شكرا سامح شكرى ٠٠٠

molhma · **مرسل:** الخميس يوليو 07, 2016 3:00 pm

من كذا يوم كده (( مجلس الشيوخ الايطالى )) اجتمع بخصوص (( معاقبه مصر )) لاننا مش بنتعاون معاهم فى كشف حقيقه مقتل (( ريجينى )) ٠٠٠

وطبعا هما دوروا على حاجه فيها تعاون بين البلدين انما لما التعاون ده يقف مصر بس اللى تضر مش ايطاليا كمان تتضر معاها ٠٠٠

عشان كده مقدروش يجوا جمب اتفاقيات التنقيب عن الغاز اللى مصر مضياها مع شركه (( اينى الايطاليه )) ٠٠٠

وقرروا وقتها ان هما يعلقوا الاتفاقيه بينا وبينهم واللى كان بمقتضاها بيتم توريد قطع غيار الطائرات الاف ١٦ من ايطاليا لمصر ٠٠٠

وطبعا زى ماهو معروف ان الطياره زيها زى العربيه ٠٠٠

زيت الفتيس مثلا بتاع العربيات الاوتوماتيك لازم يتغير عند ٥٠ الف كيلو ٠٠٠

الزيت العادى بيتغير عند كذا الف كيلو ٠٠٠

كل حاجه ليها فتره زمنيه او عدد معين من الكيلومترات لازم بعدها يتم تغيير القطعه دى ٠٠٠

ومع اختلاف الفوارق طبعا فلو الطياره متغيرلهاش قطع غيارها بتتركن على جمب وبيبقى ملهاش اى لازمه ٠٠٠

لانك غالبا لو طلعت بيها متضمنش انك ترجع بيها تانى ٠٠٠

الطياره هتقع ٠٠٠

فالدوله اللى مش بتعرف توفر قطع الغيار لاى سبب بتركن طيارتها ٠٠٠

وبيبقى ملهاش اى لازمه ٠٠٠

وبالتالى فى طيارات اف ١٦ كتير هتقف الفتره اللى جايه لحد لما مصر تمضى اتفاقيه مع دوله تانيه عشان نجيب منها قطع الغيار ٠٠٠

الموضوع ده طبعا هياثر تاثير مؤقت على مكافحتنا للارهاب ٠٠٠

طبعا ده مش حالنا احنا بس ٠٠٠

لا

ده حال كل دول العالم اللى مش بتنتج طياراتها بنفسها ٠٠٠

حوالى خمس او ست دول بس هى اللى بتتحكم فى تسليح باقى ال ١٨٠ دوله٠٠٠

المهم :

وزاره الخارجيه المصريه برئاسه (( الراجل سامح شكرى )) طلعت بيان قوووووووى جدا ردا على قرار ايطاليا ٠٠٠

البيان بيبتدى بتوضيح للموقف وبان مصر تعاونت تعاون كامل مع الجانب الايطالى وان كان فى زيارات متكرره لاعضاء النيابه من مصر لايطاليا والعكس ٠٠٠

وان مصر كمان قدمت مئات الاوراق و عشرات الملفات الى الجانب الايطالى ٠٠٠

لحد هنا والبيان جميل ومحترم :

بعد كده لهجه البيان اتقلبت ٣٦٠ درجه ٠٠٠

وجاء نصا :

القرار ينطوى على (( توجه )) سيؤثر سلبا على مجمل العلاقات بين البلدين ٠٠٠

مما يستوجب على مصر اتخاذ ما تراه من اجراءات من شأنها ان تمس التعاون بين البلدين (( ثنائيا واقليميا و دوليا ))

نيجى بقه لاهم جملتين واللى انا اصلا كاتب البوست ده عشانهم

اولا :

مراجعه التعاون بين البلدين فى مجال مكافحه (( الهجره غير الشرعيه )) :

اللى كتب الجمله دى تسلم ايده ٠٠٠

اللى كتبها عارف انه بيهدد الايطالين باكتر حاجه بترعبهم فى حياتهم ٠٠٠

الهجره غير الشرعيه ٠٠٠

هما عارفين يعنى ايه ايطاليا يدخلها كل شهر الالاف من مواطنى افريقيا ٠٠٠

اللى فى نظرهم جربانيين وشحاتين ٠٠٠

وطبعا مصر كانت مهتمه جدا بتنفيذ بنود الاتفاقيه دى والقبض على اى مركب عليه مهاجرين غير شرعيين ٠٠٠

مع ان احنا من مصلحتنا نسيبهم يسيبوا البلد ويهاجروا ٠٠٠

بس طبعا هيضروا ايطاليا ٠٠٠

فاحنا لما بنكافح الهجره الغير شرعيه بنعمل كده عشان خاطر ايطاليا مش عشان خاطر مصر ٠٠٠

دى كانت اول نفطه مصر قررت تعاقب ايطاليا فيها ٠٠٠

النقطه التانيه :

اسخم من الاولانيه ٠٠٠

مصر قررت مراجعه تقييم الاوضاع فى ليبيا ٠٠٠

واللى كتب الجمله دى برضه دماغه متكلفه ٠
ايطاليا طبعا عاوزه تدخل ليبيا بقالها كذا شهر ٠٠٠

و الدول الاوروبيه اجتمعوا و اتفقوا على ان لو حصل تحالف دولى لدخول ليبيا وتحريرها من داعش هتبقى ايطاليا هى زعيمه التحالف الدولى ٠٠٠

وزى ماهو معروف برضه ان جيش حفتر بيدين بالولاء لقيادات الجيش المصرى ٠٠٠

وشعب ليبيا من اوله لاخره (( حتى كمان اللى بيكره داعش وعاوز يخلص منهم )) مش هيقبلوا بتدخل اوروبى فبلادهم ٠٠٠

هيعتبروه اعتداء على بلادهم ٠٠٠

وده ظهر الفتره الاخيره من تفاعل شعب ليبيا على الفيسبوك ٠٠٠

فطبيعى ان ايطاليا هتحتاج مصر عشان (( تحييد )) جيش حفتر ٠٠٠

فمش من مصلحه ايطاليا تخسر مصر فى موضوع (( ليبيا )) ٠٠٠

دول النقطتين المهمين اللى مصر قررت بيهم انها ترد العقاب لايطاليا وتستفزهم ٠٠٠

وبعد كده وزاره الخارجيه المصريه زودت كمان جمله وقالت :

وسوف يتم مراجعه اتخاذ قرارات واجراءات اخرى تمس المجالات التى تحصل فيها ايطاليا على دعم مصر ٠٠٠

كده تبقى ولعت رسمى ٠٠٠

وزاره الخارجيه انهت البيان بعد كده بكلمتين (( تسجيد )) ٠٠٠

(( ان مصر تؤكد انها سوف تظل حربصه على استمرا العلاقات بين البلدين٠٠٠ ولكنها تتمنى ان تري من الجانب الايطالى نفس الدرجه من الاهتمام والحرص )) ٠٠٠

الشهاده لله (( سامح شكرى )) غير من سياسه مصر الخارجيه ٣٦٠ درجه ٠٠٠

سامح شكرى بيتعامل مع الدول الاجنبيه بمبدإ المعامله بالمثل ٠٠٠

وده كنا مفتقدينا زمان ٠٠٠

شكرا سامح شكرى ٠٠٠

https://www.facebook.com/MlfatAlmokhabr ... =3&theater

msobieh · **مرسل:** الجمعة يوليو 08, 2016 6:32 am

هذا الرجل أحبه ....

molhma · **مرسل:** الجمعة يوليو 08, 2016 7:02 am

msobieh كتب:

هذا الرجل أحبه ....

أكرمكم الله و أعزكم مولانا الفاضل و الله وأنا أيضا و الكثير من الناس تحب هذا الرجل أسعدكم الله و لا يحرمنا الله من مروركم الجميل الكريم مولانا الفاضل الكريم

خلف الظلال · **مرسل:** الجمعة يوليو 08, 2016 10:15 am

molhma كتب:

msobieh كتب:

هذا الرجل أحبه ....

أكرمكم الله و أعزكم مولانا الفاضل و الله وأنا أيضا و الكثير من الناس تحب هذا الرجل أسعدكم الله و لا يحرمنا الله من مروركم الجميل الكريم مولانا الفاضل الكريم

كثر الله من أمثال سيادته وزاد القائمين على شئون مصر والشعب المصري حنكة وسدد خطى الجميع لما فيه خير وسلام ونجاة مصر ففي نجاة مصر نجاة العالم

سكينة · **مرسل:** الجمعة يوليو 08, 2016 10:52 am

msobieh كتب:

هذا الرجل أحبه ....

ربنا يباركله ويحفظه

موقع د. محمود صبيح

شكرا سامح شكرى ٠٠٠

الموجودون الآن