدة .. فــ من الواضح إن أميريكا بتخطط لإحداث أزمة إقتصادية عالمية زى اللى حصلت فى 2008 / 2009
.
الأزمة الإقتصادية دى هدفها إنها تخلى التحالفات الإستراتيجية اللى بتشتغل فى العالم كله تقف نتيجة الركود وقلة السيولة وإرتفاع معدلات التضخم .. بمعنى .. إن السعودية مثلا تصَهين عن الإتفاق النووى مع روسيا علشان أزمة السيولة وإنخفاض الإحتياطى النقدى .. والإمارات تبطل تشترى سلاح من روسيا وفرنسا .. ودول الخليج تبطل تدعم مصر إقتصادياً .. وبالتالى مصر توقف حالة التنامى العسكرية للجيش المصرى بزيادة قدرته التسليحية ... وده كله يأثر على روسيا أقتصادياً وبالتالى على الصين .. وبكدة تقوم الصين وروسيا بتأخير تفعيل إتفاقية البريكس بالإتفاق مع باقى المجموعة .. يعنى من الأخر كدة قطعة دومينو تتحرك ، وبعدها كله يكرّ
.
وفى وسط كل اللى بيحصل ده .. مصر بتتحرك ناحية الدب الروسى فى زيارة هدفها الأول هو إقتصادى .. لكن فى نفس الوقت لها بعد إستراتيجى ، ولها تأثيرها داخلياً وإقليمياً وعالمياً ، و بــ تحمل رسائلة مهمة جداً وخصوصاً مع وجود وإجتماع رؤساء دول عربية فى المنطقة ممثلة فى الإمارات والأردن ومصر ، وتصريحاتهم الرسمية من روسيا ، عن التعاون العسكرى والإقتصادى وفى ملف مكافحة الإرهاب .. فى إعلان واضح إننا خلعنا عباءة أمريكا وأصبحنا بــ نختار تحالفاتنا ، وبــ نحدد مصير سياستنا بعيد عن سياسة القطب الواحد مع المحافظة برضوا على علاقتنا بأميريكا.
.
الزيارة لروسيا المرة دى مختلفة ، لأن هدفها كسر الحرب الإقتصادية العالمية ، وهــ تناقش تنشيط الإقتصاد المصرى عن طريق تفعيل إتفاقيات مجموعة من المشروعات و التوقيع على اتفاق حكومى دولى بشأن بناء محطات للطاقة النووية فى مصر فى منطقة "الضبعة ، و اللى هــ يكون مشروع حيوى ومهم جداً لمصر ، بالإضافة لبعض المشروعات الإقتصادية زى موضوع سلة الغلال فى منطقة القناة ، والبورصة السلعية .. وكمان المفروض إنه هــ يتم حسم ملف "المنطقة الصناعية الروسية فى قناة السويس الجديدة"، ومناقشة جذب الاستثمارات الروسية للأراضى المصرية وعمل المشروعات الهامة زى صناعة السيارات وتحديث مصانع الحديد والصلب وشركة النصر للسيارات اللى أتبنت فى عهد الاتحاد السوفيتى .. والكلام اللى بيتم تداوله عن إن شركة مورتون الروسية بــ تستعد للمشاركة فى تطوير العاصمة الإدارية الجدية
.
وفوق كل ده .. يقوم الرئيس السيسى بزيارة البرلمان الروسى اللى أصدر بعدها رئيس البرلمان تصريحات عدائية للغرب وإتهمهم بتأجيج الصراعات فى الشرق الأوسط .. يعنى مصر مش مدعومة من الرئاسة وبس .. لكن ومن البرلمان كمان .. لدرجة إن واحد من أعضاء البرلمان قال لو عايزين تحلوا المشكلة الأوكرانية ، إبعتولهم "بريزيدينت سيسى"
.
ولمزيد من الغلاسة وكأن روسيا بتطلّع لسانها لأميريكا ، أصدر الكريملن بيان صحفي ، أكد فيه أن الحوار بين مصر وروسيا بــ يتطور بشكل سريع وإن العلاقات بين الرئيسين بوتين والسيسى متينة، ومصر من أهم شركاء روسيا فى الشرق الأوسط .. ومش كدة وبس .. ده كمان يطلع السفير علاء يوسف، المتحدث الرسمى بإسم رئاسة الجمهورية، فى تصريحات للوفد الإعلامى المرافق للرئيس السيسى فى موسكو، ويقول إن الرئيس بوتين إختص الرئيس السيسى بجولة داخل قصر الكرملين النهاردة ، بعد الإنتهاء من المباحثات وقال إن ده مش بــ يتم مع كل الزائرين .. وكمان كان الرئيسين لابسين نفس البلدة ونفس الجرافتة .. يعنى بيطلعوا لسانهم للغرب بجد
.
أصدقاؤنا ..
الزيارة الحالية للرئيس السيسى فى روسيا بــ تأكيد حاجة مهمة جداً وهى عودة مصر لدورها الريادى فى المنطقة ، وتحولها إلى مفتاح الحل لأى أزمة فى المنطقة ، بعد ما أثبت لكل دول العالم و دول محور الشر الحقيقى إنها عقبة كبيرة ضد مخططات الشر والتفكيك والترهيب اللى بيتم تنفيذها فى المنطقة .. و ده اللى بــ تأكده الطريقة التى بــ تتعامل بها الصحافة الروسية والبرلمان الروسى وحتى الرئاسة مع زيارة الرئيس السيسى .. وخصوصاً إن تزامن زيارة الرئيس السيسى مع رؤساء وممثلين رسميين من دول عربية تانية والحديث عن زيارة مرتقبة للملك سلمان لروسيا وبعدها مصر .. ده غير زيارات الرئيس السيسى القادمة للصين وسنغافورة وكوريا واليابان ، بيقول إن الزيارة دى واللقاءات الرئاسية مش مجرد لقاءات لتعزيز العلاقات الثنائية بقدر ما هى لقاءات تتعلق بإعادة صياغة وضع المنطقة .. وخصوصاً فيما يتعلق بالملف السورى اللى هو على رأس أولويات أجندة المباحثات .. وخصوصاً بعد تصاعد الأحداث فى لبنان بشكل كبير وغير مبرر ، وبالتالى اصبح من اللازم حسم الملف السورى وإيجاد حل سياسى قبل ما الدنيا تولع أكثر واكثر ..
.
ومازالت الصقور تحلق .. و ربنا يحفظ مصر من كل شر .. ويحفظ بلادنا العربية من كل المخططات اللى بتهدف لتدميرها
.
‫#‏تحيا_مصر‬
‫#‏تحيا_مصر_ماحدش_تانى‬
‫#‏مصر_أم_الدنيا_وهتبقى_قد_الدنيا‬
‫#‏مصر_قلب_النظام_العالمى_الجديد‬
‫#‏كلام_في_الصميم‬
صفحة ‫#‏كلام_فى_الصميم‬

موقع د. محمود صبيح

الشرق الأوسط .. لعبة بنج بونج ... !!

الموجودون الآن