موقع د. محمود صبيح

ميشتوا يا مسلمين طريق طويل ورجعتوا تانى للدين
ميشتوا وانتوا مطمئنين وفاكرين إنكوا على الطرق المستقيم
حضرتوا مجالس كتير وخرجتوا من مجلس بتقولوا إحنا كده مظبوطين
مجلس وراء مجلس وافكار جديدة تدخلت تلخبط وأصبحنا مشحططين
وحدة تقول دا بدعة والتاني يقول بلاش تضليل
ويقولوا ابعدوا عن الأصول القديمة وتعالوا نصحح ونجدد الدين
الأخت تقول انا بشرح كلام السلف القديم ولازم نرجعله علشان نكون من الفائزين
والتانى يقول هى دى الفرقة الناجية والباقى كله من أهل النار المعذبين
والكل قاعد ينفذ الأفكار الجديدة ومحدش بيراجعهم لأنهم قاعدين مستمعين
آه يا أمة ليه مبتقروش لصحاح الكتب اللى كتبها الاوائل المبجلين
سابوكوا تتكلموا كل السنين اللى فاتت لأن دى اوامر المستعمرين
ويبعدونا عن البركات والكرامات اللى كانت للأعداء بالمرصاد طول السنين
و قريباً يقولوا إسكتوا بعد ما أفكارهم تسود جوه النفوس و يصبح المسلمين ملعونين
و مطرودين عن أنوار رسول الله و رحمة رب العالمين
ابحثوا عن جذور الفتنة امتى ابددت من أيام إبن تيمية ولا بعد الوهابيين
شوفوا بعينكوا الهزائم بتهل ومفيش انتصارات بعد انتصار صلاح الدين
صلاح الدين كان صوفى ونور الدين والعز بن عبد السلام والإمام البصرى
والأئمة الأربعة كانوا متبعين منهج الرسول صلى الله عليه وسلم كانوا متصوفين
الأكابر كلهم كانوا من المتصوفة المحافظين على الدين المتين
اعدائكو شافوا النصر والعزة وبركات الصالحين أنوارهم بتزداد على مر السنين
حاربوا المسلمين هدموا المساجد والعداء ازداد والقلوب زاد تمسكها بالدين
فكر عدوك من فين انوار المسلمين وليه مبتنطفيش
وجدو رسول الله صلى الله عليه وسلم مع الصالحين وأولياء الله بيرشدهم و الحديث الصحيح أن الرؤية الصالحة من مبشرات النبيين
احبابنا الصوفيين لهم أثار عظيمة عرفها اعدائك وحربك بيها مش بأيده لأ استعان بأعوانه الضعفاء من المسلمين
اعدائك خوفوك من مودة أل البيت والأولياء الصالحين وقالوا زيارتهم شرك
وكان ده الشرك اللى وقع فيه الناس الغافلين عن أصول الدين
وقالوا للمصريين أن زيارة المراقد فى مصر شرك وان هذا من افعال اليهود والنصارى
و منعوا الصلاة فى مساجد آل البيت و أولياء الله الصالحين
المقصود الصلاة علي القبر نفسه يا مسلمين
وياريت يا نائمين تفهموا أن اليهود والنصارى اصلا ملهومش مقابر لأنبيائهم وأن السيد المسيح رفع واليهود طول عمرهم قتلة النبيين
نشروا افكارهم بين المسلمين الطيبين واهانوا شيوخ الأزهر الكبار اللى حافظوا على الصرح العظيم سنين
اخترقوا الأزهر والبيوت العريقة حتى القرى وقلوب الناس الطيبين
بلبلوا الأفكار باسم المصححين وغسلوا مخ الشباب وياريت البلبلة تمت بأيد المستعمرين
لأ تمت بأيد أولادنا مجلس وراء مجلس يا سلام ايه الحرية دى اتريها مجالس لهدم اصول الدين
قالوا الإسراء والمعراج بدعة والاحتفال بالهجرة والمولد ضلال حتى ليلة النصف من شعبان وفى يوم وليلة أصبح ملناش تاريخ نحتفل بيه فلسفات جديدة وكلام كتير والخوف أن التاريخ يتنسى والأصول تتمحى
و يفرح عبد الله بن سبأ و أعوانه اللى انتسبوا للمسلمين بإسم السلفيين
لكن رسول الله صلى الله عليه وسلم انقذ الأمة وقال فى حديثة العظيم إذا وجدتم اختلافاً فعليكم بالسواد الأعظم .. و نحن السواد الأعظم و سنحتفل أكثر و أكثر كما فعل أجدادنا العباسيين
السلطان كوكبرى زوج بنت القائد صلاح الدين الذى أنقذ الأمة بالإحتفال بمولد النبى صلى الله عليه و سلم حتى يجمع العامة مع العلماء لشرح الأحاديث و أصول الدين و إختار يوم مولد رسول الله صلى الله عليه و سلم كان فى العصر العباسى و ليس عصر الفاطميين
و هذا الإحتفال سنة حسنة و من أعظم الحسنات لمن دلنا عليها و لمن بدعها له الأجر إلى يوم الدين
صدقت يا رسول الله يا من قال عنك الوهابيين انك ….. لن أقول لأنهم لا يعلمون مقدارك عند رب العالمين
ولا يعلمون أنك خلقت قبل أن يخلق الله الخلق فى بهاء سماوى عند رب العالمين بآلاف السنين
صدقت يا رسول الله يا من خلق الله الأشياء كلها من اجلك
صدقت يا من اقسم بك الأنبياء والمرسلين
و هذا فعل الأمة على مر الدهور و السنين

الإسلام سيظل شامخ و مصر المحروسة محروسة بمراقد آل البيت و الصالحين
و نشكر القائمين فى مصرنا للإحتفال بيوم اليتيم
أليس الإحتفال بيوم اليتيم يا مدعين التصحيح من السنة الحسنة التى أمرنا بها الدين ؟؟
_____________________________________________________________________

قال رسول الله صلى الله عليه و سلم:

هل أخبركم بشرِ من ذلكم قالوا: بلى يا رسول الله قال:
من لم يؤمَن خيره لا يأمَن شره

صدق رسول الله صلى الله عليه و سلم

الله الله الله ما شاء الله لا قوة إلا بالله ، بارك الله فيكى وعليكى وحواليكى ، وفتح الله علينا فتوح العرفين ، قولى آمين .

يرفع بمناسبة المولد النبوي الشريف على صاحبه أفضل الصلاة وأتم التسليم

وكل عام وأنتم بخير

_________________
أبا الزهراء قد جاوزت قدري *** بمدحك بيد أن لي انتسابا

سألت الله في أبناء ديني *** فإن تكن الوسيلة لي أجــابا