موقعة الالي بالمطرية

المصري · **مرسل:** الجمعة أغسطس 16, 2013 9:38 pm

المسيرة اللي خرجت انهاردة متجهة للمطرية كانوا معاهم آلي من الاول
وقف قصادهم بتاع تكتك يستفز فيهم كلمة يمين كلمة شمال خدلوا طلقتين وراح المستشفى
قصاد جامع الخلفاء واحد رفع الشبشب في وشهم كانوا هايطحنوه بس الناس انقذته ولمت الليلة
وكان ماشي معاهم عربية جيب وقصاد الناس خرجوا الالي
من عادة اهل المنطقة انهم يمشوا بآلي وكأنهم في فرح
المهم كانوا بيضربوا نار في الهوا
بتوع المطرية من شباب الميدان ومنطقة الليمون ومعلمين المنطقة كانوا موجودين
رصاصة غلط جات في واحد غلط في المكان الغلط
المعلمين وشباب الليمون خرجوا هم كمان بالالي وردوا عليهم
بس ياسيدي وقامت موقعة الالي

سوءال
اللي عاوز سلمية يورط نفسه كدة ويمشي بآلالي
امال لو عاوزها حرب يمشي بإيه بأرباجيه

عامة انا بطمنكم
بتاع الفول لسة عايش وبيقلي الطعمية ايه الله اكبر عليه اسد ولا همه
ممكن تشتروا من عنده دلوقتي

حبيبة1 · **مرسل:** الجمعة أغسطس 16, 2013 10:17 pm

الحمد لله انك بخير يااخي

حامد الديب · **مرسل:** الجمعة أغسطس 16, 2013 10:24 pm

نجاك الله من كل سوء اخى المصرى

المصري · **مرسل:** الجمعة أغسطس 16, 2013 11:42 pm

شكرا للسيدة الفاضلة حبيبة
ولسيدي الدكتور حامد
واسأل الله ان ينجينا جميعا وينجي بلادنا وامة الحبيب من كل سوء
وان يطفيء نار هذه الفتنة التي تحرق كل شيء امامها

من الامور اللي بتضحك في هذه الاوقات الصعبة ان الاطفال عندنا بيروح ناحية الضرب
الناس تقولهم رايحين فين
يقولوا عاوزين نتفرج على الرصاص
ايه الاطفال دولة
مافيش حاجة تخوفهم
او تهمهم
ربنا يكون في عون اهاليهم

الكرار · **مرسل:** السبت أغسطس 17, 2013 12:35 am

نجاك الله من كل سوء وكل ابناء الوطن الشرفاء

المصري · **مرسل:** السبت أغسطس 17, 2013 8:25 pm

آمين يارب العالمين
ونجاكم الله ونجا كل الاحباب
ونجا كل مصر بأبناءها
واحبابها واهلها من كل سوء

موقع د. محمود صبيح

موقعة الالي بالمطرية

الموجودون الآن