هل الفنان محمد صبحى ماسونى أم هى مصادفه

mondy · **مرسل:** الخميس فبراير 18, 2016 12:09 pm

لم أستطع تنزيل الصورة ولكن لو كتب أحدكم هذا على جوجل سيرى الصورة وأتمنى أن يرفعها
لأنى لم أعرف كيف أرفعها على المنتدى الصورة بها إشارات ماسونية واضحه كما أن برنامجه أحسست أنه مثل باسم يوسف وأتذكر أن الأستاذ محمد عيسى داوود حينما
قال أن باسم ماسوني و يروح لواحد في فيلته طريق إسكندرية مصر الصحراوي بدون ذكر أسمه وهو ماسوني زيه الصراحة بعد البرنامج هو ألي جه على بالى لا أعرف أتمنى أن يكون
ألأمر خطأ أرجو من الأحباب المتابعة والرد على هذا ألأمر

حامد الديب · **مرسل:** الخميس فبراير 18, 2016 2:05 pm

[size=150
]الأخ الفاضل / موندى

تقصد هذه الصوره :-

ناس كتير قالت مادام الصوره بعين واحده يبقى الراجل ماسونى

فى اعتقادى الشخصـــــى ان اللى عمل فارس بلا جواد ماينفعش يبقى ماسونى

صحيح أنه عامل العلامه بالعين الواحده لكن بإيده التانيه عامل علامة ( ستوب ) او اقف عندك او كفايه

ليه ماتكونش رساله منه بما انه فاهم الماسونيه وعامل عنها مسلسل

انه بيقول للماسون .. كفايه .. !!

أما عن الراجل اللى بيته فى الطريق الصحراوى وفيلته على طريق مصر اسكندريه فهو ( البرادعى) وليس محمد صبحى

وكان كل الناشطين على انفسهم يذهبوا اليه لتلقى اطروحاته الثوريه لتفكيك مصر خطوه خطوه ثم هرب الى بلاد الافرنج ليناضل

هناك من خلف الفيس وتويتر وخلافه

اذكر أن محمد صبحى قال على الرابط التالى :-

اسرار الماسونية و النظام العالمي الجديد
12 مايو، 2013 ·

■ الفنان محمد صبحى فى مداخله مع إبراهيم حجازى ذكر أن باحث إسرائيلى كتب فى جيورازليم بوست الإسرائيليه قائلا :فى 67 هزمنا الجيش المصرى و الشعب لأن المسافه بينهم كانت كبيره و فى 73 إنتصر الجيش و الشعب المصرى لأنهم توحدوا و إلتحموا ، و فى 2013 لن يكون هناك جيش ليتوحد تحت رايته المصريين و سوف أتهم قاده إسرائيل بالخيانه العظمى لو لم ينتهزوا الظروف الراهنه لإعاده إحتلال مصر....

■و إستطرد محمد صبحى قائلا :نحن نقدم لأعدائنا أكثر مما يتمنون ، و خائن خائن خائن كل من يحرض ضد الجيش - نحن أصبحنا نعانى من أمراض نفسيه حقيقيه كيف نصدق أن جيش مصر يتأمر عليها ولا نصدق أن إسرائيل و أمريكا هم أصل المؤامره وهما الذين يحرضون عملائهم فى مصر لصنع الخراب .

https://www.facebook.com/NWOsecrets/pos ... 6803683581[/size]

Anti Masonic · **مرسل:** الجمعة فبراير 19, 2016 4:08 pm

شكرا للفاضل حامد الديب
لان جزء من تعليقه المرفق كان احد منشوراتى على الفيس بوك

انا وقت عرض البوستر الخاص بالبرنامج
كنت كتبت وجهة نظر شخصيه عن الموضوع

'‏هام جدا .. ضرورى جدا .. ( وجهة نظر شخصيه )

من امبارح عمال يجيلى رسايل كتير عن محمد صبحى وبرنامجه
والاغلبيه بيتكلموا فى نقطتين ..
الاولى انه برضو بيهاجم الدوله او بينتقدها
والنقطه التانيه الصوره اللى قصاد حضراتك انه عامل ( عين واحده )

اللى هاقوله دا من منطلق تفكير شخصى قد اخطىْ وقد اصيب

اولا هانشر مره تانيه جزء من كلامى او رسالتى للفنان صبحى بعد اول حلقه

1- ناس كتير بعتتلى رسايل فى فترة غيابى وشوفتها لما رجعت وكانت كتير من الرسايل بتطالبنى بالتعليق على البرنامج وكان كلامهم انه بيذكر الحكومه !
وهنا نقطه ومن اول السطر
لازم تواجهوا نفسكم .. انتم فعلا عاوزين مجتمع بمعنى الكلمه
ولا عاوزين تطبيل فقط
انا عارف اننا مرينا فى الخمس سنين الاخيره بكل ما رأيناه فى الاعلام والفن جعلنا نكره كل شىء بيقدمه الاعلام وبيقدمه الفن ..
ولكن ... لازم الاول نواجه نفسنا
احنا عاوزين مجتمع وحياه طبيعيه فيها اجاده وتقصير
وفيها ناس بتشاور للغلط عشان تصلحه ولكن بالطريقه اللى تتماشى مع عاداتنا وتقاليدنا وبدون الفاظ خارجه... ولا عاوزين برامج تفضل تقول الحياه بقى لونها بمبى وبس اعتقادا منكم ان دا لصالح البلد ولصالح الريس اللى انتوا بترفضوا تسمعوا اى انتقاد حتى لموظف صغير خوفا منكم ان دا يأُثر على السيسي وماتعرفوش ان انتوا كده بتضروه لان مليون مره قولنا اللى يحب حد يشاور على اخطاءه عشان يصلحها مش يهز دماغه وبس

2- مستبشر خير بالبرنامج لان اعتقد اّن الاوان ان حد يواجهنا بمشاكلنا ولكن بدون خداع وبدون تقارير مصوره من يظهرون فيها يتم تأجيرهم . وبدون الفاظ جنسيه خادشه وبدون ايحاءات سافله وبدون توجهات او اچندات او ميول او احقاد .

3- لازم نعترف ان كل مجتمع مش مصر بس اكيد فيه سلبيات
وطبيعى لازم حد يتكلم عنها
لكن زى ما قولنا الفيصل . هل هاتتكلم عشان تقدم حلول وتشاور عليها بعين المصلحه ولا عشان السبوبه وشوية الكلام الجنسى اللى هايجيب اعلانات؟
هذا هو الفرق الذى ننتظر حدوثه فى برنامج الاستاذ صبحى

4- لازم نعترف من جوانا وبصدق ان مفيش بشر كامل
وبما ان الرؤساء بشر فطبيعى لهم اخطاء وكذلك الوزراء والمحافظين واى مسئول
بعد الحلقه الاولى ناس من اللى بيحبوا مبارك زعلوا لان صبحى قلد مبارك
وناس بيحبوا ناصر زعلوا انه قلد ناصر
وناس بيحبوا السيسي زعلوا لان صبحى اتكلم عن الحكومه
يا جماعه الامر ابسط من كده .. ازاى نزعل على سلبيات مالهاش علاقه بشخص الحاكم
انا من محبى مبارك طبعا لكن مازعلتش لان طبيعى كان فى عهده اكييييد فى اخطاء
انا من محبى رئيسي السيسي ومازعلتش لما الاستاذ صبحى انتقد الحكومه
لان اولا هى انتقادات صح .. وثانيا الريس نفسه بيغير حكومه ووزراء ومحافظين لان مش عاجبه اداءهم

5- رساله للاستاذ صبحى ومحبيه
مفيش شىء مطلق وانا شخصيا مش من اصحاب الحكم المطلق
يعنى مادام بنشوف محتوى كويس هانشكر فيه وهانقدره
لكن فى اى حلقه لو شوفنا محتوى مش صح او مخالف او مش صادق اكيد هانتكلم
وبذكر الكلام دا عشان لو حصل بعد كده وطلعت قلت عن حاجه مش عاجبانى فى البرنامج
مايجيش حد يقولى امال اول حلقه كنت بتشكر فيه ليه

__________________________________

انتهى الجزء الخاص برسالتى
والجزء دا رد على الناس اللى بتقول انه بيهاجم او بينتقد الحكومه
اصحوا يا جماعه .. التطبيل مش هوا الحل
لكن الفيصل .. هل هايشاور على المشكله باحترام عشان الدوله تصلحها
ولا هايسخر منها بقلة ادب زى الاراجوز !!!!

مفيش دوله بتعيش بحياه لونها بمبى ولو مش عاوزين حد يقولكم على الغلط ومفكرينه كده بيأذى الريس؟؟ لا والله .. دا بيفيده .. مادام بيعرضله مشاكل لو كبرت هاتكون سبب فى تقليل شعبية الريس..ولا ااايه؟

________________________________

ثانيا الجزء الخاص بالصوره

1- ناس كتير قالت مادام الصوره بعين واحده يبقى الراجل ماسونى
فى اعتقادى الشخصـــــى ان اللى عمل فارس بلا جواد ماينفعش يبقى ماسونى

2- انا ركزت فى الصوره اوى ...
ليه محدش فهم الصوره بمنظور اخر
ان الاستاذ قد يكون عامل العلامه بالعين الواحده
لكن بإيده التانيه عامل علامة ( ستوب ) او اقف عندك او كفايه
ليه ماتكونش رساله منه بما انه فاهم الماسونيه وعامل عنها مسلسل
انه بيقول للماسون .. كفايه .. !!
هل حد لاحظ شكل ايده وحد فكر فى التحليل دا؟؟

3- بخصوص ظهوره فى قناة CBC
عاوز اعترف لكم اعتراف .. مشيت على مبدأ .. ومازلت ماشى عليه وللاسف اكتشفت انه غلط غلط غلط غلط .. خسرنى كتير من الوعى اللى كنت بسعى انى اكشفه للناس
دايما كنت اقول مش هاظهر فى القناه دى لان صاحبها كذا..او مش هاطلع فى القناه دى لان فيها مذيع كان ضد البلد .. وفضلت ارفض .. وكانت النتيجه ايه:
اللى بنشره فضل يتنشر فقط على الفيس
بينما الخونه والعملاء اتسعت لهم الساحه وهما اللى ظهروا لوحدهم فى كل القنوات
لذلك .. لو عاوزين نعالج لازم ندخل القنوات دى مادام مش هايتحكموا فى المحتوى
محمد صبحى او غيره مفيش قصاده اى قناه تانيه لان كل القنوات بلا استثناء عليها شبهات
لكن ..يقعد فى البيت؟؟ ويسيب المجال لباسم وفاهيتا ؟؟
نخلى الشيخ على جمعه يقعد من قناة CBC ونفتح المجال لشيوخ الفتنه اللى بيحللوا الزنا والخمر؟؟

القعده فى البيت مش بتخسر الاعداء .. بتخسرنا احنا
لابد من وجودنا وسطهم عشان يكون فى توازن
لان حرب الفيس بوك امام التلفزيون خسرانه
اللى انا بكتبه فى سنه ممكن اى عميل يطلع حلقه فى التلفزيون يشوفه ملايين اكتر من اللى كانوا بيقروا كلامى فى السنه دى

انا كده وضحت
وبكرر وجهة نظر شخصيه
وبكرر لو ظهر حاجه غلط هانتكلم والحكم مش مطلق سواء سلبا او ايجابا

https://www.facebook.com/photo.php?fbid=1072396846123922&set=a.101835819846701.4549.100000608510932&type=3&theater

حامد الديب · **مرسل:** الجمعة فبراير 19, 2016 7:11 pm

الفاضل / اسلام الشبراوى

اعجبنى ردك فى نقطه التعليق على الصوره فاوردته ولم اكتب الرابط لأنه مكتوب على الصوره أساسا

فالحمد لله رب العالمين وخيرا ان شاء الله

هناك نقطه أخرى فى موضوع محمد صبحى " كفنان وانسان وطنى "

كان لايعجبنى زمان بسبب عدم تدقيقه لبعض الاعمال التى أداها فى الثمانينات وحتى بدايه التسعينات

وخاصه التى كتبها له لينين الرملى الذى لا اعرف اين هو الاّن

بعد انفصاله عن لينين تغير الى الأحسن من وجهه نظرى وأدى اعمالا جميله

نسأل الله أن يحفظ كل أحباب مصر المخلصين

msobieh · **مرسل:** الجمعة فبراير 19, 2016 10:49 pm

الفاضلان :

د. حامد , و Anti Masonic

زادكما الله حكمة وحصافة وبصيرة وتؤدة

جعلكما الله مفاتيح للخير مغاليق للشر

اللهم آمين

حامد الديب · **مرسل:** الجمعة فبراير 19, 2016 10:57 pm

شكرا على دعاؤكم مولانا الشريف

دمتم لنا ياكرام

أنتم أهل الحكمه والعلم والبصيره وأولوا الفضل لاحرمنا الله منكم

فراج يعقوب · **مرسل:** السبت فبراير 20, 2016 1:08 am

msobieh كتب:

الفاضلان :

د. حامد , و Anti Masonic

زادكما الله حكمة وحصافة وبصيرة وتؤدة

جعلكما الله مفاتيح للخير مغاليق للشر

اللهم آمين

اللهم صل على سيدنا محمد وآله وسلم
جزاكم الله خيرا الداعي والمدعو لهم
وصلى الله على سيدنا محمد وآله وسلم

حامد الديب · **مرسل:** السبت فبراير 20, 2016 1:13 pm

بوركتم شيخنا الفاضل / فراج يعقوب وجزاكم الله خير الجزاء

mondy · **مرسل:** السبت فبراير 20, 2016 4:26 pm

السلام عليكم ورحمة الله وبركاته
الحمدلله وشكرا لتعقيبكم وتوضيحكم أنا عن نفسى من محبي هذا الفنان ومن منا لا يعلم ونيس المسلسل التربوي الجميل ومن منا لا يعلم أن مسلسله
فارس بلا جواد هو الذى فتح عيون الكثير منا على موضوع البروتوكولات وأيضا مبادرته في موضوع تطوير العشوائيات من منا لا يعلم ذلك ألا أن كل ذلك لا يمنعنا من التساؤل حينما نجد شيئا
أو فعلا يجعلنا أن نتساءل وأنا أحب الرجل ولا أتمنى ذلك أطلاقا بل توضيحكم للصورة بطريقه ما الفول ستوب اليد التي تقول للماسونية توقف أعجبني وأدهشني ونور الله بصيرتنا مثلكم و لكن لما تعطى قناة c b c فرصه له ويقال أن مالكها محافظ الماسونية في مصر من نفس هذا المنطلق كان تساؤلي فالعدو ليس ساذجا هو كما يصدر أناس قد يكونوا واضحيين في العداء في أقوالهم وأفعالهم هو أيضا يصدر أناس يتخفون في الوطنية من قبل بعد ذلك ندس به السم في العسل والكلام هنا ليس على الفنان محمد صبحى ولكن عموما حتى لا ننخدع ببعض المواقف يجب علينا أن نفكر بعقلية عدونا ولا نستصغر بل نعطيه حقه حتى نتمكن فعلا من تقيمه جيدا من ثم كشفه وكشف ما سيرمى إليه عقله من مخططات ومن ثم الانتصار عليه وشكرا أسيادي ألأفاضل لتوضيحكم مره أخرى وكما قال سيدى دكتور محمود جعلكما الله مفتاح لكل خير ومغلاق لكل شر ونور بصيرتنا وبصيرتكم حتى نرى ألأمور على حقيقتها

موقع د. محمود صبيح

هل الفنان محمد صبحى ماسونى أم هى مصادفه

الموجودون الآن