أسئلة هامة لأخى هيثم وباقى الأحباب

msobieh · **مرسل:** الجمعة سبتمبر 08, 2017 9:54 pm

الفاضل هيثم

نسأل الله العفو والعافية

الأمور صعبة

ومعظم من يتكلم للأسف ........

والواحد بيتفرج عليهم كلهم ....

فلا حول ولا قوة إلا بالله العلي العظيم .

سكينة · **مرسل:** الجمعة سبتمبر 08, 2017 9:57 pm

msobieh كتب:

الفاضل هيثم

نسأل الله العفو والعافية

الأمور صعبة

ومعظم من يتكلم للأسف ........

والواحد بيتفرج عليهم كلهم ....

فلا حول ولا قوة إلا بالله العلي العظيم .

لا حول ولا قوة الا بالله يارب استر

msobieh · **مرسل:** الجمعة سبتمبر 08, 2017 9:57 pm

وطبعا المقصود باللي يرفع رأسه ويتكلم راسه تتطير الناس الصالحين الأولياء العاليين؟

أما الكذبة ومن يضحك على نفسه فبراحته .. أصبح جزء من كيان الدجال ...

عمرو أبوشادى · **مرسل:** الجمعة سبتمبر 08, 2017 10:02 pm

هل هذا يا سيدنا شبيهة بما حدث بين سيدنا امير المؤمنين عثمان بن عفان رضي الله عنه وسيدنا أبا ذر الغفاري رضي الله عنه

msobieh · **مرسل:** الجمعة سبتمبر 08, 2017 10:07 pm

ايه اللي جاب للي جاب, الله يهديك

رضي الله عن سيدنا عثمان بن عفان وسيدنا أبي ذر

وعن صحابة رسول الله صلى الله عليه وآله وسلم .

هيثم · **مرسل:** الجمعة سبتمبر 08, 2017 10:09 pm

معلش يا مولانا فيه حته مش فاهمها
كيف يكون من الاولياء العاليين .. ويزمزأ ؟

عمرو أبوشادى · **مرسل:** الجمعة سبتمبر 08, 2017 10:10 pm

نعم سيدى الشريف حفظكم الله

اسف جدا

محمد محمود · **مرسل:** الجمعة سبتمبر 08, 2017 10:10 pm

اللهم آمين يارب العالمين

يانور سيدنا النبى · **مرسل:** الجمعة سبتمبر 08, 2017 10:11 pm

msobieh كتب:

وطبعا المقصود باللي يرفع رأسه ويتكلم راسه تتطير الناس الصالحين الأولياء العاليين؟

أما الكذبة ومن يضحك على نفسه فبراحته .. أصبح جزء من كيان الدجال ...

لاحول ولا قوة الا بالله العلي العظيم

نسأل الله العفو والعافية

اللهم اكفنا شر فتنة المسيخ الدجال ومن فتنة المحيي والممات

msobieh · **مرسل:** الجمعة سبتمبر 08, 2017 10:18 pm

لم أقل أن المتوفي رحمة الله عليه كان من الأولياء العالين ولم أقل أنه كان غير ذلك

ده موضوع وده موضوع

باتكلم عن كلام عام ...

هذا الجزء هو الجزء الأول في التوضيح

أما الجزء الثاني فيوما ما إن شاء الله .

هيثم كتب:

معلش يا مولانا فيه حته مش فاهمها
كيف يكون من الاولياء العاليين .. ويزمزأ ؟

هيثم · **مرسل:** الجمعة سبتمبر 08, 2017 10:26 pm

msobieh كتب:

لم أقل أن المتوفي رحمة الله عليه كان من الأولياء العالين ولم أقل أنه كان غير ذلك

ده موضوع وده موضوع

باتكلم عن كلام عام ...

هذا الجزء هو الجزء الأول في التوضيح

أما الجزء الثاني فيوما ما إن شاء الله .

هيثم كتب:

معلش يا مولانا فيه حته مش فاهمها
كيف يكون من الاولياء العاليين .. ويزمزأ ؟

وصلت يا مولانا
لا حرمنا الله من حضرتك ابدا

شريف عليان · **مرسل:** الاثنين سبتمبر 11, 2017 12:12 am

هيثم كتب:

ولهذا السبب .. مافيش مشايخ

يعنى الدجال هيربى ولاده والناحية التانية مفيش تربية..ولو تقصد تربية المشايخ تحديداً

فى مشايخ...وتحديدا هو شيخ الذى اقصده معرفش غيره..معلش اخى لو فضيلة الدكتور محمود صبيح بذاته قال لى انه لا يوجد مشايخ لن اصدق..وهو لن يزعل من صراحتى...لو ابويا قام من قبره وقال لى مفيش مشايخ هقول له لا..ببساطة لانى لا استطيع انكار واقع..

عايز تزعل ازعل..ونصيحة من اخ بلاش لغة القطع التى تتكلم بها فانت غير محيط بالوجود وما فيه..

بتقول مفيش تربية..

طيب لما واحد يبقى فيه حب تملك وغيره وعيوب تكفى بلد بحالها ويدخل عند شيخ يمسك روحه وينفضه ويعمل له مواقف ويهندس له مواقف متفصله على مقاسه ومقاس عيوبه تجيبه الارض وشوية شوية الحاجات اللى عنده دى تروح خالص دى تربية ولا مش تربية..؟

لما واحد يبقى قطاع طريق ووسخ وفيه عيوب الدنيا والجبال لا تتحمله وعمل كل الاخطاء والعيوب لكن كان فى قلبة حتة حب صغيرة وكان ابوه وجدوده صالحين فدخل عند نفس الشيخ اللى انا اقصده ومش هقول عليه طبعا

وشوية شوية الراجل دا يتحول ويمسك سبحة ويتربى سنوات وسنوات ويتجوز ويخلف فاطمة وزينب وحسن وخديجة ويبقى مداح لسيدنا للنبى صلى الله عليه وسلم بعد ما كان هيروح فى طريق الهروين والمخدرات دى تربية ولا مش تربية..

لما اللى بيكلمك دا عارف هو كان ايه ولما دخلت لسيدى بقيت ايه عايزنى انكر دا علشان خاطرك لا ازعل براحتك..

فى ناس كانت حالتها خل خالص ولما دخلت عند شيخ ما بقت حاجة تانى...مبقتش شيوخ ولا بقت اولياء بس بقت ناس على الاقل لما تبص لنفسها وتشوف هى كانت ايه وبقت ايه تعرف كويس انها تحت ايد مربى ونعم المربى.

ابوبكر# · **مرسل:** الاثنين سبتمبر 11, 2017 3:11 am

هيثم كتب:

[size=200]الاخ الفاضل شريف .. شكرا على سؤالك
وسألت عليك العافيه
الموضوع ليس كما قال صاحبك .. بين الافشاء والكتم
الموضوع الآن بين .. الظهور والبطون
كل الابواب تغلق لحكمة البطون الذى يسبق الظهور
كل الامانات يتم جمعها لتسليمها لاصحابها
يعنى كل اللى عند المشايخ .. بيتلم منهم
عشان يرجع لآل البيت مرة تانيه
ثم يعاد توزيعه بما يناسب .. آخر الزمان
ولهذا السبب .. مافيش مشايخ
أبواب النبوات والرسالات .. أغلقت ولن تفتح مرة أخرى
هناك أبواب من الولايات أغلقت بالضبة والمفتاح
الم يسمع صاحبك عن ختم الاولياء ؟
الم تسمع أنت عن .. غلق باب التوبة ؟
قبل ظهور حضرة النبى .. كانت كل الابواب مغلقة
فلما ظهر حضرة النبى وفتح كل الابواب .. اصبح كل من صدقة صحابى
وتوزعت الرتب بينهم .. مره واحده
وعودة الدين غريب .. بسبب بطون الاولياء وقلة حيلتهم
وكل من يتكلم فى هذا الزمان .. ويقولك أنا مأذون لى فى الكلام
ويتكلم عن الامام المهدى .. كما ينتشر الان على النت
هجااااااااااااااااااااااااااااااااس

شريف عليان كتب:

هيثم كتب:

ولهذا السبب .. مافيش مشايخ

يعنى الدجال هيربى ولاده والناحية التانية مفيش تربية..ولو تقصد تربية المشايخ تحديداً

فى مشايخ...وتحديدا هو شيخ الذى اقصده معرفش غيره..معلش اخى لو فضيلة الدكتور محمود صبيح بذاته قال لى انه لا يوجد مشايخ لن اصدق..وهو لن يزعل من صراحتى...لو ابويا قام من قبره وقال لى مفيش مشايخ هقول له لا..ببساطة لانى لا استطيع انكار واقع..

عايز تزعل ازعل..ونصيحة من اخ بلاش لغة القطع التى تتكلم بها فانت غير محيط بالوجود وما فيه..

بتقول مفيش تربية..

طيب لما واحد يبقى فيه حب تملك وغيره وعيوب تكفى بلد بحالها ويدخل عند شيخ يمسك روحه وينفضه ويعمل له مواقف ويهندس له مواقف متفصله على مقاسه ومقاس عيوبه تجيبه الارض وشوية شوية الحاجات اللى عنده دى تروح خالص دى تربية ولا مش تربية..؟

لما واحد يبقى قطاع طريق ووسخ وفيه عيوب الدنيا والجبال لا تتحمله وعمل كل الاخطاء والعيوب لكن كان فى قلبة حتة حب صغيرة وكان ابوه وجدوده صالحين فدخل عند نفس الشيخ اللى انا اقصده ومش هقول عليه طبعا

وشوية شوية الراجل دا يتحول ويمسك سبحة ويتربى سنوات وسنوات ويتجوز ويخلف فاطمة وزينب وحسن وخديجة ويبقى مداح لسيدنا للنبى صلى الله عليه وسلم بعد ما كان هيروح فى طريق الهروين والمخدرات دى تربية ولا مش تربية..

لما اللى بيكلمك دا عارف هو كان ايه ولما دخلت لسيدى بقيت ايه عايزنى انكر دا علشان خاطرك لا ازعل براحتك..

فى ناس كانت حالتها خل خالص ولما دخلت عند شيخ ما بقت حاجة تانى...مبقتش شيوخ ولا بقت اولياء بس بقت ناس على الاقل لما تبص لنفسها وتشوف هى كانت ايه وبقت ايه تعرف كويس انها تحت ايد مربى ونعم المربى.

اعتقد يا أستاذ شريف انك توسعت فى فهم عبارة : ولهذا السبب .. مافيش مشايخ [/quote]

فمن المعلوم أن الأحكام فى الفقه تبنى على الغالب الشائع ولا تلحق الأحكام بالقياس على ما شذ وندر وعلى هذا جمهور الفقهاء.

وكذلك الامر فى عموم كلام الناس ...

فنحن نقول : هذا زمان ليس للناس فيه أمانة

نقول ذلك ونحن نقصد اغلب الناس وليس كل الناس

نقولها ونحن على يقين أن بين الناس قلة من اهل الأمانة

فى هذا السياق افهم العبارة .

هيثم · **مرسل:** الاثنين سبتمبر 11, 2017 8:37 pm

شريف عليان كتب:

يعنى الدجال هيربى ولاده والناحية التانية مفيش تربية

بالفعل .. علشان الدجال يعرف يربى اولاده يجب ان تتوقف التربيه فى المقابل

شريف عليان كتب:

معلش اخى لو فضيلة الدكتور محمود صبيح بذاته قال لى انه لا يوجد مشايخ لن اصدق..وهو لن يزعل من صراحتى...لو ابويا قام من قبره وقال لى مفيش مشايخ هقول له لا..ببساطة لانى لا استطيع انكار واقع..

ولهذا السبب أنقطعت التربيه .. اذا كان المريدين هكذا
..............
طبعا هذا ليس نقاش دائر .. لكنها أفكار تطرح
لأت الاستاذ شريف أغلق بكلامه أعلاه .. باب النقاش والفهم
وأغلق على نفسه أبواب ال ......
وربنا يلطف
..............
حوار تخيلى وهمى
هيثم .. حضرتك متزوج يا استاذ شريف ؟
شريف .. نعم
هيثم .. عندك اولاد ؟
شريف .. لأ
هيثم .. هل أنت قادر على الانجاب ؟
شريف .. نعم والحمد لله
هيثم .. هل ممكن أطلق عليك لقب الأب .
شريف .. لأ
هيثم .. لماذا ؟
شريف .. لأنى لسه ماخلفتش
هيثم .. يعنى نقدر نقول .. الابوة مطوية فيك؟
شريف .. نعم
هيثم .. والسبب فى ظهورك فى مقام الابوة هو ظهور الابن ؟
شريف .. نعم
هيثم .. يعنى ظهور الابن هو من حكم عليك بالقيام بواجبات الاب ؟
شريف .. نعم
هيثم .. ولو لم يظهر الابن لن تصبح أب مع كونك قادر على الانجاب ؟
شريف .. نعم
يعنى الابن .. حاكم على الاب ؟
شريف .. أكيد
هيثم .. يعنى الرجوله شئ والابوه شئ آخر ؟
شريف .. نعم
هيثم .. كذلك هى المشيخه
المريد فيها حاكم على الشيخ
فلن يقوم الولى فى مقام التربيه .. الا اذا ظهر المريد
واذا كان المريد يقول
لو ابويا قام من قبره وقال لى مفيش مشايخ هقول له لا
فكيف يظهر الشيخ ؟
وكيف يصبح الشيخ شيخ ؟
..............
فيه فرق بين الولى .. وبين شيخ التربية
كما أن هناك فرق بين النبى والرسول
الرسول جاء برسالة
ولأنه لايوجد من يتحمل لسان الرسول
تكلم الرسول بلسان المرسل اليه .. يعنى بلسان قومه أى فهمهم وعلى قدر عقولهم
ولو تكلم الرسول بلسان الرسول .. مكانش حد آمن
النبى .. غير مكلف بايصال رسالة
فهو غير مقيد بلسان قومه
هل تستطيع أنت أن تتحمل لسان النبوة ؟
سيدنا الخضر ولى .. لكن هل هو شيخ تربية ؟؟؟؟
سيدنا الخضر ممكن يقوم مقام التربية .. اذا وجد المريد الصابر
هل يصبر مع سيدنا الخضر أحد
ولذلك هو ليس من شيوخ التربية
لأنه لا يوجد من يتحمله
ومعنى يتحمله .. أى يتحمل الارث منه
الناس لا تتحمل لسان المشايخ .. فكيف تتحمل لسان الولى اذا تكلم !!!!!!!
ولذلك لا يتكلم الولى .. الا بلسان الشيخ
فاذا انعدم المريد الكامل .. سكت لسان الشيخ
ولسان الولى .. ساكت فى الحالين
الولى يا محترم لن يظهر فى مقام التربيه .. الا اذا وجد من يرث منه
من يتحمل الآن الورث من المشايخ ؟
فاذا أنعدم المريد .. فقد الولى لقب شيخ التربيه
وأصبحت ولايته بينه وبين ربه .. لا بينه وبين الناس
وهذا ما سميته بطون
كما أنطوت الابوة فى الرجل .. بخفاء الابن
.............
اذا ظهر الابن .. ترقى الرجل الى أب
واذا ترقى الاب .. ترقى أبوه الى جد
فما رفع الاب الا الابن .. وما رفع الجد الا الابن
فالمريد هو الحاكم على شيخه وسبب ترقيته الى مقامه .. او العكس
كما أن الابن هو الحاكم على أبوه وسبب ترقيته الى مقامه .. أو العكس
.............
فيه أولياء .. أكيد
يقومون فى مقام التربية .. لا .. الا ما ندر
والندرة بسبب المريد الغير قابل للوراثة .. لا الشيخ
هل فيه كرامات للأولياء .. أكيد
هل فيه للمدعين استدراج لهم ولأتباعهم ؟ .. أكيد وأكيد
هل كل الاولياء عندهم القدرة على التربية ؟ .. لأ
كما أن الطبيب غير قادر على التدريس فى الفصل .. لأنه ما أخدش دورة تربوى
عنده معلومات .. لكن غير قادر على توصيلها
فمحدش ها يستفيد .. حتى لو تكلم
..............
كل من قابلتهم من مشايخ
لو لم يجد من بين مريديه واحد يرثه على الحقيقة .. وراثة كاملة
فما ربى ولا خلف
ولا نطلق عليه شيخ تربيه .. لأنه أصلا لم يربى أحد
طيب لماذا يقوم الان المشايخ بالطرق ؟
حتى لا ينقطع أسم التصوف
ولك فى شيوخ الظاهر اسوة حسنة
هل يوجد الآن شيخ فى علوم الظاهر .. مثل الشيخ الدردير ؟
نعم يوجد من نسميهم مشايخ .. الاسم واحد والمعنى مختلف
حفظ للظاهر .. والباطن لله وللرسول
...............
الشيخ لوجه العبودية .. والولى لوجه الربوبيه
فاذا قلنا لا يوجد مشايخ .. فهذا فى وجه العبودية
ويبقى وجه الولى للربوبيه لا ينقطع
طيب اذا مات الولى .. فلم يجد من يرثه ؟
هنا ترد الامانات الى أهلها

شريف عليان · **مرسل:** الثلاثاء سبتمبر 12, 2017 1:17 am

السلام عليكم

شكرا استاذ ابو بكر على مرور حضرتك فوق راسى شكرا لحضرتك كثيرا..

اخى هيثم نعم اكررها مرة ثانية لن اصدقك ولن اصدق الدكتور محمود صبيح ولن اصدق ابويا الله يرحمه لو قال لى لا يوجد شيخ مربى ودا مش قلة ادب..قلة الادب هى انى اقول خلاف ما ابطن..وانى اكدب او انافق ..

تعرف ليه قلت لك لو ابويا الله يرحمه قام من قبره وقال لى مفيش مشايخ مش هصدق.. لان عمى هو ابويا وهو اللى ربانى من واانا صغير استلمنى من قبل ما اتولد ... فقلة الادب الحقيقية هى انى اجامل اشخاص على حساب عمى عيب قوى

بص اخى بدون كلام كتير انا مش هعرف اقول كلام زيك بس هعرف اتكلم من قلبى واصلا اقسم بالله هذا الكلام عمرى ما قلته لانى لما بتكلم عن احوالى بيحصل لى تعطيل وحسد بس هتكلم وعمرى ما كنت صادق فى كلامى زى دلوقت..

بص اخى انا لما بتكلم معاك او مع اى اخ او مع الدكتور محمود حفظه الله اخرى معاكم 10 دقايق ولو الوقت زاد ممكن ربع ساعة ولو زاد قوى نص ساعة...صح

بعد كدا كل واحد فيكم بيروح لحاله..انت بتروح لحالك بتشوف لقمة عيشك بتشوف ولادك وبيتك وحياتك..

انا اخى لما بيسيبكم او بسيب اى حد ...شيخى بيبقى معايا على طول..روحه ملازمانى على ظول..لما بقع فى مشكلة بقرا له الفاتحة بتتحل والحمد لله وما شاء الله وربنا يديم على نعمته..والمواقف كتير بقت حجة عليا خلاص والحمد لله رب العالمين

لكن لو انا قريت لك انت الفاتحة او لاى حد هتقدر تعمل معايا ايه؟؟ هتشيلنى؟؟ هتعمل معايا ايه اخى ؟ هتحس بيا

بص اخى صلى على النبى القصة مش كلام حلو مترص..اقسم بالله العلى العظيم انا كنت فى العدم والشيخ احيانى..نعم حضرته خلانى الف حولين نفسى واشك فيه وارجع له واتوه وارجع لحد ما جه الوقت اللى كل الامور اتربطت ببعض وعرفت انه سر الله فى الارض..

هذا واقع بالنسبة لى وان كنت انت ترى ان هذا توهم...اخى انا كان عندى سحر فى المعدة كنت فى اى لحظة اسيب اجدع قعدة او اجتماع فى مدرسة فى كلية فى مسجد واهرب من شدة الالم اللى فى بطنى وظل هذا الالم من طفولتى المبكرة جدا ودخلت طرق صوفية كتير وظل الالم معايا لحد ما ربنا كرمنى وعرفت عمى ورحت له وفضلت اكل النفحات شهر وانتهى كل شئ كل شئ والحمد لله لم يعد يأتينى هذا الالم..وهذه التنقية جسدية ونفسية وخلقية مستمرة على طول

انا كنت لا شئ كنت لا شئ بجد وحياتى اتغيرت لما دخلت له والسيدة زينب تشهد فبينها وبينه كل الرضا..ولما سبحتى راحت بعد زيارة ستنا زينب كان عقوبة وكان سحب منه وعرفت دا بعدين..

اخى انت حر تصدق تكذب انا اصلا اعرف ان ما اقوله على غير مراد شيخى بس معلش فانت كلامك معى لن يتعدى دقائق وستذهب لحال سبيلك وغيرك كذلك وتبقى الحياة كما اعرفها وكما اراد الله لى ان اكون..

ودى اخر حاجة هقولها فى الموضوع دا وخلينا حبايب يجمعنا حب الله وسيدنا رسول الله وخلاص..

سلام

موقع د. محمود صبيح

أسئلة هامة لأخى هيثم وباقى الأحباب

الموجودون الآن